Sport • 20 Qyrkúıek, 2019

Alty boksshymyz jartylaı fınalda aıqasady

40 retkórsetildi

Ekaterınbýrgtegi áýesqoı bokstyń álemdik dodasyna Qazaq eliniń bylǵary qolǵap sheberleri tolyq quramda bardy. Bıylǵy birinshilikke bizdiń komandada budan buryn álem chempıonatynyń dámin tatyp, tájirıbe jınaǵan bes boksshy bardy. Olar – 2017 jylǵy álem chempıony Qaırat Erálıev, kúmis júldeger Qamshybek Qońqabaev, qola júldegerler Vasılıı Levıt pen Abylaıhan Júsipov jáne álem birinshiliginiń qatysýshysy Zákir Safıýllın. Al qalǵan úsh boksshy mundaı deńgeıdegi dodaǵa buryn-sońdy túsip kórmegen...

Álem chempıonatynyń sońǵy irikteý jekpe-jegine deıin sátti óner kórsetip kelgen Qazaqstan quramasy boksshylary shırek fınalǵa shyǵarda súrindi. О́kinishke qaraı, 63 kıloda synǵa túsken otandasymyz Zákir Safıýllın jarys jolynan shyǵyp qaldy. Shırek fınalǵa joldama berýshi jekpe-jekte qandasymyz 2017 jylǵy álem chempıony jáne Panamerıka oıyndarynyń eki dúrkin jeńimpazy, kýbalyq Endı Krýz Gomesten jeńilip qaldy. Tóreshiler 5:0 esebimen jeńisti biraýyzdan kýbalyq boksshyǵa bergen. Osylaısha Qazaqstan komandasy sapynan júldeden úmitti bir boksshy jarysty erte aıaqtaýǵa májbúr boldy. 32 jastaǵy otandasymyz bıyl ekinshi ret álem birinshiligine qatysty. 2015 jyly Qatar astanasy Dohada ótken bá­sekede birinshi aınalymda súringen-di.

Sonymen qatar shırek fınalda álem chempıony Qaırat Erálıev kútpegen jerde halyqaralyq deńgeıde tájirıbesi az ózbekstandyq boksshy­dan jeńilip qaldy. Mırazızbek Mır­zahalılovpen bolǵan jekpe-jek barysynda bizdiń boksshynyń basymdaý bolǵany ras edi. Ekinshi raýndtaǵy shartpa-shurt aıqas kezinde ekeýi bas­pen súzisip qalǵan.Saldarynan Er­álıev­tiń qabaǵy jaryldy. Osy kezde, tóreshi jekpe-jekti toqtatty da, óz­bekstandyq boks­shynyń qo­lyn kó­ter­di. Al shırek fınalda judy­ryq­tas­qan qalǵan alty boks­shynyń bári de qar­sylastaryn esh qıyndyqsyz jeńip, álem chempıo­natynyń jartylaı fınalyna joldama aldy.

Atap aıtar bolsaq, shırek fınalda 52 kıloda judyryqtasqan Sáken Bıbosynov pen asa aýyr salmaqtaǵy Qamshybek Qonqabaevtyń ónerine qazaq jankúıerleri tánti boldy. Ekeýi de qarsylastarynyń soqqysyn ózderine darytpaı, aýa qarmatyp qalýǵa tyrysty. Bıbosynov pen Qonqabaevtyń jekpe-jegin qarap otyryp, áıgili ýkraınalyq bapker Anatolıı Lomachenkonyń (Vasılıı Lomachenkonyń ákesi – red) kásipqoı bokstyń aýyr salmaǵyndaǵy Aleksan­dr Ýsık pen Mýrat Gassıev jekpe-jeginde Ýsıkke aıtqan: «Ol seni emes, aýany urýy kerek» degen sózi birden oıymyzǵa oraldy.

Al 81  kılodaǵy Bekzat Nurdáý­letov osymen úshinshi jekpe-jeginde karsylasyn nokdaýnǵa túsirdi. Túrkııa­lyq boksshy Baıram Malkanǵa qarsy ótken kezdesýde otandasymyz 4:0 ese­bimen jeńiske jetti. Bir tóreshi jekpe-jekti teń ótti dep eseptegen.  Sonymen qatar 69 kılodaǵy Abylaıhan Júsipov Domınıkan Respýblıkasynyń ókili Rohan Polankony, 75 kılodaǵy Tur­synbaı Qulahmet armenııalyq Arman Darchanıandy jáne 91 kılo salmaqta judyryqtasatyn Vasılıı Levıt ıordanııalyq Hýsseın Iаshaıshti san soqtyryp ketti.

Keshe jartylaı fınalǵa shyqqan boksshylarǵa bir kúndik demalys berildi. Endi búgin otandastarymyz fınalǵa shyǵý úshin baryn salady. Biraq qarsylastary da qarap qalmaıtyny anyq. 52 kılodaǵy Sáken Bıbosynov bıylǵy Azııa chempıony, úndistandyq Amıt Pangalmen kezdesedi.  69 kılodaǵy Abylaıhan Júsipov sharshy alań ıesi Andreı Zamkovoımen judyryqtasady. 2009 jylǵy álem chempıonatynyń kúmis, London Olımpıadasynyń qola júldegeri qazaqstandyq boks jan­kúıerlerine jaqsy tanys. 75 kıloda óner kórsetetin Tursynbaı Qulah­met fınal joldamasy úshin talasta fılıppındik Eýmır Marsıalmen qolǵap túıistiredi.

Sonymen qatar Bekzat Nurdáýletov (81 kg) jartylaı fınalda Olımpıada chempıony, álem birinshiliginiń tórt dúrkin jeńimpazy kýbalyq Hýlıo Sezar La Krýzben kezdesedi. 91 kılo­daǵy Vasılıı Levıttiń jartylaı fınaldaǵy qarsylasy – ekvadorlyq Hýlır Sezar Kastıllıo Torres. Asa aýyr salmaqtaǵy Qamshybek Qoń­qabaevty aýstralııalyq Djastıs Hýnı kútip tur. Jartylaı fınaldyń jekpe-jekteri Nur-Sultan ýaqytymen 16:00-de bastalady.

Taǵy bir aıta keterligi, Qazaqstan álem chempıonatynda jartylaı fınal­ǵa shyqqan boksshylar sany boıynsha (7) birinshi orynda tur. Ekinshi orynda bes boksshymen О́zbekstan quramasy bolsa, úshinshi oryndy tórt boksshymen Reseı jáne Anglııa quramalary bólisip tur. Al Kýbanyń úsh boksshysy jartylaı fınalda judyryqtasady.

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar