Qoǵam • 19 Qyrkúıek, 2019

Mádenıet qyzmetkerleriniń jalaqysyn arttyrý úshin Úkimetke tıisti qaýly ázirlendi - A. Raıymqulova

54 retkórsetildi

Mádenıet jáne sport mınıstri Aqtoty Raıymqulova Almaty oblysy, Qarasaı aýdanyndaǵy «Úsh qońyr» sport mektebine bardy. Onda mınıstr jergilikti turǵyndarmen kezdesip, Prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» joldaýy jaıly, mańyzdy qujatta kórsetilgen mindetterdi júzege asyrý jaıynda aıtyp berdi. Bul týraly mınıstrliktiń baspasóz qyzmeti habarlady. 

Memleket basshysynyń joldaýynda buqaralyq sportty damytýdyń mańyzdylyǵyna erekshe mán berilgeni belgili. Prezıdent ásirese «sport ınfraqurylymynyń balalar úshin barynsha qoljetimdi bolýyn qamtamasyz etý kerek» degen edi. Mádenıet jáne sport mınıstri Aqtoty Raıymqulova «Úsh qońyr» mektebi osy mindetti júzege asyrýǵa úles qosyp jatqanyn aıta kele, sport salasynda júrgizilip jatqan jáne josparlanyp otyrǵan jumystardyń qorytyndysy boıynsha 2025 jylǵa qaraı elimizde dene shynyqtyrý jáne sportpen shuǵyldanýshylardyń sanyn 35%-ǵa deıin arttyrýǵa bolatynyn jetkizdi. Byltyrǵy jyldyń qorytyndysyna sáıkes, eldegi sportpen júıeli túrde aınalysatyndar sany 5,4 mln-nan astam adam, ıaǵnı 29,8%.

Mınıstr sondaı-aq joldaý sala qyzmetkerleriniń áleýmettik jaǵdaıyn jaqsartýǵa da múmkindik beretinin aıtty. «Mádenıet jáne sport mınıstrligi 2020 jyldan bastap mádenıet jáne óner qyzmetkerleriniń jalaqysyn arttyrý úshin Úkimettiń tıisti qaýlysyn ázirledi, ol jyl sońyna deıin qabyldanatyn bolady. Mádenıet salasyna tikeleı qatysy bar adam retinde, osy jalaqyny arttyrý máselesiniń sheshilýin qanshalyqty kútkenimizdi túsinemin», - dedi mınıstr.

Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń qoldaýymen osydan 3 aı buryn ashylǵan «Úshqońyr» sport kesheninde sporttyń 16 túri boıynsha úıirmeler jumys isteıdi, 2 basseın bar. Balalar erkin kúres, dzıýdo, boks, voleıbol, jeńil atletıka, taekvando men úlken tennıs syndy olımpıadalyq sport túrlerinen jattyǵady. 45 jattyqtyrýshy qyzmet etetin mekemede 2 myńǵa jýyq sportshyny daıyndap shyǵarýǵa múmkindik bar. Elbasy N.Nazarbaev bul keshennen bolashaq olımpıada jeńimpazdary túlep shyǵatynyna senim bildirgen edi.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar