Qazaqstan • 20 Qyrkúıek, 2019

Kórnekti memleket jáne qoǵam qaıratkeri Ábish Kekilbaıulyna Almatydan kóshe berildi

191 retkórsetildi

Qazaqstannyń halyq jazýshysy, Eńbek eri, kórnekti memleket jáne qoǵam qaıratkeri Ábish Kekilbaıulynyń 80 jyldyǵyna arnalǵan is-sharalar sherýi Almatydan bastaý aldy. Qalanyń taý betkeıi tusyndaǵy Kablýkova kóshesi endi Ábish Kekilbaıulynyń esimimen atalatyn bolady. Qarasózdiń has sheberin máńgilik este qaldyrý sharasyna jınalǵan zııalylar men týǵan jerinen, alys-jaqyn aımaqtardan kelgen qaýymnyń qarasy qalyń boldy. Olardyń bári de shahardaǵy uzyn ári kórikti kósheniń laıyqty ıesin tapqanyna qýanysh bildirdi. Kósheniń ashylý rásimine Almaty qalasynyń ákimi Baqytjan Saǵyntaev qatysyp, ult rýhanııatyna ólsheýsiz úles qosqan jazýshynyń esimin ulyqtaýdyń mańyzyn atap ótti.

«Búgingi sharanyń Almaty qalasynda ótýiniń mańyzy zor. Uly jazýshy bozbala shaǵynda osynda kelip, ómiriniń eń baqytty da maǵynaly shaqtaryn osy Almaty qalasynda ótkizdi. Jazýshylyq ónerdiń, sýretkerlik sheberliktiń shyńyna shyqty. Memlekettik qyzmet pen saıasat sahnasynda jasyndaı jarqyldap, sóz bastar sheshenge, oı tastar kósemge aınaldy. «Jaqsy bolýdyń jaqsylyq jasaýdan basqa joly joq» deıtin Ábish Kekilbaevtyń sózinde de, shyǵarmashylyǵynda da jasandylyq bolǵan joq. Ábish shyǵarmalaryn oqı otyryp, qazaq degen halyqtyń ulttyq minezin, mádenıetiniń san qyrly qatparyn jazbaı tanýǵa bolady. Ol týyndylar ult tarıhynyń jylnamasyndaı, ózimiz ómir súrip jatqan qoǵam men zamannyń tynysyndaı boldy»,– dedi Baqytjan Saǵyntaev.

О́zen jaǵasynda ornalasqan kóshege kórik bergen kórnekti tulǵa týraly belgili jazýshy, Memlekettik syılyqtyń laýreaty Qajyǵalı Muhametqalı, Mereke Qulkenov, Qazaqstannyń eńbek sińirgen qaıratkeri, jelaıaq sportshy Ámen Tuıaqov syndy zamandastary, jary Klara Jumabaeva jyly estelikterimen bólisti.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar