QALPYNA KELTIRÝ JUMYSTARY JALǴASÝDA

Almaty oblysynyń Aqsý aýdanyndaǵy tabıǵat apatynyń zardaptaryn joıý jónindegi memlekettik komıssııa jumysy odan ári jalǵasýda. Operatıvti shtab belgilegen barlyq is-sharalar óz ýaqytynda jáne tolyq kóleminde júzege asýda, dep habarlady Premer-Mınıstrdiń baspasóz qyzmeti. Izdeý-qutqarý jumystarynyń nátıjesinde sońǵy táýlikte qaza bolǵan taǵy eki adamnyń deneleri tabyldy. Qaza tapqandardyń jalpy sany 40 adamǵa jetti. Aýdandaǵy ahýal qalypqa túsip keledi. 18 naýryz kúni keshke Qy­zyl­aǵash aýylyna 1088 adam ora­lyp, olar aýyl mektebi men shatyr­ly qalashyqqa ornalas­tyr­yl­dy. Qyzylaǵashta kósheni jaryq­tan­dyrý qalpyna keltirildi. “Qaz­poshta” bólimshesi zeınetaqylar men basqa da áleýmettik tólem túr­lerin tóleýdi jalǵastyrýda. Ádilet basqarmasy men halyqqa qyzmet kórsetý ortalyǵy qyzmetkerleriniń kúshimen 97 qujat qalpyna kelti­rildi. 26 qurylys kompanııasyna úı salý úshin arhıtektorlyq jobalar berildi. Bas josparǵa sáıkes jańadan 467 úı salynady. Qu­ry­lys jumystaryna, arnaýly mamandardan tysqary, jergilikti turǵyndardy tartý oılastyrylýda. Qurylys eki aýysymda, táýlik boıy júrgizilip, jumystar jaz kezeńinde aıaqtalmaq. Qyzylaǵashqa Almaty obly­synyń qalalary men aýdandarynan gýmanıtarlyq kómekter jetki­zi­lý­de. 19 naýryzǵa qarasty qalpyna keltirý jumystary úshin túrli kózderden 2 mıllıard 100 mıllıon teńge qarjylaı jáne materıaldyq kómekter bólindi. Onyń ishinde Úkimettiń rezervtik qorynan 600 mıllıon teńge, “Samuryq-Qazyna” qorynan 500 mıllıon teńge qarjy qarastyryldy. Osy maqsattar úshin oblystyq bıýdjetterden 870 mıl­lıon teńge maqsatty transfertter baǵyttaldy. Tótenshe oqıǵa zardaptaryn joıý jumystary Premer-Mınıstr Kárim Másimovtiń turaqty baqy­laýynda tur.