Qoǵam • 23 Qyrkúıek, 2019

Aqbota Kádirbek: Erikti bolý – erikkenniń isi emes

48 retkórsetildi

Prezıdentimiz Qasym-Jomart Toqaev 2020 jyldy «Volonterler jyly» dep jarııa­laǵany málim. Bul jańalyqqa el arasynda ekpindi eńbek etip júrgen erikti jastar eleń ete qalǵanyn da bilemiz. Sondaı jastardyń biri – Aqbota Kádirbek.

Onyń úsh sińlisi jáne eki inisi bar. О́z boıyndaǵy jaýapkershilikti bala kezinen bastap, baýyrlaryna qaraılasa júrip qalyptastyrǵan. Únemi úlkenge qurmetpen, kishige izetpen qaraıdy. Bilim ordalarynyń ishindegi qara shańyraq sanalatyn Ybyraı Altynsarın orta mektebin bitirgen ol, búginde Arqalyq qalasyndaǵy Y.Altynsarın atyndaǵy pedagogıkalyq ınstıtýttyń pedagogıka-psıhologııa kafedrasynyń ekinshi kýrs stýdenti. Onyń aldynda ǵana qalalyq kolledjden mektepke deıingi bilim berý jáne tárbıeleý mamandyǵyn alyp shyqqan edi. Kolledjge kelgennen bastap qoǵamdyq jumystarmen jıi aınalysýǵa múmkindikter boldy. Ol eriktiler jumysy men pikirsaıys oıyndarynyń belsendi qatysýshysyna aınalyp shyǵa keldi. Stýdent bola salysymen kolledjdiń Jastar isi-jónindegi kometıtetinde «Naǵyz kósh­basshylar odaǵy» eriktiler tobyn qurady. Volonterlermen birge tájirıbe jınaý maqsatynda kóptegen aksııalar ótkizedi. Qoǵamǵa jáne qorshaǵan ortaǵa kómek qolyn sozý maqsatynda «Ardagerlerdi ardaqtaıyq», «Helper VOH», «Taza qala» syndy aksııalardyń basy-qasynda júredi. Aqbota jyl sa­ıyn ótkiziletin «Áleýmettik mańyzy bar ıdeıalar men jobalar baıqaýyna» qatysyp, grant utyp alǵan eken. Sonyń arqasynda osydan tórt jyl buryn onyń uıymdastyrýymen ótkizilgen oblystyq pikirsaıys týrnıri aýqymyn arttyryp, dástúrli jarysqa aınalyp keledi.

Sonymen qatar ol bilik­tiligin arttyrý maqsatynda Pavlodar, Qos­tanaı jáne Qarqaraly qalalaryna baryp «Volon­terlik qyzmetti damytý» atty oqý-semınarlarynan tájirıbe jınap qaıtqan. Izdenisi jemisti bolyp, 2017 jyly oblystyq «Úzdik volonter» baıqaýyna qatysqan keıipkerimiz bas júldeni ıelendi. Kóp ýaqyt ótpeı ol Arqalyq qalasy jastarynyń Altyn kitabyna «Jastar kóshbasshysy» nomınasııasy boıynsha endi.

̶ Men osy jetistikterim arqyly ózimdi tanyp-bile túsemin. Qoǵamǵa paıdasy tıetin isterimdi qazaq óren­de­ri­niń ómir súrý qaǵıdalary retinde tanystyrǵandy unatamyn. Al ár jetis­tigim otbasym men elime arnalady, – deıdi Qostanaı oblysynyń eń úzdik eriktisi atanǵan qyz.

Jaqynda taǵy bir jaqsy jańalyq estidik. Aqbota ómirlik serigin taýyp, turmysqa shyqqan eken. Qala ákimi Eldar Kúzenbaev Jastar jyly aıasynda shańyraq kótergen jas jubaılardy quttyqtap, alǵys hat tabystapty.
Arqalyq qalasynyń damýy men jań­ǵyrýyna ólsheýsiz úles qosyp júrgen Aqbota syndy jastar bir qala­nyń ǵana emes, elimizdiń de damýyna ózin­dik septigin tıgizip júrgenin bilýi tıis.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar