Arnaýly sózinde Úkimet basshysy Qazaqstanda qazirgi deıin elimizdiń kómirsýtek sektoryna $9,5 mlrd ınvestısııa salǵan «Lýkoıl» kompanııasynyń zaýytynyń ashylýy elimizdiń munaı-gaz sektorynyń damýynyń qazirgi vektoryna, atap aıtqanda, shıkizattyq baǵyttylyqtan tereń óńdeletin ónim shyǵarýǵa kóshýge saı keletinin aıtty.
Zaýyttyń qýattylyǵy — jylyna 100 myń tonna ónim – 800-den asa maı túrlerin qamtıdy. О́ndiris Qazaqstan men Ortalyq Azııa elderiniń, sondaı-aq, Qytaı, Aýǵanstan jáne Mońǵolııanyń ishki naryǵyn maılaý maılarymen qamtamasyz etýge arnalǵan. Zaýytqa «Batys Eýropa – Batys Qytaı» kólik magıstraliniń jaqyn ornalasýy logıstıkalyq prosesterdi ońtaılandyrýǵa múmkindik beredi.
Kásiporynnyń qurylysyna jáne ony jaraqtandyrýǵa salynǵan jalpy ınvestısııalar kólemi $94 mln qurady. Joba Qazaqstan Respýblıkasynyń zańnamasy men ónerkásiptik qaýipsizdik, eńbekti qorǵaý jáne qorshaǵan ortany qorǵaý salasyndaǵy halyqaralyq quqyq talaptaryna qatań sáıkestikte júzege asyryldy.
Premer-Mınıstrdiń qatysýymen «Lýkoıl» JAQ jáne «QazMunaıGaz» UK» AQ arasynda «Qazaqstan Respýblıkasynyń aýmaǵyndaǵy ýchaskelerdi birlesip zertteý týraly» kelisimge qol qoıyldy.
