Boıaýlarmen bederlengen «Botaı»

Oǵan alys jáne jaqyn shet­elderden jıyrmaǵa jýyq sýret­shi qatysyp, «Botaı» qo­nysy» arheologııalyq eskertkishin óz kózderimen kórip, sheberligi men fantazııasy jetkenshe onyń mańyzdylyǵyn qylqalamnyń kúshimen dúnıege pash etpek. Bul shara Qazaqstannyń teris­tigine degen týrısterdiń qyzy­ǵýshylyǵyn týdyryp, atalǵan salany óristetýge de septigin tıgizer degen maqsat alǵa qo­ıylǵan.

Sımpozıýmǵa qatysýshy sý­retshiler arasynda qazaq­standyq Kamılla Lı, Ǵalııa Maqasheva, Úmit Jubanysheva,Lıýdmıla Aıtýarova, Lılııa Belıkova, Tileý­ǵazy Jubanyshev, Aıdos Maqanov, Baqytnur Búrdesbekov, Bolat Áskerbekovtermen qatar reseılik Nurlan Taıyrov, Ev­genıı Zaremba, Shamıl Gý­lıev, qyrǵyzstandyq Sarqyn Soorom­baev, Boobek Aryqov, ózbek­standyq Álisher Hamıdov jáne t.b. qylqalam sheberleri bar. Beıneleý óneriniń túrli janryna mashyqtanǵan olardyń negizinen peızajdyq kartınalar jazyp jatqany kórinip tur. Sony sezgendeı Tabıǵat ana da olardyń jumys isteýine jaıly jaǵdaı týǵyzyp, kúzdiń qońyrjaı, jyly kúnderin týdyryp tur.

Uıymdastyrýshylardyń aı­­týyna qaraǵanda, bul shara sý­retshilerdiń ózara yntymaq­tastyǵyn da týǵyzyp, ónerdiń óristeı túsýine jol ashýǵa tıis.

Barlyq qatysýshylarǵa uıymdastyrýshylar ózderiniń osy sapardan jazǵan eki tý­yn­­dysyn oblystyq beıne­leý óneri mýzeıine syılaý­dy usyn­ǵan. Oǵan barlyq qa­ty­sý­shylar da kelisimderin be­ripti. Sımpozıýmnyń jabylatyn kúni – 27 qyrkúıek. Osy kúni sýretshilerdiń barlyq eńbekteri kórmege qoıylyp, oblys turǵyndarynyń nazaryna usynylatyn bolady.

Osydan týra jıyrma jyl buryn Petropavlda Qarasaı men Aǵyntaı batyrlarǵa eskertkish ashylǵan bolatyn. Osy dataǵa oraı oblystyq ýnıversıtette «Uly dalanyń has batyrlary» atty respýblıkalyq ǵylymı-teorııalyq konferensııa bolyp ótti. Onyń jumysyna oblys ákiminiń orynbasary Rýslan Álishev, Almatydan jáne Asta­nadan kelgen elimizdiń bir­ta­laı tanymal tarıhshylary qatysty. Solardyń ishinde ál-Farabı atyndaǵy Qazaq ult­tyq ýnıversıtetiniń profes­sory Bereket Káribaevtyń, L.N.Gý­­mılev atyndaǵy Eýrazııa ult­­tyq ýnıversıtetiniń profes­sory Maqsat Alpysbestiń, О́.Sul­tan­ǵazın atyndaǵy Qosta­naı memle­kettik pedagogıkalyq ýnı­ver­sıtetiniń professory Amanjol Kúzembaıuly jáne t.b. baıandamalary mazmundy bolyp, qyzyqqan jas­tar ózderine mol maǵlumat aldy.

Al Qarasaı men Aǵyntaı ba­tyrlar jerlengen Aıyrtaý aýda­nynda merekelik sharalar ótýde.

Soltústik Qazaqstan oblysy