Saıasat • 20 Qyrkúıek, 2019

Halyq pikirine qurmet

14 retkórsetildi

Qazaqstan Respýblıkasynyń Prezıdenti Qasym-Jomart Toqaev el damýynyń jarqyn keleshegi jolynda tatýlyq, birlik máselesin eń basty qundylyq retinde ustana otyryp, árbir azamattyń múddesin qorǵaýǵa ant bergen bolatyn. Azamattardyń saıası kózqarastary men ustanymdaryna qaraı bólýge jol bermeıtindigin aıtqan Prezıdent, ózi ýáde bergenindeı, ashyq ári ádil jumys isteý baǵytyndaǵy mańyzdy qadamdardy júzege asyra bastady.

Qoǵamda qordalanǵan máselelerdi, árıne az ýaqyt ishinde sheshý ońaıǵa soqpaıdy.  Tipten, onjyldyqtar boıy kúrmeýin sheshetin kúrdeli máseleler bar. Prezıdent Qasym-Jomart Toqaev memleket basshylyǵyna kelgen kúnnen bergi aralyqta eldegi áleýmettik máselelerge birden nazaryn aýdardy. Prezıdenttiń á degennen áleýmettik saladaǵy máselelerdi sheship, kishi jáne orta bızneske kóńil aýdara bastaǵany jurtshylyqtyń Prezıdentke degen senimin arttyra túskendeı.  Al búgingi jaǵdaıda halyqtyń basqarý júıesine degen senimi asa mańyzdy. Sonda ǵana reformalar kezeń-kezeńimen júzege asa bastaıdy. Mıkro jáne shaǵyn bıznes ekonomıkany alǵa súıreıtin tetikterdiń biri deıtin bolsaq, salyq júıesine úsh jylǵa moratorıı jarııalanýynyń ózi kásipkerlerge úlken jeńildik beredi.

Prezıdenttiń muǵalimderdiń mártebesin kóterýge baılanysty bastamasyn tolyq quptaımyn. Muǵalimi qandaı bolsa, balanyń bilimi de sol dárejede bolady. Eger de muǵalimniń tabysy tómen bolyp, otbasynyń kókeıkesti máselesimen aınalasyp júrse, bolashaq urpaqqa qandaı bilim bere alady?.. Sondyqtan da Prezıdenttiń pedagog mártebesin zańmen bekitip, bilim salasyna  úlken qoldaý kórsetýi keleshegimizdiń jaǵdaıyn oılaýy der edim.

Memleket basshysynyń zeınetaqy salasyna kóńil bólýi, salany ekonomıkaǵa qaraı jumyldyrý máselesin kóterýi keleshegimizge, qart adamdarǵa degen qamqorlyǵynyń nyshany. Al Prezıdenttiń kóppartııalyq júıege jol ashyp, jaǵdaı jasaımyz deýi ashyq oılardyń aıtylyp, qoǵamdaǵy túıtkildi máselelerdi kóterýge bastaǵan  mańyzdy qadamy dep qabyldaımyn. Sondaı-aq mıtıng ótkizýge ruqsat berýi, árbir azamattyń oıymen sanasyp, olardyń pikirine qurmetpen qaraýyna meńzeıdi. Sondyqtan da Prezıdent atap ótkenindeı, mıtıngiler zań aıasynda, óz retimen, tártibimen ótýi qajet.

Prezıdent sonymen qatar aımaqtarǵa sapary barysynda jergilikti basqarý organdaryna áleýmettik salaǵa betburys jasap, halyqtyń jaǵdaıyn kóterýge shaqyryp júrgeniniń kýási bolyp júrmiz. Sonyń arqasynda qazirgi kezde aımaqtardaǵy qordalanǵan máseleler kóterilip, tıisti oryndardyń nazaryn aýdara bastaǵandaı.  Osy turǵyda aıtarym, bılik qurylymdarynda jas mamandardy daıarlaý, bilimdi, ozyq oıly azamattardy tárbıelep, ortaǵa tartý elimizdegi ahýaldyń ózgerýine zor yqpalyn tıgizeri sózsiz. 

Búginde Qazaqstannyń syrtqy saıasattaǵy róliniń el ishindegi turaqtylyqqa tikeleı áserimen baılanysty ekendigin aıta ketkenimiz jón. Prezıdent Qasym-Jomart Toqaev tájirıbeli dıp­lomat retinde bul baǵyttaǵy máselelerdi de jiti baqylaýda ustap otyr. Búginde álemdegi jaǵdaı turaqty emes. Amerıka, Eýropa, Qytaı, Reseı, Ýkraına elderindegi bolyp jatqan jaǵdaılardyń Qazaqstanǵa áseri bar. Prezıdenttiń jaqynda Qytaıǵa jasaǵan sapary barysynda da kóptegen túıtkildi másele aıtyldy.  Sondyqtan da kórshi memlekettermen tatýlyq máselesi – elimiz saıa­satynyń basty tetigi, ıaǵnı syrtqy saıasatta tatýlyǵymyz, ishki turaqtylyǵymyzdyń kepili.  Búginde álem bizge kóz tigip, jańa Prezıdenttiń is-qımylyn jiti baqylaýda ustap otyr. Sondyqtan da el bolyp Prezıdentimizdiń bastamalaryna qoldaý bildirsek, Qazaqstan álemdik dárejedegi bıikten kórine alady. Ári Prezıdent bastamasyn  jyldam, sapaly ári ýaqtyly  iske asyrsaq, kóp nárseden utamyz. 

 

Seıdahmet Quttyqadam,

saıasatker, qoǵam qaıratkeri

 

ALMATY

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar