Aımaqtar • 21 Qyrkúıek, 2019

«QazMunaıGaz» jáne «LÝKOIL» birlesken zertteý jumystaryn júrgizý týraly kelisimge qol qoıdy

73 retkórsetildi

«QazMunaıGaz» UK AQ Basqarma tóraǵasy Alık Aıdarbaev jáne «LÝKOIL» JAQ Prezıdenti Vagıt Alekperov Qazaqstan Respýblıkasy aýmaǵynda birlesken zertteý jumystaryn júrgizý týraly kelisimge qol qoıdy. Qol qoıý rásimi V. Alekperovtyń Almaty qalasyna sapary barysynda oryn aldy. Bul týraly «QazMunaıGaz» UK AQ  jurtshylyqpen baılanys departamenti habarlady.

Qos kompanııa yntymaqtastyqtyń negizgi sharttary boıynsha kelisip, Qazaqstan Respýblıkasy aýmaǵyndaǵy keıbir ýchaskelerdiń kómirsýtekti áleýetin baǵalaý maqsatynda birlesken geologııalyq zertteý júrgizýge daıyn ekendigin bildirdi.

-«QazMunaıGaz ben LÝKOIL-dy ózara tıimdi seriktestik qatynastar baılanystyrady. Búgin qol qoıylǵan kelisim – osy seriktestigimizdi ilgeriletýdiń kelesi qadamy. Qos kompanııanyń tájirıbesi men jigeriniń ushtasýy birlesken zertteý jumystaryn júrgizýge jáne elimizdegi munaı-gaz salasynyń turaqty damýyna oń áserin tıgizetinine senimdimin, dedi A. Aıdarbaev.

QMG men LÝKOIL «Qarashyǵanaq», «Teńiz», «Qumkól» iri munaı jobalary, sonymen qatar «Kaspıı Qubyr Konsorsıýmy» munaı tasymaldaý jobasy boıynsha strategııalyq seriktester bolyp tabylady. Aıta keteıik, 2019 jyldyń sáýirinde Qazaqstan Respýblıkasynyń Energetıka mınıstrligi, QMG jáne LÝKOIL arasynda «Jeńis» teńiz jobasynda kómirsýtegi shıkizatyn barlaý jáne óńdeý týraly kelisimshartqa, al maýsym aıynda «I-P-2» jobasy boıynsha Qaǵıdattar týraly kelisimge qol qoıyldy.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar