Aımaqtar • 21 Qyrkúıek, 2019

Túrkistanda «Kúzgi marafon» qaıyrymdylyq sharasy ótti

77 retkórsetildi

Túrkistan qalasynda alǵash ret «Kúzgi marafon»  qaıyrymdylyq  sharasy ótkizildi. 

«Meıirimdilik úlgisi» aksııasy sheńberinde ótken sporttyq is-sharany Sybaılas jemqorlyqqa qarsy is-qımyl agenttigi Túrkistan oblysy boıynsha departamenti uıymdastyryp otyr.

О́ńirdegi quqyq qorǵaý organdarynyń jáne zań salasynyń 300-den astam qyzmetkeri qatysqan  ıgi sharanyń negizgi maqsaty – salaýatty ómir saltyn keńinen nasıhattaý, sondaı-aq turmysy tómen, kópbalaly jáne az qamtylǵan otbasylardan shyqqan jasóspirimderge qoǵam bolyp qarjylaı qoldaý kórsetý. Marafonǵa qatysýshylar erikti túrde 1000 teńge jáne odan joǵary qatysý jarnasyn tóleı otyryp, qaıyrymdylyq sharaǵa óz úlesterin qosty. Oblystyq polısııa departamentiniń basshysy, general Q.Dálbekov, oblystyq sottyń Azamattyq ister jónindegi sot alqasynyń tóraǵasy T.Bekimbetov jáne basqa da basshylar qatysqan marafon «Prezıdenttik mıl» dástúrli jeńilatletıkalyq júgirisi  retinde 2400 metr qashyqtyqta ótkizilip, jarys jeńimpazdary kýbokpen jáne arnaıy júldelermen marapattaldy.   

Uıymdastyrýshylardyń málimdeýinshe, marafonnan túsken 500 myń teńgege jýyq qarajat  «Túrkistan joǵary medısına» kolledjinde bilim alyp jatqan, áleýmettik  jaǵdaıy tómen otbasylardan shyqqan jastardyń birinshi jartyjyldyq  oqý aqysyn tóleýge jumsalady.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar