Ekonomıka • 20 Qyrkúıek, 2019

Nesıe az, jabylǵan kásiporyndar kóp

38 ret kórsetildi

Sońǵy on jylda bas shaharda shaǵyn jáne orta bıznestiń úlesi bes esege ósip, kásipkerlik sýbektileriniń sany 25 myńnan 130 myńǵa jetti. Olardyń óńirlik jalpy ónim ındıkatory 58%-dy quraıdy. Qazaqstan boıynsha bul eń joǵary kórsetkish. Mundaı statıstıkalyq derekti elordalyq kásipkerlerdiń VI konferensııasynda qala ákimi Altaı Kólginov keltirdi.

Shahar basshysynyń aıtýynsha, bul sektorda ekonomıkalyq turǵydan belsendi astanalyqtardyń 68%-y eńbek etip keledi. Bul shamamen 360 myń adam. Shaǵyn jáne orta bıznestegi ón­diristiń kólemi 10 jyldyń ishinde 800 mlrd teńgeden 5 trln teńgege ul­ǵaıǵan. Investısııanyń 90%-y jeke­menshik sektorǵa tıesili. Ásirese bız­nestiń áleýmettik baǵyttaǵy nátıjeleri kóńilden shyǵady, deıdi ákim. Máselen, bilim salasynda 23 myń orynǵa shaqtalǵan 213 jekemenshik balabaqsha jáne 13 mektep jumys istep tur. Sondaı-aq densaýlyq saqtaý salasynda 14 jeke emhana halyqqa qyzmet kórsetýde.

– Munyń barlyǵy shaǵyn jáne orta bıznestiń jemisi. Áleýmettik ınfra­qurylymǵa suranys artyp keledi. О́ıtkeni elordada halyqtyń sany ósý ústinde. Búginde bas qalada 1 mln 100 myń adam turyp jatyr. Bul jaqsy naryqtyń qalyptasqanyn aıǵaqtaıdy. Demek, shaǵyn jáne orta bıznestiń áleýetin arttyrýǵa zor múmkindik týyp otyr. «Atameken» ulttyq kásipkerler palatasymen birlesip, mıkrobızneske arnalǵan «1000 oryn» jobasyn qolǵa aldyq. Ázirge bastamasy jaman emes. Bul baǵyttaǵy jumys ármen qaraı jalǵasady. Sonymen qatar kásipkerler palatasymen áleýmettik az qamtylǵan jandardyń balalaryn oqý maýsymyna daıyndaý úshin «Jappaı oqý» baǵdarlamasyn pysyqtadyq. Biz 10 jeńil ónerkásip palatalaryn tańdap, mektep formasyna tapsyrys berdik. Osylaısha bir jaǵynan ata-analarǵa qoldaý kórsetsek, ekinshi jaǵynan otandyq taýar óndirýshilerdiń jumysyn jandandyrdyq. 1-shi ındýstrııalyq parktiń máselesine kelsek, onyń aýmaǵy 97%-ǵa tolyq. Qazir ondaǵy jumys oıdaǵydaı júrgizilip jatyr. Endi kásipkerler palatasymen birlesip, jańa ındýstrııalyq parkti quryp jatyrmyz. Jeri belgilenip qoıǵan. Onyń aýmaǵy 400 gektarǵa jetedi. Qaýly shyqty. Injenerlik ınfraqurylym qujattary daıyndalyp jatyr, dedi A.Kólginov.

Isker jandardyń quryltaıynda ózekti problemalar da nazardan tys qalmady. Nur-Sultan qalasy ká­sip­kerler palatasynyń dırektory Almat Júnisov baıandaǵandaı, «Eńbek» baǵ­darlamasyna bólinetin qarjy tym mar­dymsyz. Anyǵyn aıtqanda, jyl saıyn shaǵyn nesıeleýge 800 mln teńge bólinip keledi. Alaıda, salany ilge­riletýge 5 mlrd teńge qajet, dedi qa­lalyq palatanyń basshysy. Sol se­bep­ti aldaǵy jyly qalalyq bıýdjette bul soma qarastyrylsa degen usynysyn bildirdi.

– Bıznes sýbektileriniń sany ós­kenine qaramastan saýda salasynda jabylyp jatqan kásiporyndar az emes. Bul mańyzdy másele dep esepteımiz. Qalanyń aýmaǵy ulǵaıyp bara jatqanyn eskersek, shetki aýdandardy da shaǵyn jáne orta bızneske tartqan jón. Bul oraıda ınfraqurylymdy damytyp, bızneske arnalǵan ınteraktıvti portal qurý qajet. Munda kásipkerge ın-
vestısııany qajet etetin kásiporyndar jaıly aqparatpen tanysýǵa múmkindik týady. Bul óz kezeginde bızneske uzaq merzimdi jospar qurýǵa jáne tıimdi jobalardy júzege asyrýǵa jol ashady, – dedi A.Júnisov.

Konferensııaǵa qatysqan «Atameken» UKP-nyń tóralqa tóraǵasy Tımýr Qulybaev «Bızneske arnalǵan úkimet» bir tereze qaǵıdaty – bızneske qoldaý kórsetýde barlyq memlekettik organdar men kvazımemlekettik ınstıtýttardy bir ortalyqqa shoǵyrlandyrýǵa múmkindik beretinin aıtty.

Aıta keteıik, bıyl Úkimettiń tapsyrmasymen «Atameken» UKP janynan jeńildikpen nesıeleý jónindegi jobalyq alqa qurylǵan edi. Bul arqyly elordada qarjy ınstıtýttary
7,7 mlrd teńge somasyndaǵy 5 jobany maquldady. Ekinshi deńgeıli bankterdiń qaraýyna 5,1 mlrd teńgeni quraıtyn 15 joba jiberildi.             

 

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar