Sport • 23 Qyrkúıek, 2019

«Old Traffordta» ese jiberdi

14 retkórsetildi

Elordanyń «Astana» fýtbol klýby Eýropa lıgasynyń toptyq kezeńindegi alǵashqy oıynyn ataqty «Old Trafford» stadıonynda «Manchester Iýnaıted» komandasyna qarsy ótkizip, 0:1 esebimen jeńilip qaldy. Alǵashqy taımda alań ıelerimen teń dárejede oınaǵan jerlesterimiz ekinshi taımda kútpegen jerden gol ótkizip aldy.

О́tken oıyndarmen salys­tyrǵanda bas bapker Roman Grı­gorchýk «Manchester Iýnaıtedke» qarsy oınaǵan quramǵa azdaǵan óz­geris engizgenin baıqadyq. Buǵan deıin qorǵanysta oınap kelgen Lýka Shımýnovıchti jarty­laı qor­ǵa­nysqa jiberip, ornyna klýb sapyn jýyr­da ǵana tolyqtyrǵan Jarko Toma­shevıchti shyǵardy. Sondaı-aq shabýyl shebinde birinshi mınýttan bastap Roman Murtazaevqa senim artty. Al MIý bas bapkeri Ole Gýnnar Sýlsher «Astanaǵa» qarsy birqatar jas oıynshyny tekserip kórdi. Atap aıtar bolsaq, 21 jastaǵy qorǵaýshy Aksel Týazebeni, 19 jastaǵy jartylaı qorǵaýshy Eındjel Gomesti, 17 jastaǵy shabýylshy Meıson Grınvýd pen 19 jastaǵy Taıt Chongti birinshi mınýttan bastap jasyl alańǵa shyǵardy.

Oıyndaǵy alǵashqy qaýipti sha­býyldy alań ıeleri jasady. Alǵashqy bes mınýtta «Manchester Iýnaıted» fýtbolshylary Erıch qorǵaǵan qaqpany eki ret nysanaǵa aldy. Úshinshi mınýtta Fredtiń sol qaptaldan shirene tepken doby qaqpa baǵanyna tıip, keri qaıtty. Al Markýs Reshfordtyń soqqysy qaqpadan áldeqaıda qıys ketip jatty.

«Astana» fýtbolshylary da qor­ǵa­nysqa jatyp almaı, álsin-álsin qar­sy­las qaqpanyń mańaıynda shabýyl uıym­dastyrdy. Roman Murtazaev pen Dorın Rotarıý ózderine berilgen múmkindikti paı­dalana almady. Osylaısha alǵashqy taım 0:0 esebimen aıaqtaldy. Birinshi taım­nyń statıstıkasy boıynsha, MIý bizdiń qaq­paǵa 11 soqqy jasaǵan eken. Al dop baqy­laý boıynsha 72/28, alań ıeleriniń paıdasyna.

Ekinshi taımda Roman Grıgorchýk eki birdeı fýtbolshyny alańǵa shyǵardy. Iýrıı Logvınenko Lýka Shımýnovıchti almastyrsa, Roman Murtazaevtyń ornyna Rangelo Iаngany shyǵardy. Osy ózgeristen keıin be, álde bas bapkerdiń úziliste bergen nusqaýynan keıin be áıteýir «Astananyń» oıyny biraz jandandy. Jerlesterimiz 70-mınýtqa deıin shabýyl jasap, «Man­chester Iýnaıted» qorǵaýshylary men qaq­pashysyn ábden ábigerge saldy. Tipti, Rangelo Iаnga ózine berilgen eki bir­deı múmkindikti golǵa aınaldyra alma­dy. «Astananyń» shabýyly kúsheıe basta­ǵanyn baıqaǵan Sýlsher alańǵa negizgi quramnyń oıynshylary Hýan Mata men Djessı Lıngardty shyǵarǵannan keıin MIý-diń oıyny ózgerip sala berdi. 73-mınýtta «qyzyl soıqandardyń» 17 jastaǵy fýtbolshysy Meıson Grınvýd gol soǵyp ketti. «Astana» oıynshylary kezdesýdiń sońyna qaraı shabýylǵa shyqqanymen gol soǵýǵa ýaqyt jetpeı qaldy. Qorytyndy esep – 1:0.

Matchtan keıin «Astana» klýbynyń bas bapkeri Roman Grıgorchýk komandasy jeńilip qalsa da, shákirtterine rıza ekenin bildirdi. «Osyndaı oıynnan keıin jigitterge kezdesý sońynda artyq eshteńe aıtýdyń da qajeti joq dep esepteımin. «Manchester» men bizdiń oıynnyń deńgeıin baǵamdadym desem bolady. Qalaı degende, «Astana» oıynshylary jarady. Olar jaqsy oıyn kórsetti. Men olardyń aldynda basymdy ıip, kórsetken oıynyna alǵys aıtamyn» deıdi Grıgorchýk.

Sondaı-aq Ole Gýnnar Sýlsher match­ta jeńiske jetkenine qýanyshty ekenin jasyrmady. «Búgin kezdesý óte qıyn ótti. Senimdi oınaýǵa bolar edi, biraq jaǵdaıdy ózimiz qıyndatyp aldyq. Eger senimdi oınaǵyń kelse, alǵashqy 20 mınýtta kezdesý taǵdyryn sheship, qalǵan ýaqytta  oıynnan lázzat alý kerek. Degenmen jeńiske jetkenimizge jáne qaqpamyzǵa gol ótkizip almaǵanymyzǵa qýanyshtymyn», deıdi Sýlsher.

Bizdiń toptaǵy ekinshi oıynda «Partızan» óz alańynda «AZ Alkmar» komandasyn qabyldap, 2:2 esebimen teń tústi. Birinshi týrdan keıingi týrnır kestesinde «Manchester Iýnaıted» úsh upaımen top bastady. «Partızan» men «AZ Alkmar» bir upaımen ekinshi jáne úshinshi oryndy bólisip tur. Al «Astana» ázirshe tórtinshi orynda. Endi «Astana» toptaǵy kelesi oıynyn 3 qazanda «Partızanǵa» qarsy ótkizedi. Bul kezdesý «Astana Arena» stadıonynda ótedi.

Sońǵy jańalyqtar

Elimizde et qymbattady

Qazaqstan • Búgin, 12:28

Basylym basshylary - Erjuman SMAIYL (1948-2018)

Basylym basshylary • Búgin, 11:22

Baıaǵy jartas – bir jartas

Aımaqtar • Búgin, 10:56

Sońǵy kúnderdiń borany surapyl

Aımaqtar • Búgin, 10:15

Hımııalyq zattar qalaı retteledi?

Ekologııa • Búgin, 06:59

Áleýmettik nysandardy aralady

Úkimet • Búgin, 06:54

О́tinish-tilekter eskeriledi

Aımaqtar • Búgin, 06:51

Amanatqa qııanat júrmeıdi

Tanym • Búgin, 06:49

Qaraýsyz malǵa ury qas

Qoǵam • Búgin, 06:46

Tabysty jylystatýdyń joldary

Ekonomıka • Búgin, 06:40

Shańyraq nege shaıqalady?

Qoǵam • Búgin, 06:35

Júıeli jumys jalǵasady

Saıasat • Búgin, 06:33

Megapolıstegi mańyzdy jobalar

Aımaqtar • Búgin, 06:30

О́tkenge esep, erteńge baǵdar

Aımaqtar • Búgin, 06:28

О́ndiristi óńirde oń ózgerister bar

Aımaqtar • Búgin, 06:27

Atqarylǵan ister aýqymdy

Aımaqtar • Búgin, 06:24

Saqtyqqa salǵyrt emes

Qoǵam • Búgin, 06:20

Balalarǵa kúrdeli operasııa jasaldy

Medısına • Búgin, 06:18

«Sýpermen» Tikenektide turady

Qoǵam • Búgin, 06:15

Modernızmniń negizin qalaǵan

О́ner • Búgin, 06:10

Basty aqparat (19.02.2020)

Vıdeo • Keshe

Uqsas jańalyqtar