Jylytý maýsymyna daıyndyq pysyqtaldy

Bıyl jylytý maýsymyna daıy­n bolý maqsatynda mınıstrlik 2019-2020 jyldarǵa arnalǵan ju­mys josparyn bekitti. Soǵan sáıkes oblystardyń, Nur-Sultan, Almaty jáne Shymkent qalalarynyń ákim­dikteri 15 qazanǵa deıin barlyq nysan­dardy, sonyń ishinde ınjenerlik jelilerdi, derbes qazandyqtardy da­ıyn­dap, halyqty jáne kommýnaldyq-turmystyq uıymdardy otyn qorymen qamtamasyz etýi qajet. Josparǵa saı, «Nurly jol» memlekettik baǵdar­lamasy sheńberinde 37,9 mlrd teńge so­maǵa jylýmen, sýmen jabdyqtaý jáne sý burý boıynsha 18 joba júzege asyrylýda.

Injenerlik ınfraqurylymdy jylytý maýsymyna daıyndaý úshin jos­­parly túrde jóndeý jumystary júr­gizildi. Atap aıtar bolsaq, 10 212 der­bes qazandyq (jospardyń 96,1%-y), 4,8 myń shaqyrym jylýmen jabdyqtaý je­lisi (jospardyń 96,2%-y), 14,5 myń shaqyrym sýmen jabdyqtaý jelisi (jos­pardyń 95,9%-y) jóndeldi. Qal­ǵan jumys jylytý maýsymy bastalǵanǵa deıin aıaqtalmaq.

2019 jylǵy 16 qyrkúıektegi jaǵdaı boıynsha áleýmettik nysan­dar­dyń jylytý maýsymyna daıyn­dyǵy oıdaǵydaı. Bilim berý nysan­darynyń 99,6%-y, densaýlyq saqtaý nysandarynyń 98,6%-y, tur­ǵyn úılerdiń 94,9%-y saqadaı-saı.

Q.О́skenbaevtyń aıtýynsha, al­daǵy jylytý maýsymynda qajet bolatyn kómir mólsheri –10,4 mln tonna. Qazir 4,9 mln tonna kómir daıyn.

Kómir óndirýshi kompanııalar óndirgen 74,1 mln tonna kómirdiń 50,8 mln tonnasy ishki naryqqa baǵyttaldy. Sonyń 9,1 mln tonnasy energııa óndirýshi kásiporyndarǵa, 4,7 mln tonnasy otyn-ónerkásip kásiporyndaryna, 6,9 mln tonnasy kommýnaldyq-tur­mystyq qajettilikterge bólindi. Eksport 19,6 mln tonnany qurap, byl­tyrmen salystyrǵanda 1,7%-ǵa asyp tústi.

«Oblys, qalalar jáne aýdan ákimdikteri shilde aıynan bastap kómir daıyndaý jumysyn bastady. Olar turaqty negizde kómir jetkizý monıtorıngin júrgizedi, halyqqa kómir satylatyn oryndar men onda otynnyń bar-joǵy týraly túsindirý úshin jedel jeli qurdy. Sondaı-aq BAQ-tar men áleýmettik jelilerde jalǵan aqparattyń taralýyna jol bermeý jóninde túsindirý jumysyn júrgizip jatyr», dedi mınıstrdiń birinshi orynbasary.

Qazirgi tańda kommýnaldyq qyz­met­ter úshin tutynýshylardyń bere­shegi 11,6 mlrd teńge eken. Joǵary debıtorlyq bereshek Almaty qala­synda – 2,7 mlrd teńge, Nur-Sul­tan qalasynda – 1,7 mlrd teńge, Mań­ǵystaý oblysynda – 1,5 mlrd teńge, Shymkent qalasynda – 1,3 mlrd teńge.