Prezıdent • 22 Qyrkúıek, 2019

Memleket basshysy Lı Chjanshýmen kezdesti

74 retkórsetildi

Memleket basshysy QHR Búkilqytaılyq halyq ókilderi jınalysy Turaqty komıtetiniń tóraǵasy Lı Chjanshýmen kezdesti. Bul týraly Aqordanyń baspasóz qyzmeti habarlady.

Kezdesý barysynda Qazaqstan Prezıdenti Qasym-Jomart Toqaevtyń bıylǵy 11-12  qyrkúıekte Qytaıǵa barǵan alǵashqy memlekettik saparynyń qorytyndylary men jasalǵan kelisimderi talqylandy. Sonymen qatar, qazaq-qytaı  jan-jaqty strategııalyq  yntymaqtastyǵynyń qazirgi jaǵdaıy men  damý perspektıvalary jaıly áńgimelesti.

Lı Chjanshý Qazaqstan Prezıdentine úlken qurmet kórsetkeni úshin rızashylyq bildirip, QHR Tóraǵasy Sı Szınpınniń shynaıy sálemin jetkizdi.

– Tóraǵa Sı Szınpın Sizdi memleketti basqarý isinde óz kózqarasy bar, ózara qarym-qatynasymyzdyń strategııalyq mańyzyn tereń túsinetin, tájirıbesi mol saıasatker retinde joǵary baǵalaıdy. Sondyqtan eki eldiń kóshbasshylary arasynda óte mańyzdy kelissózder ótti. Sizdiń elińiz bizge jaqsy dos, Siz de baılanystarymyzdyń damýyna zor úles qosyp otyrsyz, - dedi Lı Chjanshý.

Qazaqstan Prezıdenti eki el arasyndaǵy egemendik quqyqtardy ózara qurmetteýge, aınymas halyqaralyq qaǵıdattarǵa jáne ózara tıimdi yntymaqtastyqty damýǵa negizdelgen dostyq baılanystardy atap ótti.    

– Shyn máninde, bizdiń elder arasyndaǵy qarym-qatynas jóninde mańyzdy, irgeli kelisimder jasaldy. Bizdiń elderimizdiń qarym-qatynasy máńgilik strategııalyq sıpatta. Bul kelisimderge Sizdiń de qosqan úlesińiz orasan. Elimizde mańyzdy is-sharaǵa qatysasyz. Sizge sáttilik tileımin! - dedi Qasym-Jomart Toqaev.    

 

 

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar