Álem • 23 Qyrkúıek, 2019

Izraıldegi saıası elıta daǵdarysqa tireldi

24 retkórsetildi

Izraıldegi saıası daǵdarys aıaqtalar emes. 17 qyrkúıektegi parlamenttik saılaýdan keıin de partııalardyń eshqaısysy anyq basymdyqqa ıe bola alǵan joq. Onyń ústine, eń kóp daýys jınaǵan eki partııa ózara koalısııa qurý jóninde mámilege kele almady.

Negizi kezekti saılaý qarasha aıyna josparlanǵan edi. Alaıda parlament músheleri dinı saýat ashyp júrgenderdi áskerge barýdan bosatý jónindegi zań jobasyn talqylaýda ortaq sheshimge kele alǵan joq. Ásirese Qorǵanys mınıstri Avıgdor Lıberman buǵan túbegeıli qarsylyq tanytty. Onyń ústine Premer-mınıstr Bınıamın Netanııahýdyń sońynan sóz erip, onyń jaqtastary da úkimet basshysynyń birqatar bas­tamasyna qarsy shyqqan-dy. Bıylǵy 1 sáýirde Izraılde kezekten tys saılaý ótti.

Sáýirdegi daýys berý nátıjesi boıynsha Bınıamın Netanııahý basshylyq etetin «Lıkýd» partııasy «Kahol-lavan» partııasymen teń túsip, parlamentten 35 orynnan buıyrdy. Áıtse de «Lıkýd» partııasy der kezinde basqa partııamen koalısııa quryp úlgermegendikten, parlament taratylyp, taǵy bir kezekten tys saılaý belgilengen edi.

Qyrkúıektegi daýys berý nátıjesi de máseleni túbegeıli sheshti dep aıtý qıyn. Birinshiden, joǵaryda atap ótken eki partııa taǵy da márege taıtalasyp keldi. Ázirge Bennı Gans basqaratyn «Kahol-lavan» partııasy Knes­set­ten (Izraıl parlamenti) 33 oryn ıelense, «Lıkýdqa» 31 mandat buıyryp tur. Qazirge deıin bıýl­letenderdiń 97 paıyzy sanaldy. Nátıje tolyq anyqtal­ǵanda da túbegeıli ózgeristiń bolmaıtyny qazirden-aq belgili.

Ekinshiden, B.Netanııahý úshin bul saılaý ońaıǵa soqpaıyn dep tur. О́ıtkeni Bennı Gans «Lıkýdpen» koalısııa qurýdan múldem bas tartyp otyr. Onyń sebebi mynada. Alda-jalda eki partııa mámilege kelse, B.Neta­nııahý premer kreslosyn saq­tap qalýdy kózdeıdi. The Guardian gazetiniń habarlaýynsha, B.Netanııahý úkimetti kezektesip basqarýdy usynyp otyr. Buǵan deıin Izraıl tarıhynda mundaı oqıǵa kezdesken-di. 80-jyldary Ishak Shamır men Shımon Peres Premer-mınıstr laýazymyn kezektesip atqardy.

Alaıda mundaı usynysqa B.Gans kelispeıtinin anyq ańǵartty. Onyń aıtýynsha, «Ka­hol-lavan» partııasy kóp mandat ıelengendikten, Premer-mınıstr laýazymy ózine buıyrý kerek dep esepteıdi.

«Halqymyz birlikti tańdady. Áýeli Izraıl ustanymyn durys kórdi. Men bastaǵan «Kók pen aq tústester» («Kahol-lavan» partııa­sy – A.A) saılaýda jeńiske jetti... О́z kóshbasshylyǵymmen birlesken lıberal úkimet qurýdy kózdeımin. Úkimet halyqtyń qalaýyn oryndaýy tıis. Al jem­qorlyq jaılaǵan jerde turǵyn­darǵa jaqsylyq joq», dep málimdedi B.Gans.

The BBC arnasyna súıensek, «Kahol-lavan» partııasynyń beldi ókilderiniń biri – Moshe Iаalon tilshilerge bergen suhba­tynda «Netanııahý bastaǵan partııamen koalısııaǵa túspeımiz» dep kesip aıtqan.

О́z kezeginde B.Netanııahý usy­nysynyń qabyldanbaǵanyna tańǵalǵanyn ári yrza emestigin jetkizdi. Degenmen onyń alańda­ýyna negiz bar. Júrgizilgen saýaldamalardyń nátıjelerine súıensek, B.Netanııahý men onyń jaq­tastaryn qoldaıtyndar sany azaıǵan. Sondaı-aq eki aptadan keıin oǵan qatysty sot oty­rysynyń alǵashqy tyńdalymy ótedi. Buǵan deıin jemqorlyqqa qatysy bar dep B.Netanııahýǵa qarsy is ashylǵan-tuǵyn. Áıtse de kánigi saıasatker qoly taza ekenin alǵa tartady.

Endi bul partııalarǵa ózge saıası uıymdarmen jańa koalısııa quryp, úkimetti jasaqtaýǵa birneshe apta ýaqyt beriledi. Eger osy ýaqyt aralyǵynda eshqan­daı tarap 61 mandat ıelenip úlger­mese, parlamenttik saılaý úshinshi ret ótkiziledi.

El prezıdenti Reýven Rıvlın ótken beısenbide mundaı jaǵdaıǵa jol bermeý úshin qolynan kele­tininiń bárin jasaıtynyn málimdedi.

Sońǵy jańalyqtar

Eń qysqa áńgime. Oljas Sándibek

Eń qysqa áńgime • Búgin, 17:13

Eń qysqa áńgime. Talǵat Eshenuly

Eń qysqa áńgime • Búgin, 17:09

Eń qysqa áńgime. Nurdáýlet Qabasov

Eń qysqa áńgime • Búgin, 17:08

Eń qysqa áńgime. Ǵanıbet Ǵalymbekuly

Eń qysqa áńgime • Búgin, 17:02

Eń qysqa áńgime. Ermek Begzada

Eń qysqa áńgime • Búgin, 16:56

Eń qysqa áńgime. Nurnazar Túrikben

Eń qysqa áńgime • Búgin, 16:41

MMA: Otandastarymyz oljaǵa keneldi

Sport • Búgin, 12:57

Qazaqstanda aıtarlyqtaı kún sýytady

Qazaqstan • Búgin, 11:52

Kúlki kerýeni № 15

Rýhanııat • Búgin, 09:53

Shyńǵyrlaýda temir jol kópiri salyndy

Aımaqtar • Búgin, 09:15

Kishkene oqyrmandarǵa estelik

Rýhanııat • Búgin, 07:26

Málik ónegesi – máńgilik

Aımaqtar • Búgin, 07:21

Oıqala oǵlany

Aımaqtar • Búgin, 07:18

Álem kýbogy kimge buıyrady?

Kúres • Búgin, 07:10

San-Marıno da gol saldy

Fýtbol • Búgin, 07:07

Sortań jer sharýashylyq sory

Ekologııa • Búgin, 06:57

Altyn astyq qambaǵa tolyq quıyldy

Aımaqtar • Búgin, 06:54

Morales boı tasalaýǵa májbúr

Álem • Búgin, 06:43

Mysyqtabandap mııa julǵandar kóbeıdi

Ekologııa • Búgin, 06:36

Qarataý nege qaharly?

Qoǵam • Búgin, 06:32

Saǵynyshty jyldar men joldar

100 • Búgin, 06:31

Qazaqtyń qoǵamdyq akademııasyna aınaldy

Rýhanııat • Búgin, 06:28

«El úmiti» senim uıalatty

Aımaqtar • Búgin, 06:25

Uqsas jańalyqtar