Qazaqstan • 23 Qyrkúıek, 2019

Til janashyrlaryna qurmet kórsetildi

45 retkórsetildi

«Bıyl «Til týraly» zań­nyń qabyl­dan­ǵanyna 30 jyl tolyp otyr. 1989 jyly 22 qyrkúıek­te el tarı­hynda tuń­ǵysh ret «Qazaq Keńes­tik Sosıa­lıstik Respýb­lı­ka­synyń til týraly» zańy qabyldandy.

Bul – ana tilimizdiń kók­jıegin keńeıtýge bastaý bolǵan alǵashqy qadam edi. Al elimiz Táýelsizdik alyp, óz aldyna derbes, egemen memleket bolǵanda, 1995 jyly 30 tamyzda qabyldanǵan Kons­tıtýsııamyzda qazaq tili – mem­lekettik til bolyp beki­tildi. Sonyń nátıjesinde ana tili­miz ultaralyq qatynas tiline aınalyp, resmı qujat­tar memlekettik tilde jazylatyn boldy.

Ana tilimizdiń abyroıyn arttyryp, aıbaryn asyr­ǵan, mártebesin bekitip, me­reıin ósirgen ataýly dataǵa baı­lanysty respýblıka sheń­ber­in­degi til janashyrlary­na Pre­zıdent Qasym-Jo­mart Toqaevtyń Alǵys haty berildi. Aqorda rezıden­sııa­­synda Memleket basshy­sy­nyń yqylasyn Prezıdent Ákim­shiligi Basshysynyń birinshi orynbasary Darhan Káletaev jetkizdi.

Marapattalǵandar qa­ta­rynda Myrzataı Joldasbek, О́mirzaq Aıtbaev, Muhtar Shahanov, Amangeldi Aıtaly, Smaǵul Elýbaı, Asyly Os­man, Sáýle Meshitbaı, Saılaý Ba­tyr­­shauly, Kenjehan Maty­­­janov, Mereke Qul­ke­nov, Shám­shıdın Páttev, Dos Kóshim, Qaı­nar Oljaı, Ka­mal Álpeıisova, Erkin Qy­dyr, Vladıslav Ten, Maksım Rojın sekildi mem­lekettik til­diń keń kólemde qol­da­nylýyna eleýli úles qosyp júr­gen júzden astam azamat bar. Sonymen qatar «Ana tili» ult aptalyǵy, «Jas qazaq» qo­­ǵamdyq-saıası gazeti men Al­maty oblystyq «Jetisý» tele­­arnasynyń «Til saqshy­sy» baǵdarlamasynyń ujym­dary­na da Alǵys hat tapsyryldy, dep habarlady Pre­zı­denttiń baspasóz qyzmeti.

Sońǵy jańalyqtar

iPhone 12 Pro renderi shyqty

Tehnologııa • Keshe

Uqsas jańalyqtar