Sport • 18 Qyrkúıek, 2019

Ole Gýnar Sýlsher: Sıgýronssonmen jaqsy tanyspyn

130 ret kórsetildi

Ole Gýnar Sýlsher: Sıgýronssonmen jaqsy tanyspyn

Eýropa lıgasynyń toptyq kezeńi aıasyndaǵy «Astanǵa» qarsy kezdesý aldynda «Manchester Iýnaıted» komandasynyń bas bapkeri Ole Gýnar Sýlsher jýrnalısterdiń suraqtaryna jaýap berdi:

- Biz «Astana» komandasynyń birneshe oıynyn qarap shyqtyq. Onyń ishinde Eýrokýbokterde ótkizgen oıyndaryna basa nazar aýdarýǵa tyrystyq. Komanda quramyna óte jaqsy oıynshylar jınaqtalǵan. Men «Molde» tizginin ustaǵan kezeńde, Rýnar Sıgýronssondy qatarymyzǵa qosqym kelgen. Sondyqtan da men bul oıynshynymen jaqsy tanyspyn deı alamyn.
- Barlyǵy erteń alańǵa jas oıynshylardyń shyǵatynyn aıtyp jatyr. Bul belgili bir deńgeıde qarsylasty elemeý deýge bola ma?
- Múlde olaı emes. Eýropa lıgasyndaǵy kezdesýlerde jas oıynshylarǵa múmkindik berý, tájirıbeli fýtbolshylarmen ıyq tirestirý klýbtyń dástúri desem bolady.
- Erteń jas fýtbolshylardyń alańǵa shyǵatynyn eskersek, olarǵa qandaı tapsyrma júkteý josparyńyzda bar?
- Biz osyǵan deıin Shyǵys Eýropanyń komandalaryna qarsy oıyn ótkizgen edik. «Astanaǵa» qarsy kezdesýde de komanda belgili bir deńgeıde tájirıbe jınaqtaıtyndyǵy anyq. Biz toptyq kezeńnen shyǵý úshin úıdegi oıyndardy jeńý óte mańyzdy. Sondyqtan da erteń alańǵa tek jeńis úshin shyǵamyz.
- Komandanyń negizgi qaqpashysy Davıd de Heıa erteń negizgi quramda alańǵa shyǵa ma?
- Davıd de Heıa klýbpen jańa kelisimsharqa qol qoıdy. Oǵan klýb tarapynan tolyq qoldaý kórsetý óte mańyzdy boldy. Davıd eger erteń oınaýǵa daıyn bolsa, ony alańnan kórsek qýanyshty bolatynymyz anyq.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar