Ashylý saltanatynda Berik Kamalıev «Translogistica Kazakhstan» kórmesi sııaqty halyqaralyq deńgeıdegi is-sharalardy ótkizý tájirıbe almasýdyń, kólik salasynyń ózekti máselelerin talqylaýdyń jáne ózara tıimdi áriptestik qarym-qatynastardy ornatýdyń biregeı múmkindigin beretinin atap ótti.
Bıylǵy jyly TransLogistica Kazakhstan 2019-ǵa álemniń 12 elinen 96 kompanııa qatysýda.
Jyl saıyn kórmege «Qazaqstan Temir Joly» UK» AQ, «KTZ Express» AQ, «QTJ-Júk tasymaly» AQ, «Aqtaý halyqaralyq teńiz saýda porty» UK» AQ, Quryq porty, «KTZE-Khorgos Gateway» JShS, «Qorǵas – Shyǵys qaqpasy» arnaıy ekonomıkalyq aımaǵy «ÝK» AQ, «Aqtaý Teńiz Soltústik Termınaly» JShS sııaqty iri kompanııalar qatysady.
Bıylǵy jyly kórmeniń qatysýshylary men qonaqtary úshin 18-20 qyrkúıek aralyǵynda ótetin biregeı iskerlik baǵdarlama daıyndaldy.
Bıylǵy jyly sarapshylar kólik salasyn damytý, júk tasymalynyń áleýeti jáne kólik ınfraqurylymyn jetildirý, konteınerlik tasymaldar naryǵyndaǵy basty úrdister, normatıvtik bazany sıfrlandyrý jáne jetildirý, zańnamadaǵy problemalardy sheshý máselelerin talqylaıdy.
TransLogistica Kazakhstan kórmesin jyl saıyn Atakent-Ekspo jáne Iteca halyqaralyq kórme kompanııalary Indýstrııa jáne ınfraqurylymdyq damý mınıstrliginiń, «Qazaqstan Temir Joly» UK» AQ, «KAZLOGISTICS» kóliktik jáne logıstıkalyq uıymdar men qaýymdastyqtar odaǵy, tasymaldaýshylar men vagondar operatorlary qaýymdastyǵynyń jáne Ulttyq ekspedıtorlar qaýymdastyǵynyń qoldaýymen ITE Group (Ulybrıtanııa) halyqaralyq áriptesimen birlesip ótkizedi.
