Sport • 22 Qyrkúıek, 2019

Álem chempıonatynda Qazaq eliniń ánuranyn shyrqatty

374 retkórsetildi

Reseıdiń Ekaterınbýrg qalasynda bokstan álem chempıonaty óz máresine jetti. Jıyrmasynshy márte jalaýy jelbirgen aıtýly jarysta Qazaqstan quramasy alty júldege ıe boldy. Oral taýynyń eteginde ótken dúbirli dodada Bekzat Nurdáýletov dara shyqty. Qamshybek Qońqabaev kúmis medaldi moınyna ilse, Sáken Bıbosynov (52 kılo), Abylaıhan Júsipov (69 kılo), Tursynbaı Qulahmet (75 kılo) jáne Vasılıı Levıt (91 kılo) qolaǵa qol sozdy Jalpy komandalyq esepte jerlesterimiz úshinshi orynǵa taban tiredi.

О́tkenge zer salsaq, bizdiń jigitter aıtýly jarysta eń kóp júldeni 2013 jyly oljalaǵan eken. Alataý baýraıyndaǵy ásem shahar – Almatyda uıymdastyrylǵan dúbirli dodada Qazaqstannyń segiz bylǵary qolǵap sheberi jeńis tuǵyryna kóterildi. Atap aıtsaq, 4 altyn (Birjan Jaqypov, Mereı Aqshalov, Danııar Eleýsinov jáne Jánibek Álimhanuly), 2 kúmis (Ádilbek Nııazymbetov pen Ivan Dychko) jáne 2 qola (Qaırat Erálıev pen Berik Ábdirahmanov) medaldi qorjynǵa saldyq. Odan keıin tolaǵaı tabysqa nemis jerinde qol jetkizdik. Osydan eki jyl buryn Germanııanyń Gambýrg qalasynda jalaýy jalaýy jelbirgen álemdik dodada alty jerlesimiz óz jankúıerlerin qýanysh pen shattyqqa bóledi (Qaırat Eralıev – altyn, Ábilhan Amanqul men Qamshybek Qońqabaev – kúmis, Erjan Jomart, Abylaıhan Júsipov jáne Vasılıı Levıt – qola). Bıyl da alty órenimiz jartylaı fınaldyq mejege súrinbeı jetip, júldeli oryndar úshin talasty. Osy oraıda, buryndary baqandaı 10, al bul kúnderi bar-joǵy segiz salmaq dárejesi boıynsha júldelerdiń sarapqa salynǵanyn eskerý qajet. Iаǵnı, Ekaterınbýrgte jarys jolyna shyqqan segiz boksshymyzdyń altaýy elge oljaly oraldy. Bul, árıne, óte tamasha kórsetkish!

Alǵashqy aınalymdardyń birinde 63 kılo salmaqtaǵy Zákir Safıýllın súrindi. Birden aıta keteıik, 33 jastaǵy jerlesimizge jerebe joldas bolmady. Ol kýbalyq Endı Krýspen qolǵap túıistirdi. Álem chempıony, Panamerıka oıyndarynyń eki dúrkin jeńimpazy Zákirdiń aldyn orady.

Shırek fınalda 57 kılo salmaqtaǵy Qaırat Eralıev jeńilistiń kermek dámin tatty. Negizi ol ózbekstandyq Mırázızbek Myrzahalılovtan shynaıy aıqasta jeńilgen joq. Judyryqtasyp jatqanda qazaq jigitiniń qabaǵy jarylyp, jekpe-jekti tóreshi merziminen buryn toqtatty. Erejege saı ondaı jaǵdaıda tartys toqtatylǵanǵa deıingi upaı sandary esepke alynady. Bizdiń oıymyzsha, alǵashqy mınýttarda Myrzaǵalı Aıtjanovtyń shákirti alymdy kóringen sekildi edi. Alaıda tóreshiler múlde basqa sheshim qabyldady. Sonyń saldarynan Qaırat básekeni merziminen buryn aıaqtaýǵa májbúr boldy.

Qazaqstannyń boksshylary jartylaı fınaldyq saıystardy sátsiz bastady. Kúndizgi baǵdarlamada rıngke shyqqan úsh órenimizdiń barlyǵy da óz qarsylastaryna ese jiberdi. Solardyń arasynan Sáken Bıbosynovqa ókpe aıtýdyń ózi orynsyz. Ulttyq komanda sapyna kúni keshe ǵana qosylǵan jas óren bastapqy básekelerdiń birinde Rıo Olımpıadasynyń kúmis jáne Gambýrgte ótken álem chempıonatynyń qola júldegeri, kolýmbııalyq Iýberhen Martınesti utyp, barsha jurtty qýantty. Alaıda jartylaı fınalda Sákenniń Azııa oıyndarynyń jeńimpazy, qurlyq chempıony, úndistandyq Panghal Amıtke áli jetpedi. Ony moıyndamasqa laj joq.

Bastapqyda úsh birdeı qarsylasyn bir demmen utqan Tursynbaı Qulahmet sheshýshi tusta ońbaı súrindi. 75 kılo salmaqta kúsh synasqan ol birinshi raýndta Fılıppın boksshysy Eýmır Marsııaldiń aýyr soqqysyn ótkizip aldy. Tóreshi nokdaýn belgiledi. Namysqa tyrysqan qandasymyz eseqaıtarýǵa talpyndy. Biraq eshteńe óndire almady. Sol aýyr soqqydan keıin onyń áli de es jııa almaı júrgeni anyq baıqaldy. Nátıjesinde Qulahmet qola medaldi qanaǵat tutty.

91 kılo salmaqtaǵy aıqasta tóreshiler tarapynan "barmaq basty, kóz qysty" jaǵdaı oryn aldy.  Barlyq kórermenge Vasılıı Levıt ekvadorlyq Hýlıo Kastılony jeńgendeı kóringen edi. Keminde eki raýndta onyń basymdyǵybaıqaldy. Alaıda aqtyq aıqasta jerlesimizdi reseılik Músilim Gadjımuratovpen jolyqtyrmaý úshin qazylar Panamerıka oıyndarynyń úsh dúrkin júldegeriniń qolyn kóterdi. Osyndaı keleńsizdik oryn alǵan jaǵdaıda tóreshilerdiń sheshimine narazylyq bildirip, protest jazýǵa bolatyn edi. Osynyń aldynda ǵana Reseı quramasynyń bapkerleri osyndaı qadamǵa barǵan. Shırek fınalda asa aýyr salmaqtaǵy orys Maksım Babanın aǵylshyn Freızer Edvard Klarktan utyldy. Biraq qazylardyń sheshimimen kelispgen jarys qojaıyndary birden protest berdi. Aqyrynda bul daýly jaǵdaı reseılikterdiń paıdasyna sheshildi. Al bizdiń mamandar sonyń bárin kóre tura jumǵan aýyzdaryn ashpady. Aramyzdan aqyrynyp, ádildik suraıtyn eshkim tabylmady. Basshylar da, bapkerler de bastaryn shulǵyp otyra bergennen árige barmady. Osylaısha, Levıt qıturqy oıynnyń qurbany boldy.

Keshki baǵdarlamada jerlesterimizdiń arasynan 22 jastaǵy Abylaıhan Júsipov alǵashqy bolyp sharshy alańǵa shyqty. Ol ózinen 10 jas úlken áıgili Andreı Zamkovoımen kezdesti. Olımpıada men álem chempıonatynyń júldegerimen jas daryn teń dárejede aıqasty. Qaımyqqan da, shegingen de joq. Biraq jeńiske jetý úshin ol jetkiliksiz edi.Bul tartys Reseı quramasy kapıtanynyń paıdasyna sheshildi.

81 kılo salmaq dárejesinde aıqasqan Bekzat Nurdáýletovty qalaı maqtasaq ta jarasady. Onyń joly Rıo Olımpıadasynyń jeńimpazy, álemniń tórt dúrkin chempıony Hýlıo Sezar de la Krýspen qıysty. Kezinde dáp osy boksshynyń jaýapty jarystarda qazaqtyń maqtanyshy Ádilbek Nııazymbetovty san márte súrindirgeni esimizde. Olımpııa oıyndary men dúnıejúzilik dodalarda qandasymyzdy altynnan aıyrǵan Kýbanyń osy qabylany edi. Bir aıta keterligi, Ádilbek pen Bekzat bir óńirdiń túlekteri. Ekeýi de Mańǵystaý oblysynda turady. Ekeýi de Marat Jaqıevtiń qol astynda jattyǵady. Bostandyq araly ókiliniń judyryqtasý mánerin ábden zerttegen bilikti bapker shákirtin bul jekpe-jekke jaqsylap baptap ákelgeni baıqaldy. Báseke barysynda bizdiń jigit san márte soqqylar serııasymen qarsylasyn jaqsylap turyp tómpeshtedi. Bir mezette eseńgiretip te tastady. Tóreshi nokdaýn belgiledi. Odan keıin de ymyrasyz aıqas jalǵasty. Bekzat namysty qoldan bergen joq. Aıanbaı aıqasqan ol Hýlıo Sezar de la Krýsty ábden sastyrdy. Aqyrynda tóreshiler qazaqtyń qaısar ulynyń qolyn kóterdi. Osylaısha, Bekzat Nurdáýletov Kýbanyń dańqty boksshysyn tuǵyrdan taıdyrdy.

Asa aýyr salmaqtaǵy Qamshybek Qońqabaev avstralııalyq Iýstıs Hýnımen kúsh synasýǵa tıis edi. Qazaqtyń joıqyn judyryǵynan qaımyqty ma, álde basqa da sebepter boldy ma, ol jaǵy bizge beımálim, áıteýir, jasyl qurlyqtyń ókili sol keshte rıngke shyǵýdan bas tartty.

Nátıjesinde Qazaqstan quramasy sapyndaǵy tórt boksshy qola medaldi qanaǵat tutsa, ekeýi fınalǵa shyqty. Kýbanyń da nátıjesi dál sondaı. О́zbekstannyń  – tórt jáne Reseıdiń – úsh óreni bas júlde úshin talasý quqyǵyn saqtap qaldy. Sondaı-aq, Anglııa, Úndistan, AQSh, Fılıppın jáne Ekvadordyń bir-bir ókili aqtyq synǵa joldama aldy.

Fınaldyq saıysta qos qandasymyzdyń da joly О́zbekstannyń ókilderimen qıysty. Bul jekpe-jekterdi jankúıerler taǵatsyzdana kútti. Qoıy qoralas, maly aralas jatqan kórshiles qos eldiń qaısynyń osy jarysta mereıi ústem bolatynyn kórgisi keletin kórermenderdiń qatary qalyń edi. Bekzat Nurdáýletov 20 jastaǵy Dılshodbek Rýzmetovpen aıqasty. Básekeniń basynan saýatty taktıka ustanǵan qazaq jigiti bul básekeni óz paıdasyna sheshti. О́zbek qansha jantalasqanymen Nurdáýletovtiń osal tusyn taba almady. Kersinshi, bizdiń óren áldeqaıda aryndy ári qarymdy kórindi. Aıqas aıaqtalǵan bette barlyq bes tóreshi Marat Jákıevtiń shákirtiniń myqtylyǵyn moıyndady. Bekzat Nurdáýletov – álem chempıony!

Alyptarmen "alysyp" júrgen Qamshybek Qońqabaev álem chempıonatynyń qola júldegeri, Azııanyń eki dúrkin chempıony Bahodır Jalolovpen judyryqtasty. Buǵan deıin ekeýi ózara tórt márte kezdesken. Tarazy basy teń turdy. Ekaterınbýrgtegi saıysta qazaqtyń uly baryn saldy. Biraq jeńis Jalolovtyń enshisinde ketti. Qamshybek kúmis medaldi moınyna ildi.

Álem chempıonatynyń komandalyq esebinde О́zbekstan quramasy (3 altyn+1 kúmis+1 qola) ozdy. Ekinshi orynda – Reseı (3+0+1). Qazaqstannyń órenderi (1+1+4) úshinshi oryndy oljalady. Odan keıingi satylarǵa Kýba (1+1+1), Anglııa (0+1+2), Úndistan (0+1+1), AQSh (0+1+0), Fılıppın (0+1+0) jáne Ekvador (0+1+0)jaıǵasty. Sondaı-aq, Fransııa, Mońǵolııa, Armenııa, Brazılııa, Bolgarııa jáne Avstralııa quramlarynyń qorjynynda bir-bir qola medaldan bar.

     

Álem chempıonatynyń jeńimpazdary men júldegerleri

Salmaq

Altyn

Kúmis

Qola

52 kılo

Shahoboddın Zaırov (О́zbekstan)

 

Amıt Panghal (Úndistan)

Bılan Bannama (Fransııa), Sáken Bıbosynov (Qazaqstan)

57 kılo

Mırázızbek Myrzahalılov (О́zbekstan)

Lazaro Alvares Estrada (Kýba)

 

Pıter Makgreıl (Anglııa), Sendbaatar (Mońǵolııa)

63 kılo

Endı Krýs (Kýba)

 

Keıshon Devıs (AQSh)

 

Manısh Kaýshık (Úndistan), Oganes Bachkov (Armenııa)

69 kılo

Andreı Zamkovoı (Reseı)

 

Pet Makkormak (Anglııa)

Abylaıhan Júsipov (Qazaqstan), Bobo-Ýsman Botýrov (О́zbekstan)

75 kılo

Gleb Bakshı (Reseı)

 

Eýmır Marsııal

(Fılıppın)

Ebert da Konseısao (Brazılııa),  Tursynbaı Qulahmet (Qazaqstan)

81 kılo

Bekzat Nurdáýletov (Qazaqstan)

Dılshodbek Rýzmetov (О́zbekstan)

Hýlıo Sezar de la Krýs (Kýba), Bendjamıt Ýıttaker (Anglııa)

91 kılo

Músilim Gadjımagomedov (Reseı)

Hýlıo Kastılo (Ekvador)

Radoslav Pantaleev (Bolgarııa), Vasılıı Levıt (Qazaqstan)

+91 kılo

Bahodır Jalolov (О́zbekstan)

Qamshybek Qońqabaev (Qazaqstan)

Iýtıs Hýnı (Avstralııa), Maksım Babanın (Reseı)

 

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar