Aımaqtar • 20 Qyrkúıek, 2019

Turǵyndardyń turmysyn jaqsartý – basty talap

10 retkórsetildi

Búgingi tańda Jambyl oblysynda turǵyndardyń turmysyn jaqsartý maqsatynda birqatar bastamalar qolǵa alyndy. О́ńir qazirgi kezde atalǵan baǵytta qolǵa alynyp otyrǵan aýqymdy qanatqaqty jobalardy júzege asyrýǵa daıyn. Bul týraly Úkimettiń keńeıtilgen otyrysynda oblys ákimi Asqar Myrzahmetov baıandaǵan bolatyn.

Aýyldy jerlerdegi halyqty jap­­­paı jumyspen qamtý mańyzdy má­sele. Al aýyl turǵyndaryn jumys­tan­dyrýdyń tıimdi joly retinde qo­salqy sharýa­shylyqqa qoldaý kór­setip, ony da­mytý qarastyrylǵan. Osy oraıda A.Myrzahmetov bastaǵan jumys­shy top óńirdegi barlyq aýdandar men aýyl­dy eldi mekenderge arnaıy baryp, nátıjesinde 138 myń aýla tolyq zerdelengen bolatyn. Tal­daý nátıjesi kórsetkendeı, salys­tyrmaly túrde óńir turǵyndary tıis­ti uıymdastyrý jumystarynyń joq­­tyǵynan qosalqy sharýashylyqty tıim­di tabys kózine aınaldyra almaı otyr.

Osy turǵyda zerdeleý barysynda turǵyn­dardyń usynystarymen ha­­lyq­tyń turmysyn jaqsartý maq­sa­tynda 5 baǵyt qarastyrylǵan. Olar úı irgesindegi jáne aýyl syr­tyn­da­ǵy (paılyq) jerlerdi tıimdi paı­da­­laný, úı aýlasynda mal jáne qus ónim­diligin arttyrý, qosalqy sha­rýa­shylyqtardy jemisti júrgizýge qol­baılaý máselelerdi kooperatıvter arqyly sheshý jáne aýyldaǵy sha­ǵyn jobalardy qarjylandyrý bolyp otyr. Atalǵan 5 baǵyt boıynsha jalpy quny 46,4 mlrd teńge bolatyn 31 myńnan as­tam jobany iske asyrý múmkindigi anyqtaldy. Nátıjesinde 131 myń otbasy nemese 600 myńnan astam adam aıyna ortasha eseppen 128 myń teńge kóleminde turaqty tabyspen qamtylyp, 68 myń turǵyn ózin-ózi jumyspen qamtyǵandar men jumyssyzdar jeke kásipkerge aı­nalady dep kútilýde. Sol sekildi, aýyl sharýashylyǵynyń jalpy ónimi 34 paıyzǵa ulǵaıyp, sút pen etti qaıta óń­­deý kásiporyndary júktemesiniń 30 paıyzǵa artýy eseptelgen. Bul aldaǵy ýaqyttarda jalpy jumystyń túpki tabysyna aınalady.

Oblys ákimdiginiń málimetinshe, áýeli qanatqaqty jobanyń jemis­tiligine kóz jetkizý úshin ári jumys­tyń úlgi-bastaýy retinde oblystyń 10 aýyldyq okrýgi tańdalyp alyn­ǵan. Bul josparly jumystyń al­ǵash­qy kezeńi bolmaq. Bul rette A.Myrzahmetov Úkimet basshysy A.Mamınge alǵashqy kezeńde atqa­rylar jumystar jóninde jan-jaqty aqparat berdi. Tańdalyp alynǵan 10 aýyldyq okrýg boıynsha 7 myńnan astam aýla qamtylady desek, onda 1117 gektar úı irgesindegi jerler bar. Shara barysynda sol jerlerdi utym­dy uqsatýdyń joldary da naqty júzege asady. О́ńirdegi baý-baqshalyqtyń tıimdiligin eseleý­de jylyjaılardyń, mal sharýa­shylyǵyn kóterýde koope­ratıvterdiń mańyzdylyǵy es­kerilgen. Sondaı-aq ol úshin sapaly tuqym, kó­shet, tyńaıt­qyshtardy taýyp, jetki­zip berý, tipti, tapshy tehnıka men qa­jetti mamandarmen qamtý máselesi de ońynan sheshimin tabady. Sonymen qa­tar zerdeleý barysynda mundaǵy ár aýyldyq okrýgtiń tabıǵaty, ıaǵnı jer men sý jaǵdaılary da eskerilgen. Naq­ty nátıjede ónimdiliktiń 2-4 ese ósi­mine qol jetkizý josparlanǵan. Bú­ginde jobadaǵy aýyldyq okrýgter­de qosalqy sharýashylyqtan bólek 137 shaǵyn jobalardyń tizimi jasaqtalyp, olardy júzege asyrýdyń jol-jobasy bekitilgen.

A.Myrzahmetov jobany qarjy­lan­dyrý sharasy ákimdikke kredıt berý júıe­simen «Eńbek» baǵdarlamasy aıa­synda iske asyrý usynylatynyn aı­typ, ákimdik ári qaraı senim agenti arqyly 2,5 paıyzdyq nesıe re­tin­de turǵyndardy, kooperatıvterdi qarjy­landyratynyn jetkizdi. Búginde nesıe alýshylardyń alǵashqy bazasy túzilip te úlgergen. Jalpy, 10 aýyldyq okrýg boıynsha jobalardyń iske asýymen 7 myń otbasy nemese 35 myń adam kelesi jyldyń qorytyndysy boıynsha aıyna keminde 104 myń teńge (ósim 2,5 ese) tabyspen qamtamasyz eti­ledi dep kútilýde. Al 2229 turǵyn ózin-ózi jumyspen qamtyǵandar men jumys­syzdar mindetti zeınetaqy, salyq jáne basqa da tólemderdi tóleıtin kásipkerlerge aınalatyn bolady.

«Biz jobany iske asyrýǵa daıyn­byz. Ákimdikke qatysty barlyq uıym­­dastyrý pysyqtalǵan. Sonyń ishin­de bıýd­jettik ákimshi bolatyn aýyl sharýa­shylyǵy basqarmasynyń shtat­tyq sany 18 qyzmetkerge kóbeı­til­­di. Aýdan, aýyl ákimderiniń arnaıy jumys algo­­­rıt­mi bekitildi, tıisti ju­mys toptary quryldy jáne jaýap­ty mamandar oqy­tyldy. Qanatqaqty aýyl okrýgterinde bir­neshe kez­desý­ler ótkizilip, kooperatıv tó­raǵa­la­ry anyqtaldy», dedi óz só­zinde A.Myrzahmetov.

Premer-Mınıstr A.Mamın bul jobanyń mańyzdylyǵyn atap ótip, qol­daıtynyn bildirip, tıisti sheshimderdiń der kezinde rásimdelýin nazarǵa alatynyn jetkizdi. Jaýapty tulǵalarǵa qanatqaqty jobanyń mehanızmin uıym­­das­tyrýdy tapsyrdy.

 

Jambyl oblysy

 

Banner
Sońǵy jańalyqtar

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

«Eńbek» eleýsiz qaldy

Qoǵam • Búgin, 08:43

Robot-tehnıka úıirmeleri qajet pe?

Qazaqstan • Búgin, 08:26

Qurylysshylar nege ereýilge shyqty?

Qazaqstan • Búgin, 08:24

«Januıa» ortalyǵy jumysyn bastady

Qoǵam • Búgin, 08:22

Kedergisiz ómir syılaıdy

Qoǵam • Búgin, 08:22

Reformalar oza shabýdy kótermeıdi

Qoǵam • Búgin, 08:19

Azamattyq jaýapkershilik qajet

Qoǵam • Búgin, 08:16

Ashyq qoǵam aıshyqtary

Búgin, 08:14

Tazalyqtan aldyna jan salmaıtyn jurt

Qoǵam • Búgin, 08:08

Jaldamaly jumysshylar jalaqysy artty

Ekonomıka • Búgin, 08:05

Sheteldik taýarlar qymbattady

Ekonomıka • Búgin, 08:03

Ekonomıkalyq ósimniń kóleńke tusy

Ekonomıka • Búgin, 08:00

Baspana baǵasy nege kóterildi?

Qoǵam • Búgin, 07:58

Yntymaqtastyqtyń jańa kezeńi

Qazaqstan • Búgin, 07:52

Eń qysqa áńgime. Qanat Ábilqaıyr

Eń qysqa áńgime • Keshe

Eń qysqa áńgime. Arman Álmenbet

Eń qysqa áńgime • Keshe

Uqsas jańalyqtar