Qazaqstan • 19 Qyrkúıek, 2019

Elordada halyqaralyq týrıstik kórme ótip jatyr

48 ret kórsetildi

Qazaqstan astanasynda PATA Travel Mart 2019 Azııa-Tynyq muhıty elderiniń halyqaralyq týrıstik kórmesi ashyldy.

 

Kórmege álemniń 60 elinen týrıstik ındýstrııanyń 1000-nan astam ókili qatysýda. Kórme Qazaqstan Respýblıkasynyń Mádenıet jáne sport mınıstrligi men «Kazakh Tourism» UK» AQ uıymdastyrýymen ótip jatyr.

Is-shara barysynda kórme, iskerlik kezdesýlerge arnalǵan netvorkıng-platforma jáne iskerlik eki forým ótedi. PATA Travel Mart jergilikti jáne halyqaralyq týrıstik naryq oıynshylaryna arnalǵan kommýnıkasııalyq, iskerlik jáne netvorkıng alań bolmaq. Bul - qazaqstandyq týroperatorlar men bıznes-qaýymdastyq úshin, otandyq jáne sheteldik týrónimderdi damytý maqsatyndaǵy halyqaralyq baılanysty nyǵaıtýdyń biregeı múmkindigi.

TMD keńistigi men Eýrazııanyń eýropalyq bóliginde RATA kórmesin alǵash ret ótkizý quqyǵyn Qazaqstannyń jeńip alǵanyna asa qýanyshtymyz. Memleket tarapynan Qazaqstanda týrızmdi damytý baǵytyndaǵy kóptegen is-sharalar atqarylýda; biz elimizde týrıstik bızneske arnalǵan platformany qalyptastyryp jatyrmyz. Mysaly, 72 saǵatqa vızasyz rejım engizdik, týrısterdiń kelýine jaǵdaı jasaýdy jalǵastyrýdamyz, - dep Mádenıet jáne sport mınıstri Aqtoty Raıymqulova atap ótti. 

RATA prezıdenti Doktor Marıo Hardı, týrıstik bolashaq Azııanyń enshisinde bolǵandyqtan Qazaqstanǵa osyndaı is-sharalardy jalǵastyrý qajet ekenine nazar aýdardy. Marıo Hardı týrıstik áleýetti damytýda elimizdiń durys joldy tańdaǵanyna senimdi.  

Shara spıkerleriniń qatarynda BBC Global News-tiń Sıngapýr, Ońtústik jáne Ońtústik-Shyǵys Azııa aımaqtary boıynsha jarnamany satý jónindegi vıse-perzıdenti Djon Ýılıams, Air Astana avıakompanııasynyń prezıdenti Pıter Foster, iFree Group-tyń Korporatıvtik damý jáne kommýnıkasııa jónindegi vıse-prezıdenti Tonı Smıt jáne basqalary bar.

Sondaı-aq PATA Travel Mart 2019 aıasynda PATA Gold Awards 2019 marapaty tabystalady. Qazir is-sharaǵa 32 elden 250-den astam seller jumyldyrylǵan, olar óz klasyndaǵy úzdik ónimder men qyzmetterdi, erekshe taǵamdar men Japonııadaǵy «foto-kanıkýldan» Qytaı murasyna saıahatqa deıin kórsetedi.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar