Aımaqtar • 19 Qyrkúıek, 2019

Batys Qazaqstanda «Baqytty otbasy» kóbeıedi

49 retkórsetildi

Batys Qazaqstan oblysynda «Baqytty otbasy» baǵdarlamasy boıynsha alǵashqy turǵyn úı nesıeleri berile bastady.

Qonystoı toılaýshylardyń qatarynda kópbalaly jáne tolyq emes otbasylar, múmkindigi shekteýli bala tárbıelep otyrǵandar bar. Olarǵa berilgen «Turǵyn úı qurylys jınaq banki» nesıesiniń jyldyq paıyzy 2% bolsa, alǵashqy jarna kólemi páterdiń jalpy qunynyń 10%-ynan aspaıdy.

Qazirgi tańda bankke Batys Qazaqstan oblysynan 112 nesıe ótinishi túsken bolsa, sonyń 52-si qoldaý tapty.

Alǵashqylardyń biri bolyp ótinish bergen Nurgúl Qondydaeva Tasqala aýdanynda turady. Ol otaǵasymen birge 6 bala tárbıelep ósirip otyr. «Turǵyn úı qurylys jınaq bankiniń» jeńildikti nesıesi arqyly 7 mln 304 myń teńgeniń páterine ıe bolǵan otbasy aı saıyn 38939 teńge nesıe tóleıtin bolady.

- «Baqytty otbasy» baǵdarlamasynyń arqasynda Oral qalasynan 3 bólmeli páterge ıe boldyq. Bul bizdiń otbasy úshin úlken qýanysh. Memlekettiń mundaı qoldaýy bolmasa, páter ala almas edik, - deıdi Nurgúl Qondydaeva.

Aıta keteıik, «Baqytty otbasy» baǵdarlamasy boıynsha jańadan salynǵan pátermen qatar buryn paıdalanylǵan páterdi nemese jeke úıdi de alýǵa bolady. О́ńirdegi nesıeniń eń joǵarǵy 10 mln teńge. «Baqytty otbasy» baǵdarlamasy 2021 jylǵa deıin júrgizilmek.

 

Batys Qazaqstan

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar