Aımaqtar • 20 Qyrkúıek, 2019

Aımaqtyń eksporttyq múmkindigi artýda

13 retkórsetildi

Soltústik Qazaqstan obly­synyń ákimi Qumar Aqsa­qalov Aýǵanstan Islam Respýblıkasynyń qar­jy mınıstri Muhammad Kaıýmımen kezdesip, ekijaqty ekonomıkalyq yntymaqtastyq týraly memorandýmǵa qol qoıdy.

Prezıdent Qasym-Jomart Toqaev óziniń Joldaýynda «Saý­da jáne ıntegrasııa, aýyl sharýashylyǵy mınıstrlikteri fermerlerge óz ónimin syrtqa shyǵaryp satý úshin barynsha qoldaý kórsetýi tıis. Osyǵan oraı Úkimetke tıisti tapsyrma berildi. Bul – mańyzdy mindet» dep atap kórsetken edi. Soltústik Qazaqstan oblysy ákimdigi osy talaptyń úddesinen shyǵyp, kásipkerlerdiń eksporttyq áleýetin arttyrýǵa qoldaý bildirip otyr.

Atalǵan ekijaqty qujat sol talapty oryndaýdy jandandyra túseri sózsiz. Qazir Soltústik Qazaqstan oblysy men AIR arasynda saýda-ekonomıkalyq baılanystar artyp keledi. Taýar aınalymy byltyr 43 mln AQSh dollaryn quraǵan bolsa, bıylǵy jyldyń  7 aıynda ǵana ol 76 mln AQSh dollary kólemine jetken. Oblys Aýǵanstanǵa dándi daqyldar, zyǵyr maıy, jasymyq, jumyrtqa jáne t.b. shyǵarady. Al Soltústik Qazaqstanǵa Aýǵan­stannan jemis, kókónis ónimderi kelip jatyr.

Ekijaqty qujatqa qol qoıý barysynda oblys ákimi Q.Aqsaqalov saýda aınalymy endi tipti arta túsetinin atap ótti. «Biz taýar aınalymyn memlekettik organ­dar deńgeıinde baqylap, kásip­kerlerdiń ushyraýy múmkin táýe­kel­derin azaıtýǵa tyrysamyz. Eki­jaqty saýda deńgeıi artýy úshin jáne taraptar senimin arttyrý úshin memlekettiń aralasqany mańyzdy» dedi óz sózinde oblys ákimi.

Aýǵanstan qarjy mınıstri M.Kaıýmı óziniń sózinde ekijaqty jumys toby qurylyp, ol saýdaǵa túsetin taýarlar assortımentin anyqtaıtyn bolady deı kelip, «taýar aınalymyn 1 mlrd AQSh dollary kólemine deıin jetkizýdi josparlap otyrmyz», dedi.

 

Soltústik Qazaqstan oblysy

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar