23 Qyrkúıek, 2019

Energııa kásiporyndaryn jylytý maýsymyna daıyndaý jóndeý kestesine sáıkes júzege asyrylýda — Energetıka mınıstrligi

10 ret kórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Energetıka mınıstriniń birinshi orynbasary Mahambet Dosmuhambetov jáne birqatar óńirdiń ákimderi jylytý maýsymyna daıyndyq týraly baıandady. Bul týraly primeminister.kz habarlady. 

Jalpy alǵanda, Qazaqstannyń Biryńǵaı elektr energetıkalyq júıesi Reseı Federasııasy men Ortalyq Azııa elderiniń energııa júıelerimen qatar shtattyq rejımde jumys isteýde. Aǵymdaǵy jyldyń 19 qyrkúıegindegi jaǵdaıǵa sáıkes Respýblıka boıynsha elektr energııasyn tutyný 73,1 mlrd kVts qurady, bul ótken jyldyń deńgeıinen 1,7%-ǵa artyq.

Energetıka mınıstriniń birinshi orynbasarynyń aıtýynsha, energııa kásiporyndaryn kúzgi-qysqy kezeńge daıyndaý bekitilgen jóndeý kestelerine sáıkes júrgizilýde. 

«Búginde 11-den 5 energoblokta jóndeý júrgizildi, bul jyldyq kólemniń 45%-yn quraıdy, 63-ten 40 qazandyqta, bul jyldyq kólemniń 63%-yn quraıdy jáne 46-dan 23 týrbınada jóndeý jumystary júrgizildi, bul jyldyq kólemniń 50%-yn quraıdy. Jóndeýdiń ártúrli kezeńinde 4 energııa blogynda, 28 qazanda jáne 18 týrbınada jumystar júrgizilýde», — dedi M. Dosmuhambetov. 

Elektr jelileri boıynsha 21 myń km elektr berý jelileri men 1152 shaǵyn stansııaǵa jóndeý júrgizildi, bul jyldyq jospardyń tıisinshe 84% jáne 92%-yn quraıdy.

Aldaǵy jylytý maýsymyna daıyndyq úshin ortalyqtandyrylǵan jylýmen qamtý aımaǵynda 459 qazandyqtyń 428 qazandyǵyna jóndeý júrgizildi, bul jyldyq jospardyń 93% quraıdy.

Sonymen qatar, M. Dosmuhambetov otynmen qamtamasyz etý jaǵdaıy týraly aıtyp berdi. Aǵymdaǵy jylǵy 19 qyrkúıektegi jaǵdaı boıynsha energııa kózderi qoımalarynda kómir qory 4 mln tonna kómirdi quraıdy, bul ótken jylǵy deńgeıden 15%-ǵa artyq jáne 101,9 myń tonna mazýt, bul ótken jylǵy kórsetkishten 23%-ǵa artyq.

Energetıka mınıstrligi qosylǵan qun salyǵy esebimen 100 myń teńge baǵasymen 277 myń tonna kóleminde «áleýmettik» mazýtty jetkizý boıynsha kesteni bekitip, óńirlerge joldady.

«Mınıstrlik ortalyq jáne jergilikti atqarýshy organdarmen birlesip aldaǵy jylytý maýsymynyń turaqty ótýine daıyndaý boıynsha turaqty jumys júrgizýde. О́ńirler ákimdikteri energııa kózderinde josparlanǵan barlyq jóndeý jumystaryn belgilengen merzimde aıaqtaýdy baqylaýǵa alýdy jáne energııa kásiporyndarynyń bar bereshekterin tolyq kólemde óteýdi qamtamasyz etýi qajet», — dep túıindedi M. Dosmuhambetov.

О́ńirlerdiń aldaǵy jylytý maýsymyna daıyndyǵy týraly Batys Qazaqstan oblysynyń ákimi Ǵ. Esqalıev, Aqtóbe oblysynyń ákimi O. Orazalın jáne Nur-Sultan qalasynyń ákimi A. Kólginov baıandady.  

О́z kezeginde QR Premer-Mınıstriniń orynbasary Roman Sklıar ákimdikter ınjenerlik jáne áleýmettik ınfraqurylymnyń nysandaryn jóndeý jumystaryn aıaqtap jatqanyn atap ótti. Turǵyn úı-kommýnaldyq qajettilikterge jáne turǵyndarǵa qajet kómir men mazýt qoryn daıyndaý josparǵa sáıkes júrgizilip jatyr. R. Sklıar keıbir bilim berý, densaýlyq saqtaý mekemeleriniń, sondaı-aq turǵyn úı nysandarynyń kesteden artta qalýyna baılanysty máselelerdi sheshý qajettigin atap ótti. Bul máseleler QR Úkimetiniń turaqty baqylaýyna alynǵan.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar