Rýhanııat • 23 Qyrkúıek, 2019

Qazaq delegasııasy Damaskidegi Ábý Nasyr ál-Farabıdiń qabirine zııarat jasady

108 retkórsetildi

Kelesi jyly «Álemniń ekinshi us­tazy» atanǵan Ábý Nasyr ál-Fara­bı babamyzdyń 1150 jyldyǵy atalyp ótedi. Osy aýqymdy oqıǵaǵa ázir­lik barysynda qazaqstandyq arnaıy de­legasııa Sırııanyń Damask qa­la­syna issaparmen bardy. Ári bul sapar memlekettik «Rýhanı jań­ǵy­rý» baǵdarlamasy men Elbasy N.Á.Na­zarbaevtyń «Uly dalanyń jeti qyry» maqalasyndaǵy negizgi mindetterdi júzege asyrýdy maqsat tutady.

Atalǵan issapar kópten beri jos­parlanyp, Qazaqstan Respýblıka­sy­nyń Lıvandaǵy Elshiliginiń já­ne Sırııa Respýblıkasynyń Qazaq­standaǵy qurmetti Elshisiniń qolda­ýymen júzege asty.

Osylaısha bul sapar uly babamyzǵa zııarat etip, jatqan jerine Qazaqstan tarapynyń qarjylandyrýymen sa­lynǵan «Ál-Farabı mádenı tarı­hy ortalyǵy jáne kesenesi» quryly­sy­nyń jaı-kúıimen jaqynnan tanysyp, 2020 jyly uly oıshyldyń 1150 jyldyǵyn ótkizýge daıyndyq sharalaryn jalǵastyrýdy kózdep otyr. So­nymen birge dostas memleketter ara­syndaǵy ortaq tarıhı jáne mádenı qun­dylyqtardy nasıhattap, jaqsy qa­rym-qatynastyń irgetasyn nyǵaıta túsý de mańyzdy.

Sonymen qazaqstandyq delega­sııa quramynda QazUÝ-dyń rekto­ry Ǵalymqaıyr Mutanuly, Par­la­ment Senatynyń depýtaty Álim­jan Qurtaev, tanymal kınorejısser Ser­­­geı Ázimovtiń túsirý toby men ­Qa­zaq­­stan-1 telarnasy atynan Dar­han Áb­dikov basshylyǵyndaǵy túsi­rilim toby, sondaı-aq Shyǵystaný fa­kýl­tetiniń dekany Yqtııar Paltóre boldy.

Sapar aıasynda qazaqstandyq dele­gasııa Damask qalasy ákiminiń qabyl­daýynda bolyp, qurylysy aıaqtalǵan «Ál-Farabı mádenı tarıhı ortalyǵy jáne kesenesi» ǵımaratynyń bolashaǵy týraly pikir almasty. Delegasııa basshysy akademık Ǵalymqaıyr Mutanov Damask qalasynyń ákimi Adıl Anýar ál-Alabı myrzamen kezdesýinde uly babamyzdyń jatqan jerine salynǵan ǵımaratty asa qıyn soǵys kezinde saq­tap qalýǵa atsalysqandary úshin Qa­zaqstan atynan zor alǵys aıtyp, rı­zashylyq tanytty.

Mańyzdy kezdesýler kezinde QazUÝ rektory Ǵalymqaıyr Mutanov: «Sizdermen bizdi baılanystyratyn tarıh tereńnen tartady. Otyrarda dúnıege kelgen uly ál-Farabı babamyz, kezinde sizderde bılik qurǵan Sultan Zahır Beıbarys babamyz osy kıeli Damask jerinde jatyr. Bul eki alyp tulǵa eki eldi jaqyndastyra túse­tin mádenı kópir, jastar tárıbesinde rýhanı azyq, kúsh-jiger, úlgi-ónege bolatyn tulǵalar ekendigine senim bildiremin», dedi.

Issapar kezinde qazaqstandyq delegasııa Damask ýnıversıtetiniń rektory professor Muhammed Mahır Qabaqıbımen kezdesti. Eki ýnıversıtet basshysy ózara dıalog barysynda qarym-qatynastardy nyǵaıtý baǵytynda pikir almasty. QazUÝ-dyń rektory Ǵ.Mutanov ál-Farabıge degen jalpy kópshiliktiń tanym kókjıegin keńeıtip, bizge jazyp qaldyrǵan fı­losofııalyq oı-tolǵamdary men jalpy adamzattyń baqytty ómir sú­rýine qatysty aıtqan tujyrymdy oı­laryn búginmen baılanystyrýdyń ózek­ti­ligine erekshe toqtaldy.

Osy baǵytta ál-Farabıdiń esimin ıelenip otyrǵan Qazaq ulttyq ýnıver­sıteti uly ǵulamanyń izgilik qoǵamy ıdeıasy negizinde ınnovasııalyq-teh­no­logııalyq tuǵyrnamamen qatar rý­ha­nı-adamgershilik qundylyqtarǵa negizdelgen «Ýnıversıtet 4.0» ja­ńa býyn ýnıversıtetiniń modelin ja­sa­ǵandyǵyn aıtty. Bul jobany Birik­ken ulttar uıymynyń (BUU) Nıý-Iorktegi shtab-páterinde tanys­tyryp, osy uıymnyń qoldaýymen ony halyqaralyq deńgeıde júzege asyrýǵa usynys bildirgendigin tilge tıek etti. Osylaısha Qazaq ulttyq ýnıversıteti BUU О́rkenıetter alıansymen birlesip «Qaıyrymdy qoǵam azamattaryn qalyptastyrý. Qazirgi zamanǵy ýnıversıtetterdiń mıssııasy» atty halyqaralyq jobany júzege asyra bastaǵandyǵyn túsindirip berdi. Sondaı-aq búginge deıin ál-Farabı atyndaǵy Qazaq ulttyq ýnıversıteti Túrkııa, Mysyr, Italııa, Qytaı, Ún­distan, Bolgarııa sııaqty taǵy basqa elderdiń jetekshi ýnıversıtetterinde 12 «Ál-Farabı» ǵylymı-bilim berý ortalyǵy, Túrkııa men Úndistanda «Ál-Farabı» atyndaǵy mýzeı úıiniń ashylǵandyǵyn jetkizdi.

Issapar aıasynda qazaqstandyq de­­le­gasııa Sırııanyń halyqaralyq aka­­demııasynda dóńgelek ústel ótkiz­di. Onda uly oıshyl Ábý Nasyr ál-Farabı babamyzdyń ómiri men shy­ǵar­­mashylyǵy, fılosofııalyq oı-tol­ǵamdary, ásirese «Qaıyrymdy qa­la qurý» týraly aıtqan oı-pikirleri ke­ńinen talqyǵa salyndy. Jıyn so­ńynda halyqaralyq akademııanyń dóń­gelek ústel ótip otyrǵan úlken za­ly budan bulaı «ál-Farabı» atyn­daǵy úlken zal dep atalýyna sheshim shyǵaryldy.

Delegasııa quramyndaǵy túsirilim toby Damask qalasyndaǵy «Ál-Fa­rabı mádenı-tarıhı ortalyǵy jáne kesenesi» ǵımaratynda, Sultan Beı­ba­rys babamyzdyń basynda jáne taǵy basqa kóne Damask kórinisterin, tarıh-mádenı oryndardy taspaǵa túsirip, ál-Farabı babamyz ben Sultan Beıbarys babamyzǵa qatysty fılmge qajetti mol vıdeomaterıaldar jınaqtady.

ALMATY

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar