Aımaqtar • 22 Qyrkúıek, 2019

Mádenıet qyzmetkerleri muqtaj otbasylarǵa baspana syılady

46 retkórsetildi

Taldyqorǵandaǵy Bıken Rımova atyndaǵy drama teatrynda Jetisýdaǵy mádenıet maýsymynyń ashylý saltanaty ótti. Osy shara barysynda Almaty oblysynyń mádenıet salasynyń qyzmetkerleri, jýrnalıster men aqyn-jazýshylar aýdandarda turatyn kópbalaly analarǵa turǵyn úı kiltin tabys etti.

Mádenı sharada Kerbulaq, Qaratal, Aqsý aýdandary men Tekeli qalasynda turatyn 4 kóp balaly otbasy sahnaǵa shaqyrylyp, olarǵa ózderi turatyn óńirden baspana kiltteri syıǵa tartyldy.Máselen, Kerbulaq aýdanynyń turǵyny 5 balanyń anasy Juldyz Sultanbaevaǵa Qazaqstannyń Halyq ártisi Almahan Kenjebekova men Qazaqstannyń eńbek sińirgen qaıratkeri Álı Alpysbaev, Qaratal aýdanynan kelgen 4 balanyń anasy Aınur Isaevaǵa «Jetisý» gazetiniń bas redaktory Ámire Árin men jas jazýshy Esbolat Aıdabosyn, Aqsý aýdanynan kelgen kópbalaly ana Tolqyn Jatqanbaevaǵa asabalar Erdáýlet Kenjequlov jáne Qaırat Qazkenuly, Tekeli qalasynan kelgen 6 balanyń anasy Maqaı Qalımanǵa «Taldyqorǵan» gazetiniń bas redaktory Danııar Seısenbaev pen «Jetisý shuǵylasy» gazetiniń bas redaktory Janahmet Isabekov páter kiltterin saltanatty túrde tabystady. Sondaı-aq qonystoı ıelerine oblys ákiminiń syılyqtary da tartý etildi.

- Jetisýlyq mádenıet qyzmetkerleriniń jańa maýsymyn bıyl erekshe shara qylyp ótkizýdi oıladyq. Bul – óner ujymdarynyń aldaǵy maýsymda atqaratyn isteriniń betashary ispetti, kórermenge, tyńdarmanǵa, oqyrmanǵa tyń týyndy, áserli óner úlgisin usynýǵa daıynbyz. Onyń ústine oblys ákimi Amandyq Batalovtyń bastamasymen aımaqta muqtaj otbasylardy baspanamen qamtý isine úles qosýdy uıǵardyq. Buǵan óner adamdary, aqyn-jazýshylar, jýrnalıster bir kisideı úles qosty, - deıdi Almaty oblystyq Mádenıet basqarmasynyń basshysy Márlen Kólbaev.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar