Aımaqtar • 23 Qyrkúıek, 2019

Jezqazǵanda ishki gaz jelileri tartylýda

59 retkórsetildi

Elbasynyń bes áleýmettik bastamasy aıasynda bastalǵan «Saryarqa» magıstraldy gaz qubyry jaqynda Jezqazǵan qalasyna jetken bolatyn. Búginde qala irgesinde avtomatty gaz taratý stansasynyń qurylysy bastalyp, Jezqazǵanǵa qarasty Talap aýyly men Prıstansıonnyı eldi mekeninde ishki gaz jelileri tartylyp jatyr.

Jospar boıynsha Jezqazǵan qala­syndaǵy Talap aýyly, Geolo­gıcheskıı, Qostankeldisaı, Bekbolatsaı eldi meken­derinde ortalyq jylý júıesine qosyl­maǵan barlyǵy 2 myńnyń ústindegi jeke turǵyn úı gazben qamtamasyz eti­ledi. 2019-2020 jyldardy qamtıtyn gaz­dan­­dyrý jospary boıynsha merdiger «Álııa-Servıs» JShS osy jyldyń sońyna deıin avtomatty gaz taratý stan­sasynan (AGTS) Talap aýyly men Jezqazǵan qalasynyń Prıstansıonnyı eldi mekenine magıstraldy gaz qubyryn tartady. Sonymen birge, Talap aýylyn­daǵy 148 úı men mektep, klýb syndy ále­ýmettik nysandar da bıyl kógildir otyn­nyń ıgiligin kórmek. Qalanyń qal­ǵan bóligi kestege saı keler jyly gaz jeli­sine qosylmaq.

Oraldyq «Álııa-Servıs» JShS mamandary qazir Talap aýylynda ishki gaz qubyrlaryn tartýda. Joba boıynsha ár úıge gaz eseptegish quraldar ornatý da qarastyrylǵan.

– Qazir Talap aýylynyń ishinde ortasha jáne tómen qysymdaǵy jalpy uzyndyǵy 6,8 shaqyrym gaz jelilerin tartyp jatyrmyz. Búginde 5,5 shaqyrymy tartylyp boldy. Aýyl ishine ortasha jáne tómen qysymǵa arnalǵan plastık qubyrlar tartylýda. Jumys bıyl tolyq aıaqtalady, – deıdi «Álııa-Servıs» JShS ókili Aıdos Sebepov.

Merdiger kompanııa ókiliniń aıtýynsha, AGTS-tan Prıstansıonnyı eldi mekenine deıin 16 shaqyrym magıstraldy temir qubyry tartylmaq. Bul joǵary qysymdaǵy jeli bolady. Qazir daıyndyq jumystary júrýde.

– Mundaǵy jumysqa barlyǵy 9 teh­nı­ka, 25 adam jumyldyrylǵan. Onyń ishin­de 10 adamdy osy Talap aýylynan ju­mysqa qabyldadyq. Talap­taǵy ju­mys aıaqtalǵan soń Prıs­tansıonnyı ba­­ǵy­­­tyndaǵy jumys jandanady. Oǵan qo­­sym­­­sha jumys kúshin tartatyn bola­myz. Ke­ler jyly qalanyń basqa aýdan­da­­ry­­na gaz jetkizemiz, – deıdi kompanııa ókili.

Merdiger jumysyna tehnıka­lyq qadaǵalaý júrgizýge jaýapty «QazArtQurylys» JShS ókili Jeńis Álim­jan jumystyń keste boıynsha júrip jatqanyn, tehnıkalyq talaptar men jobalyq qujattardan aýyt­qý­shylyq joq ekenin aıtady.

Eki jylǵa josparlanǵan Jez­qazǵan qalasyn gazdandyrý jobasyna bıýdjetten 3 mlrd teńge qarajat qaras­ty­ryl­ǵan. Aldyn ala boljam boıynsha qala­da bir tekshe metr gazdyń quny 47 teń­geni quramaq.

Esterińizge salsaq, Qazaqstan Res­pýb­­lıkasynyń Tuńǵysh Prezı­denti – Elbasy N.Nazarbaev 2018 jylǵy 5 naý­ryzda óziniń bes áleý­mettik bastamasyn jarııalap, onda astanany gazdandyrý týraly tapsyrma bergen edi.

Bıyl naýryzda alǵashqy dáne­kerleý jumystary bastalyp, búginde bul qubyr elordaǵa da jetip qaldy. Magıstraldy qu­byr­dyń 80 paıyzy Qaraǵandy obly­sy­nyń aýmaǵy­men ótedi. Aýqymdy joba aıasynda Qaraǵandy oblysynda Jez­qaz­ǵan, Temirtaý, Abaı, Saran, Shah­tın­sk qala­lary men oblystaǵy basqa da 114 eldi mekendi gazdandyrý jospar­lan­ǵan.

Darhan MUHAN,
jýrnalıst

Jezqazǵan

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar