Aımaqtar • 21 Qyrkúıek, 2019

Bıyl Mańǵystaý aýdanynda «Nur Kapıtal» jobasy arqyly 36 jańa jumys orny qurylǵan

91 retkórsetildi

Bul jóninde О́ńirlik kommýnıkasııalar qyzmeti alańynda ótken brıfıngte Mańǵystaý aýdanynyń ákimi T. Kóshmaǵanbetov málimdedi.

Aýdanda shaǵyn jáne orta kásipkerlikti damytýǵa asa mán berilip otyr. «Nur Kapıtal» baǵdarlamasy boıynsha jalpy somasy 72,8 mln. teńge bolatyn 4 bıznes - joba iske asýda. Osy jobalar arqyly 36 jańa jumys orny qurylǵan.

- Jalpy aýdan boıynsha mıkrokredıttik uıymdar arqyly kásipkerlikti damytýǵa barlyǵy 37 adamǵa 281,9 mln.teńge nesıe berildi. Nesıe somasy ótken jyldyń osy kezeńimen salystyrǵanda 2 jarym esege ósip otyr. Sondaı-aq, aýdan boıynsha ortasha jalaqy kólemi 133 364 teńgeni qurap, ótken jylmen salystyrǵanda 38 paıyzǵa ósim bar. Qurylys jumystarynyń kólemi 11,1 mlrd. tengeni qurady. Aýdan boıynsha jalpy aýdany 45,1 myń sharshy metr turǵyn úı berildi. 2018 jyldyń osy kezeńimen  salystyrǵanda 100,1%-dy kórsetip otyr. 2019 jyldyń qańtar-tamyz aılary aralyǵynda aýdan boıynsha 1704 jańa jumys oryndary ashyldy, dedi aýdan ákimi.

Aýdan basshysynyń aıtýynsha, aǵymdaǵy jyldyń 1 qyrkúıegine 703 jumyssyz adam tirkeýde tur, jumyssyzdyq deńgeıi 3,5%-dy qurady (jumyssyzdyq deńgeıiniń ósýi jumystan bosaǵandardyń áleýmettik qordan kómek alýy (ishinde 5/50-ler bar), eńbekke jaramdy adamdar  kómek  alýy  úshin jumyssyzdyqqa tirkelýi jáne jalpyǵa ortaq medısınalyq kómektiń engizilýine oraı statýsta turǵan adamdardyń jalaqy tólenetin qoǵamdyq jumysqa barýy, sondaı-aq tehnıkalyq – kásiptik kolledjde byltyrdan oqyp jatqandar (82 adam) jáne bıylǵa qysqa merzimdi oqýǵa barýǵa nıet bildirýshilerdiń jumyssyzdyqqa tirkelýinenbolyp otyr).

Kómekke muqtaj azamattarǵa múmkindiginshe áleýmettik, materıaldyq kómekter kórsetilip keledi. Jalpy áleýmettik qorǵaý sharalaryna aýdan boıynsha 2019 jylǵa  218 mln.teńge qarjy qaralǵan.

Jumyspen qamtý ortalyǵynyń joldamasy boıynsha 565 adam turaqty jumysqa, 81 adam áleýmettik jumys oryndaryna, 487 adam jalaqy tólenetin qoǵamdyq jumystarǵa jáne 144 adam jastar praktıkasyna ornalastyryldy. 114 adam «Bıznes-Bastaý» jobasymen kásipkerlik negizderine oqytyldy. Barlyǵy 24 adam 104 mln. 397 myń teńge kóleminde nesıe alyp ózin – ózi jumyspen qamtydy. 6 adam bıznesin bastaýǵa 252 myń teńge, 9 adam 505 myń teńge mólsherinde memlekettik grant aldy.

-Qazirgi tańda aýdan kóleminde jumys jasaıtyn 18 kompanııamen memorandýmǵa otyrdyq. Ol boıynsha osy mekemeler jumys oryny ashylǵan jaǵdaıda birinshi kezekte Mańǵystaý aýdanynyń jumyssyz turǵyndaryn jumysqa alatyn bolady, dedi brıfıngte Mańǵystaý aýdanynyń ákimi T.Kóshmaǵanbetov.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar