Uıymdastyrýshylardyń pikirinshe, onlaın irikteý shalǵaıdaǵy eldi mekenderdegi naǵyz daryndardy anyqtaýǵa múmkindik bergen.
Sóıtip aqtyq kezeńge joldama alǵan 22 úmitker Shámshi ánderin úlken sahnada shyrqaý múmkindigine ıe boldy. Ánshilerdiń ónerin kompozıtor, shámshitanýshy Qaldybek Qurmanáli tóraǵalyq etken qazylar alqasy baǵalady. Baıqaý qorytyndysy boıynsha bas júldeni Túrkistan oblystyq opera jáne balet teatrynyń janynan qurylǵan «Arbat» kvarteti jeńip aldy. Bas júlde ıegerine 400 000 teńge tabystaldy. Birinshi orynǵa Otyrar aýdanynan Shoqan Teńlibaev, ekinshi orynǵa ordabasylyq Ámir Bekzat, úshinshi orynǵa shardaralyq Dınara Izǵalı laıyq dep tanyldy.
Sondaı-aq birqatar baıqaý qatysýshylary Túrkistan oblysy ákiminiń, «Meniń Qazaqstanym», «Aqsuńqarym», «Bárinen de sen sulý», «Eń jas oryndaýshy» arnaıy júldelerine ıe boldy. Baıqaý jeńimpazdary men barlyq qatysýshylar aqshalaı syılyqtarmen jáne arnaıy dıplomdarmen marapattaldy.
Túrkistan oblysy
