Rýhanııat • 21 Qyrkúıek, 2019

Ábish Kekilbaıulynyń 80 jyldyq mereıtoıy atalyp ótti

317 retkórsetildi

Abaı atyndaǵy Qazaq memlekettik akademııalyq opera jáne balet teatrynda kórnekti jazýshy, tanymal saıasatker, iri memleket jáne qoǵam qaıratkeri Ábish Kekilbaıulynyń 80 jyldyq mereıtoıyna arnalǵan saltanatty kesh ótti. Qazaq qoǵamynda «Ábish álemi» degen tutastaı tujyrym qalyptastyrǵan Ábish Kekilbaıulynyń esimin qasterleý maqsatynda uıymdastyrylǵan keshti Almaty qalasy ákiminiń orynbasary Erjan Babaqumarov ashty.

Ádebıettegi alǵashqy joly bastalǵan, kemeline kelip qalyptasý kezeńiniń kýási bolǵan Almaty qalasyndaǵy kesh talaı jaqsy-jaısańnyń basyn qosyp, erekshe taǵylymdy bolyp ótti. О́zi erekshe jaqsy kórip, súıip ótken týǵan jeri Mańǵystaýynyń ystyq sálemin jetkizgen el azamattary ardaqty ulyna aıaýly meken bolǵan Almatyǵa rızashylyǵyn bildirip, álem ádebıetine olja salǵan uly sýretker perzenti týraly tolǵandy. Uly tulǵaǵa laıyqty qurmet kórsetý maqsaty kózdelgen mereıtoı aıasynda qutty meken Mańǵystaýda da ádebıet jáne óner qaıratkerleriniń halyqaralyq kongresi, «Ábish álemi» atty teatr festıvali, mádenı baıqaýlar men sporttyq jarystar, eskertkish ornatý sekildi mol sharalar jıyntyǵy josparlanyp otyrǵanynan kópshilikti habardar etti.

Ult rýhanııatynda, ádebıettiń jylnamasynda óshpesteı izin qaldyryp ketken jampoz jazýshy jónindegi qatarlas qalamdastardyń esteliginiń jóni bólek. Jazýshynyń sonaý stýdenttik jyldardan jaqyn joldasy bolǵan belgili qalamger, Memlekettik syılyqtyń laýreaty Tólek Ábdiktiń saǵynyshqa, syrǵa, syılastyqqa toly esteligin jıynǵa kelgen jurt tolqyp otyryp tyńdady. Beınesi alystaǵan saıyn, asqar taýlar sekildi shoqtanyp, birte-birte bıiktep bara jatqan Ábish dosynsyz ótken tórt jyldyń tereń salmaǵyn sezindirdi. «Ataq-dańqtyń túr-túri bolady. Biri – adamnyń óziniń kózi tirisinde, ekinshisi – ózi máńgilik mekenine attanǵannan keıin. Dúnıeni dúrkiretken talaılar kózi jumylǵannan keıin ózi de, sózi de kómeski tartyp, keler urpaqqa bolǵan-bolmaǵany belgisiz bolyp qalady. Sebebi dańq bar da, daqpyrt bar. Astyńda taǵyń, basyńda baǵyń bolsa, seni jaǵalaıtyn adamdar tabylady. Bul – erte me, kesh pe, kúni bitetin daqpyrt. Shyn dańq, ol  – máńgilik. Ábish sondaı máńgilik dańqtyń ıesi», dedi Tólen Ábdik. Álemdik ádebıettegi úlken kúrdeli máselelerdi keıipkerdiń ishki jan dúnıesine, ishki taǵdyryna syıǵyzyp qurý sheberligi ulttyq ádebıette Á.Kekilbaıulynyń shyǵarmalarynan keń kórinis tapqanyn jazýshy jan-jaqty áńgimeledi. Qazaq ádebıetine «oı tolqynyna» negizdelgen jańasha jazý úlgisin ákelgen, bir ózi ádebıettiń búkil janrynda qalam tartqan Ábish Kekilbaıuly áli talaı urpaq zertteıtin, shyǵarmalarynyń tyń, tosyn ıirimderi ashyla túsetin keń aýqymdaǵy jazýshy. «Onyń bul shyǵarmashylyq qyry, qoǵam, memleket isin basqarýdaǵy mineziniń keńdigi, adamǵa degen jaqsy kórý sezimi, yqylasy – osynyń bárin bir adamnyń boıyna qudaı taǵala qalaı syıdyrǵan – tańǵalamyn. Ábish qazaqpen máńgi!» dep tolǵandy úzeńgiles qalamdasy.

Respýblıkalyq «Egemen Qazaqstan» gazeti Basqarma tóraǵasy Darhan Qydyráli alashtyń aıboz abyzy, kemeńger Kekilbaıulynyń 80 jyldyq mereıtoıyna arnaıy baıandama jasady. El gazetin ózi basqaryp otyrǵan tusta, «Egemen Qazaqstan» dep atyn qoıǵan Ábish Kekilbaıuly bolǵanyn, endeshe Ábish aǵamyzdyń toıy – «Egemenniń» de toıy ekenin oryndy atap ótti.

Abyzdyń alqaly jıynyna kelgender kesh boıy sahna tórinen úzilissiz kórsetilip turǵan derekti fılmniń kadr úzindilerinin tamashalap, onyń adamı bolmysyn, qaıratkerlik bolmysyn tanı tústi. B.Baıqadamov atyndaǵy Hor kapellasynyń súıemeldeýimen M.Áýezov atyndaǵy akademııalyq drama teatrynyń ártisi, Qazaqstannyń halyq ártisi Tuńǵyshbaı Jamanqulovtyń «Abylaı han» spektaklinen oqyǵan monology kesh ajaryn asha tústi. Otyz jyl buryn sahnalansa da, búgingi kúnmen óte úılesimdi órilgen Á.Kekilbaıulynyń tarıhı dramasy ózektiligin joımaǵanyn kórermenniń tebirenip tyńdap, yqylasty qabyldaǵanynan ańǵaryldy.

Qazaqstannyń eńbek sińirgen qaıratkerleri ánshi Lena Ábdihalyqova, Tamara Asar, Mańǵystaý fılarmonııasynyń ánshisi Jolaman Kóshkinov, kúıshi Aıgúl Úlkenbaeva,  «MýzArt» toby sekildi belgili óner sheberleri án-kúıden shashý shashyp,  parasatty tulǵa týraly keshtiń saltanatyn asyra tústi.

ALMATY

 

Sońǵy jańalyqtar

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Uqsas jańalyqtar