Rýhanııat • 20 Qyrkúıek, 2019

Qaraǵandyda halyqaralyq aıtystyń jeńimpazdary anyqtaldy

101 retkórsetildi

Kenshiler astanasynda «Rýhanı jańǵyrý» baǵdarlamasy aıasynda aqyn-jazýshy, memleket jáne qoǵam qaıratkeri Sáken Seıfýllınniń 125 jyldyǵyna arnalǵan halyqaralyq aıtys aıaqtalyp, jeńimpazdar men júldegerler anyqtaldy.

Qazylar alqasynyń sheshimimen eki bas júlde taǵaıyndalyp, olarǵa Maqsat Ahanov pen Jandarbek Bulǵaqov laıyqty dep tanyldy. Qaraǵandydaǵy aıtysqa arnaıy kelgen Nur Otan partııasy tóraǵasynyń birinshi orynbasary Baýyrjan Baıbek eki aqynnyń árqaısyna eki mıllıon teńgeniń sertıfıkatyn tabys etti.

Birinshi oryn men 1 mıllıon teńgeniń júldesi О́mirjan Kópbosynov  pen  Baýyrjan Shermedınulyna buıyrdy.

Dıdar Qamıev, Muhtar Nııazov jáne Tólegen Jamanov ekinshi oryn júldegerleri atandy. Al úshinshi júldeni Aıbek Qalıev, Búrkitqazy Ádilbek, Ásem Erejekqyzy, Bekarys Shoıbekov jáne Nurmat Mansur ózara bólisti.

Sondaı-aq «Sáken Seıfýllın qorynyń» arnaıy syılyǵy qyrǵyzstandyq Jeńishbek Toqtobekovke tapsyrylsa, aıtystyń eń jas qatysýshysy Juldyzaı Maratbekova «Asanáli Áshimov qorynyń» arnaıy syılyǵyna ıe boldy.

Eske salsaq, Sáken Seıfýllınniń 125 jyldyǵyna arnalǵan halyqaralyq aıtysta Qyrǵyzstan, Mońǵolııa, Qytaıdan jáne elimizdiń túpkir-túpkirigen kelgen 18 aıtysker óner jarystyrǵan bolatyn. Aıtys Qaraǵandy oblysynyń ákimdigi men Nur Otan partııasynyń qoldaýymen ótti.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar