Qoǵam • 19 Qyrkúıek, 2019

Burynǵy áskerı qyzmetshilerge elordadan jańa úı berildi

77 retkórsetildi

Qazaqstan Qarýly Kúshterdiń qatarynda buryn qyzmet etken áskerı qyzmetshilerge elordada páterlerdiń kilti berildi. Búgingi tańda Qazaqstan áskerinde júrgizilip jatqan aýystyrý baǵdarlamasy aıasynda 12 áskerı qyzmetshiniń otbasylary jeke tuǵyn úıge qol jetkizdi. Bul týraly Qorǵanys mınıstrliginiń baspasóz qyzmeti habarlady. 

Áskerı qyzmetshilerdiń barlyǵy QR Qarýly Kúshterinde 10 jyldan 20 jylǵa deıin qyzmet etken. Osyǵan deıin olar otbasylarymen birge Aqtóbe, Jambyl jáne Almaty oblystary, Almaty, Aıagóz, Jarkent qalalary jáne Jetigen kentinde qyzmettik páterlerde turǵan.

Búgingi kúnde qyzmetin aıaqtaǵan áskerı qyzmetshilerdiń turǵyn úı máselelerin sheshý úshin baspanamen almasý baǵdarlamasy jumys isteıdi. Baǵdarlama aıasynda jekeshelendirilmeıtin qyzmettik páterdi qaladaǵy páterge jekeshelendirip, ony qaldyq baǵamen jekemenshik etýge bolady. Qorǵanys mınıstrligi resmı saıtynyń «turǵyn úımen qamtamasyz etý» bóliminde almasýǵa qoljetimdi páterler tizimi, sondaı-aq qajetti qujattardyń tizimi men is-áreket algorıtmi kórsetilgen. Almasýǵa usynylǵan páterlerdiń qurylys jyldary men aýdany boıynsha bólingen, budan qaldyq baǵasy ózgeredi. Kóp jaǵdaılarda qaldyq baǵasy naryqtaǵy baǵadan eki nemese birneshe ese tómen bolady.

Qazirgi tańda Nur-Sultan, Almaty, Shymkent qalalarynda, sondaı-aq Almaty, Jambyl, Atyraý, Aqtóbe, Shyǵys Qazaqstan, Mańǵystaý, Qyzylorda, Aqmola jáne Qostanaı oblystarynda páter aýystyrýǵa qol jetimdi. Qazirgi kezde atalmysh baǵdarlamany 100-den astam otbasy qoldanǵan. Bul rette 664 burynǵy áskerı qyzmetshi jabyq jáne oqshaýlanǵan áskerı qalashyqtarda turyp jatyr, sondaı-aq aýystyrýǵa quqyǵy bar. Olardyń barlyǵy áskerde 10 jyldan 20 jylǵa deıin qyzmet etip, 2018 jyldyń 1 qańtaryna deıin Qazaqstan áskeriniń qatarynan ketken.   

2020 jyly aqysyz jekeshelendirý quqyǵy ornyna aqshalaı ótemaqy tólemin bastaý josparlanýda ekendigin aıta ketken jón. Ony jabyq jáne oqshaýlanǵan áskerı qalashyqtarda turatyn, áskerde 20 jáne odan da kóp jyl qyzmet etken, 2018 jylǵa deıin qyzmetin aıaqtaǵan burynǵy áskerı qyzmetshiler alady.

Qazaqstan Respýblıkasy Qarýly Kúshterinde 10 jyldan 20 jylǵa deıin qyzmet etken jáne 2018 jyly 1 qańtarǵa deıin Qazaqstan armııasynyń qatarynan ketken burynǵy áskerı qyzmetshiniń turǵyn úı máselesin sheshý úshin Qazaqstan Respýblıkasynyń Qorǵanys mınıstrligi turǵyn úı zańnamasyna ózgerister engizý týraly bastama kóterdi. 2018 jylǵy 1 qańtarda «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 55-babynyń 6.1-tarmaǵyna ózgerister engizildi, oǵan sáıkes áskerı qyzmetshilerdiń osy sanaty úshin turǵyn úıdi memlekettik turǵyn úı qorynan aıyrbastaý qarastyrylǵan.

Sońǵy jańalyqtar

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar