Rýhanııat • 22 Qyrkúıek, 2019

Nurtas Ońdasynov týraly derekti fılmniń tusaýkeseri ótti ​

132 retkórsetildi

Dúnıejúzi qazaqtarynyń qaýymdastyǵy tóraǵasynyń birinshi orynbasary Zaýytbek Turysbekov Qazaqstan Respýblıkasy Prezıdentiniń janyndaǵy Memlekettik basqarý akademııasynda jastarmen kezdesý ótkizdi. Bul jóninde Dúnıejúzi qazaqtarynyń qaýymdastyǵy baspasóz qyzmetiniń basshy-hatshysy Syrymbek Tóleý habarlady.

Kezdesýdiń basty taqyryby Alashtyń elimiz ben jerimizdiń tutastyǵyna úlken úles qosqan tekti tulǵalary týraly órbidi. Zaýytbek Turysbekov Qazaqstannyń Tuńǵysh Prezıdenti-Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda atqarylǵan jumystardyń júzege asýynyń mańyzdylyǵyn atap ótip, jastardy otansúıgishtikke jáne óz Otanynyń tarıhyn bilýge ​​shaqyrdy.

Sharaǵa jınalǵan zııaly qaýym ókilderimen qatar magıstranttar, doktoranttar jáne akademııa stýdentteri elimiz tarıhyna qatysty aıtylǵan áńgimelerge úlken qyzyǵýshylyq tanytty.

«Keshegi Keńester Odaǵyn basqarǵandardyń biri Nıkıta Hrýshevtiń eń zor saıası qateligi – qazaq dalasyn ıadrolyq synaq alańyna aınaldyrýy men jerin bólshektep, Máskeýge baǵyndyrǵysy kelýi boldy. Onyń syrtynda munaıly aımaǵyn Túrkimenstan men Ázirbaıjanǵa, ońtústik óńirdi О́zbekstanǵa bere salýy sııaqty zulymdyq ıdeıasyna ashyqtan-ashyq qarsy shyǵyp, ultynyń múddesin qolyndaǵy bılikten de bıik qoıǵan halqymyzdyń arystan tektes tulǵalaryn búgingi jastar bilýi kerek» dedi Zaýytbek Qaýysbekuly. О́ziniń bastamasymen túsirilgen Nurtas Ońdasynov týraly derekti fılmniń tusaýkeseri boldy, ony kezdesýge jınalǵan zııaly qaýym ókilderi, ǵalymdarmen qatar, jastar tamashalady. Sondaı-aq Zaýytbek Turysbekov «Kisendeýli jolbarys» atanǵan Jumabek Táshenev, jan baspaǵan japan dalamyzdyń qoınaýynan «qara altynnyń» qoımasyn ashqan Qanysh Sátpaev pen Shahmardan Esenovter, qazaq tarıhynda oıyp alar orny bar basqa da tulǵalar jóninde erekshe tolǵanyspen jetkizdi.

Eske sala ketsek, Dúnıejúzi qazaqtarynyń qaýymdastyǵy tóraǵasynyń birinshi orynbasary Zaýytbek Turysbekov tarıhı tulǵalar jóninde derekti fılmder túsirý ıdeıasyn usynyp, qoldaý kórsetken bolatyn.

Fılmderdiń avtory – Nazgúl Abýtrapova.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar