Parlament • 19 Qyrkúıek, 2019

Májiliste «Pedagog mártebesi týraly» zań jobasy tanystyryldy

147 retkórsetildi

Búgin Májiliste «Pedagog mártebesi týraly» zań jobasy tanystyryldy. Bul týraly Májilistiń baspasóz qyzmeti habarlady.  

Zań jobasy bilim berýdiń barlyq deńgeılerindegi uıymdardyń salasynda týyndaıtyn qatynastardy retteýdi qamtamasyz etetin quqyqtyq tetikti jetildirý, sondaı-aq ulttyq jáne halyqaralyq tájirıbeni eskere otyryp, bilim berý salasynyń zańnamasyndaǵy quqyqtyq olqylyqtardy joıý arqyly pedagog qyzmetiniń ózekti áleýmettik jáne kásibı máselelerin tıimdi sheshý maqsattarynda ázirlendi.

Zań jobalarynyń negizgi normalary men oǵan ilespe túzetýler týraly bilim jáne ǵylym mınıstri Ashat Aımaǵambetov baıandady. Jańa zań jobasy pedagogıkalyq qaýymdastyqtyń ár ókiline óz oılarymen bólisýge múmkindik beredi.

Zań jobasyn ázirleý kezinde jumys toby quryldy, onyń quramyna jetpisten astam maman: praktıkamen aınalysatyn pedagogter, zańgerler, ǵalymdar, mektep basshylary, qalalyq kásipodaq ókilderi kirdi. Sonymen qatar, «Bilimdi el» saıtynda zań jobasynyń jańalyqtaryn talqylaý maqsatynda pedagogıkalyq qoǵamdastyqpen keri baılanys ornatý úshin bilimdiel.project@mail.ru arnaıy elektrondy jáshigi ashyldy. Nátıjesinde jumys tobyna 18 myńnan astam túrli usynys kelip tústi.

Kelip túsken usynystar úlken tórt bólimge bólingen: muǵalimniń quqyqtaryn keńeıtý jáne oqý júktemesin azaıtý, materıaldyq emes yntalandyrý, materıaldyq stımýl jáne bilim júıesin jetildirý boıynsha is-sharalar.

О́z baıandamasynda, mınıstr materıaldyq emes stımýldarǵa erekshe toqtaldy. Atap aıtqanda, birinshi kezekte balabaqshalardan oryn berý, «Qazaqstannyń eńbek sińirgen ustazy» memlekettik marapattyń jańa túrin engizý. Sondaı-aq áskerı qyzmetke shaqyrýdy keıinge qaldyrý, aýyldyq jerde jumys isteıtin muǵalimderdiń eńbekaqysyn arttyrý, densaýlyq saqtaý, «Úzdik pedagog», «Joǵary oqý ornynyń úzdik oqytýshysy» granttary sııaqty qoldanystaǵy barlyq áleýmettik kepildikter saqtalady.

Tanystyrylym barysynda depýtattar qaraýyna pedagog mártebesi, oqýshy men mugalimge júktemeni tómendetý máseleleri boıynsha túzetýler de engizildi. Ilespe zań jobasynda birqatar uǵymdardy ashýǵa jáne bekitýge, qaıtalanatyn jáne eskirgen normalardy alyp tastaýǵa, qoǵamdaǵy pedagog mártebesin arttyrý salasyndaǵy zańnama normalarynyń olqylyqtary men qaıshylyqtaryn joıýǵa, oqýshy men muǵalimge júktemeni tómendetýge baǵyttalǵan ózgerister men tolyqtyrýlar kózdelgen.

Tanystyrylymǵa Májilis depýtattary, Bilim jáne ǵylym mınıstrligi, ýákiletti memlekettik organdardyń, joǵary jáne orta bilim berý uıymdarynyń ókilderi qatysty.

Tanystyrylymdy qorytyndylaı kele, Májilistiń Áleýmettik-mádenı damý komıtetiniń Tóraıymy Gúlshara Ábdiqalyqova zań jobalaryn qaraý, eskertýler men usynystardy eskere otyryp, jumys tobynda jalǵasatynyn atap ketti. Zań jobalary odan ári depýtat Ábdimanap Bekturǵanov basqaratyn jumys tobynda talqylanatyn bolady.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar