Aımaqtar • 21 Qyrkúıek, 2019

Túrkistan – jastar qalasy!

128 retkórsetildi

Oblystyq qoǵamdyq damý basqarmasynyń «Jastar resýrstyq ortalyǵy» uıymdastyrýymen ótken «TURKISTAN-JASTAR QALASY!» atty jastar festıvaliniń qorytyndy kezeńi men jabylý saltanaty Túrkistanda ótti.

Jastar arasynda mádenıettiń damýyna yqpal etý, bos ýaqytty uıymdastyrý, talanttardy anyqtaý, sondaı-aq jas daryndardyń shyǵarmashylyq turǵydan ósip-órkendeýine qoldaý tanytý, salaýatty ómir saltyn nasıhattaýdy maqsat etken festıval aıasynda úsh aı boıy 4 sporttyq-shyǵarmashylyq alańda 1680 is-shara ótkizilgen. Oǵan oblysqa qarasty 13 aýdan men 3 qaladan 30 000-nan asa jas  6 baǵyt boıynsha  qatysty. Sporttyq dodalardyń aptalyq, aılyq irikteýlerinen súrinbeı ótken kil myqtylar aqtyq saıysta baq synasty. Jastar sportpen qosa óz ónerlerin kórsetti. Atap óter bolsaq, Street Danse boıynsha 1-oryndy  «Kirin bı» toby enshilese, RAP saıysynan «Bekbolat» toby, Street Workout saıysynan Jetisaı quramasy, Karaoke baıqaýynan О́mirzaq Araılym top jardy. Ulttyq oıyndarboıynsha, asyqtan Túlkibas quramasy úzdik atansa, láńgi tebýden Shardara quramasy jeńimpaz atandy. 

Ashyq aspan astynda uıymdastyrylǵan festıvaldiń jabylý rásimine Túrkistan oblysy ákiminiń orynbasary Sáken Qalqamanov qatysyp, jeńimpazdardy marapattady. «El Prezıdenti Qasym-Jomart Toqaev óz Joldaýynda jastarǵa qoldaý kúsheıtiletinin aıtqan bolatyn. Sebebi, táýelsizdiktiń tiregi - jastar! Kezinde Alash qaıratkeri Ahmet Baıtursynov «Bilimdi bolýǵa – oqý, baı bolýǵa – kásip, kúshti bolýǵa – birlik kerek!» degen eken. Bıyl jastar jylyna oraı, elimizde jastardy qoldaý baǵytyndaǵy jumystar kúsheıtildi. Oblysymyzda naqty jumystar júzege asýda. Bul joba jastar jylynyń alǵysharty retinde ótkizilip otyr», - dedi S. Qalqamanov.Jeńimpazdar men júldegerlerge dıplom men baǵaly syılyqtar tapsyrylyp, festıval sońy konserttik shoý-baǵdarlamaǵa ulasty.

Aıta ketelik, búgingi tańda qala saıabaqtarynda Street Ball, Street Workout, ulttyq oıyndar alańdary salynyp, jastardyń ıgiligine berilgen. Sondaı-aq aýdandarda, oblys ortalyǵynda sporttyq-shyǵarmashylyq áleýeti joǵary jastar shoǵyryn qalyptastyrý,  jastardyń kóshe mádenıetin damytý kózdelgen joba arqyly jańa sport alańdary kóbeıdi.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar