Qoǵam • 19 Qyrkúıek, 2019

B.Nurymbetov Almatydaǵy áleýmettik obektilerge bardy

29 retkórsetildi

Qazaqstan Respýblıkasy Premer-Mınıstriniń orynbasary Berdibek Saparbaevtyń Almatyǵa jumys sapary aıasynda Eńbek jáne halyqty áleýmettik qorǵaý mınıstri Birjan Nurymbetov qalanyń áleýmettik uıymdary men jumyspen qamtý ortalyqtaryna baryp, onda Qazaqstan Respýblıkasynyń Prezıdenti Qasym-Jomart Toqaevtyń Qazaqstan halqyna Joldaýynyń negizgi baǵyttaryn túsindirdi.

Birinshi kezekte, Eńbek jáne halyqty áleýmettik qorǵaý mınıstrliginiń basshysy «№1 arnaýly áleýmettik qyzmetterdi kórsetý ortalyǵy» KMM bólimshesi bolyp tabylatyn О́z aldyna derbes turý úıiniń jumysymen tanysty. Bul uıym 18 jastan asqan psıhonevrologııalyq aýrýlary bar adamdarǵa arnaıy áleýmettik qyzmetter kórsetiledi.

Sodan keıin Mınıstr 3-ten 18 jasqa deıingi I-II toptaǵy múgedek balalarǵa arnalǵan «№2 arnaýly áleýmettik qyzmetterdi usyný ortalyǵy» KMM-de boldy.

Joǵaryda kórsetilgen uıymdardyń jetekshilerimen kelissózder barysynda Birjan Nurymbetov Qazaqstan Respýblıkasynyń Prezıdenti Qasym-Jomart Toqaevtyń saılaýaldy baǵdarlamasynda belgilengen negizgi mindetterdiń biri múgedekterge kórsetiletin áleýmettik qyzmetterdiń sapasyn jaqsartý jáne olardyń qol jetimdiligin qamtamasyz etý ekenin atap ótti. Memleket basshysy «Syndarly qoǵamdyq dıalog - Qazaqstannyń turaqtylyǵy men gúldenýiniń negizi» atty Joldaýynda erekshe qajettilikteri bar adamdar úshin teń múmkindikter jasaýǵa erekshe nazar aýdardy.

«Osy jylǵy mamyr aıynda múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi 2025 jylǵa deıingi jańa Ulttyq jospar qabyldandy. Oǵan áleýmettik qorǵaý, bilim berý, densaýlyq saqtaý jáne áleýmettik qyzmetkerlerdiń biliktiligin arttyrýdyń keshendi sharalary kiredi. Bizdiń búgingi basty mindetimiz - Ult josparynyń is-sharalaryn barlyq deńgeıde sapaly iske asyrý, múgedektigi bar adamdardy tehnıkalyq quraldarmen jáne ońaltý qyzmetterimen qamtamasyz etý. Olardyń ómir súrý sapasyn arttyrý, táýelsizdikke qol jetkizý, áleýmettik jáne kásibı qabiletterin saqtaý jáne olardy ómirdiń barlyq salalaryna engizý qajet », - dedi mınıstr.

Sondaı-aq Birjan Nurymbetov Almaty qalasynyń halyqty jumyspen qamtý ortalyǵynda bolyp, vokzal mańy alańynda ornalasqan mobıldi jumyspen qamtý ortalyǵynyń jumysymen tanysty. Jumyspen qamtý ortalyǵy qyzmetkerleriniń aldynda sóılegen sózinde Eńbekmıniniń basshysy halyqty jumyspen qamtýdy qamtamasyz etý Mınıstrlik úshin ǵana emes, jergilikti atqarýshy organdar úshin de mańyzdy mindetterdiń biri bolyp tabylatynyn atap ótti.

«Qabyldanǵan sharalardyń nátıjesinde búgin eldegi jumyssyzdyq deńgeıi 4,8%-dan aspaıdy. Alaıda qol jetkizilgen nátıjelermen toqtalyp qalmaýymyz qajet. Memleket basshysy óz Joldaýynda bıznesti qoldaýdyń jańa nysandaryn belsendi túrde engizý qajettigin, eń aldymen, kóp balaly jáne tabysy az otbasylar úshin otbasylyq bıznes qurýǵa áleýmettik aspektilerge basa nazar aýdarý qajet ekenin atap ótti.

2017 jyldan bastap Qazaqstanda Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasy júzege asyrylýda, onyń baǵyttarynyń biri - mıkrokredıtter, sondaı-aq qaıtarymsyz negizde memlekettik granttar berý esebinen azamattardyń kásipkerlik bastamashylyǵyn damytý bolyp tabylady. Bul jumysty jandandyrý qajet, sonymen qatar azamattardy basqa baǵyttaǵy iske asyrý sharalarymen qamtý, ıaǵnı, jumyssyzdardy múmkindiginshe qoǵamdyq jumysqa tartý, olardy qysqa merzimdi oqý kýrstaryna jiberý, áleýmettik jumys oryndaryn qurý, oqý oryndarynyń túlekterine alǵashqy kásibı tájirıbelerin alý úshin jastar praktıkasyn usyný kerek», - dedi Nurymbetov.  

Kezdesý sońynda Mınıstr jumyspen qamtý ortalyǵy tabysy az otbasylardyń eńbekke qabiletti múshelerin belsendi jumyspen qamtýǵa barlyq kúsh-jigerin jumsaý kerektigin aıtty.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar