23 Qyrkúıek, 2019

Shaǵyn nesıe alýshylar 8 myńnan asa jumys ornyn qurdy — EHÁQM

21 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda «Bastaý Bıznes» jobasyn iske asyrýdyń aralyq qorytyndylary shyǵaryldy. Bul joba kásipkerlik negizderin oqytýǵa baǵyttalǵan jáne 2017 jyly Nátıjeli jumyspen qamtý jáne jappaı kásipkerlikti damytý baǵdarlamasyn júzege asyrý aıasynda iske qosyldy. Bul týraly primeminister.kz habarlady. 

Eńbek jáne halyqty áleýmettik qorǵaý mınıstri B. Nurymbetov jumyssyzdarǵa áleýmettik jaǵynan memlekettik qoldaý kórsetý maqsatynda, kásipkerlik bastamalardy qoldaý «Eńbek» memlekettik baǵdarlamasynyń negizigi baǵyttarynyń biri ekenin atap ótti. 

Jumyssyzdar men ózin-ózi jumyspen qamtyǵandar, onyń ishinde jastar, múmkindigi shekteýli adamdar arasynda kásipkerlikti damytýǵa Baǵdarlamada kelesi quraldar qarastyrylǵan:

  • «Bastaý-Bıznes» jobasy arqyly kásipkerlik negizderine oqytý;

  • tómen paıyzben shaǵyn nesıeler usyný;

  • nesıelerdi kepildendirý;

  • jańa ispen shuǵyldanýǵa qatysý úshin tegin memlekettik granttardy usyný tetikteri.

Bul rette, «Bastaý Bıznes» jobasy boıynsha oqyǵan azamattarǵa nesıe berý kezinde basym quqyq beriledi.

«Aǵymdaǵy jyly «Bastaý Bıznes» jobasymen 75 myń adamdy qamtý josparlanýda. Búginde oqýmen 33 myń adam qamtyldy. Sonyń ishinde Jastar jyly aıasynda «Jas kásipker» jobasy boıynsha 20 myń jas azamat oqytyldy. О́z jobalaryn qorǵaǵan 27 myń azamattyń ishinen 8,1 myń adam granttar men nesıeler aldy», — dedi B. Nurymbetov.

2017-2019 jyldary «Eńbek» baǵdarlamasy sheńberinde nesıe berýge respýblıkalyq bıýdjetten jalpy somasy 176 mlrd teńge qarjy bólinip, 31 myńǵa jýyq azamatqa nesıe berildi.

Aǵymdaǵy jyly nesıe berýge bólingen qarjy kólemi 2017 jylmen salystyrǵandǵa 2 esege ósip, 83 mlrd teńgege jýyq somany qurap otyr. Qazirgi kúnge bul qarjynyń 52,3%-y ıgerildi.

Sońǵy úsh jylda aýyl turǵyndardy nesıemen qamtý jospary 5 esege ulǵaıdy. Baǵdarlama aıasynda beriletin nesıeler aýyl turǵyndary úshin qoljetimdi bola tústi. Aýyldyq jelderde nesıelerdiń ortasha somasy 4 mln teńgeni quraıdy. Nesıelerdiń 52%-y 3 mln teńgege deıingi somada bolsa, 45%-y 3 mln teńgeden bastap 10 mln teńgege deıingi somany quraıdy. Al qalalarda nesıelerdiń ortasha somasy 11 mln teńgeni quraıdy.

«Bıyl el boıynsha 19 myńnan astam azamat nesıemen qamtamasyz etiledi dep kútilýde, onyń 16,7 myńy aýyl turǵyny bolsa, 2,3 myńy - qala turǵyny», — dedi mınıstr.

Nesıeler kelesi maqsattarǵa alynǵan – 60%-y startap jobalarǵa (5 684), 33%-y bıznesti keńeıtýge (3 119), 7%-y zákirlik kooperasııalardy damytýǵa (630) berildi. Nesıe alýshylar qosymsha 8 384 jańa jumys oryndaryn ashqanyn atap ótý kerek.

Ekonomıkalyq qyzmet túrleri bólinisinde aýyldarda nesılerdiń 80%-y – mal sharýashylyǵyna, 9,6%-y – qyzmet kórsetýge, 6%-y – kólik jáne baılanys salalaryna tıesili.

Qalalyq jerde nesılerdiń 30%-y - saýda sattyqta,15%-y – ónerkásipte, 12%-y – qurylys salalaryna paıdalanylýda.

Nesıe alýshylardyń áleýmettik statýsyna nazar aýdarsaq, 22%-y – jumyssyzdar (2 075 adam), 74%-y – ózin-ózi jumyspen qamtyǵandar, 2,5%-y – múgedekter (236 adam), 1,5%-y – az qamtylǵan otbasylar. Olardyń ishinde 15%-y – jastar, 34%-y – áıel adamdar.

2018 jyldan bastap «Eńbek» baǵdarlamasy aıasynda memlekettik granttar berile bastady. Barlyǵy 38 myń adamdy qamtý josparlanyp otyr. Búgingi tańda barlyǵy 7,8 myńnan astam grant berildi. 

Aýyldyq jerler men shaǵyn qalalardy nesıelendirý operatory — Aýyl sharýashylyǵy mınıstrligi, qalalar men monoqalalarda — Ulttyq ekonomıka mınıstrligi. 

Aýyl sharýashylyǵy mınıstri S. Omarov 2019 jyly «Bastaý Bıznes» jobasyn iske asyrýǵa 5,9 mlrd teńge bólingenin aıtty. Onyń ishinde respýblıkalyq bıýdjetten – 2,7 mlrd teńge

Búgingi tańda 33 myń adam oqytyldy nemese jospardyń 44%. Berilgen nesıelerdiń ortasha somasy 3,3 mln teńgeni quraıdy.

Bıyl respýblıkalyq bıýdjetten 12 myń shaǵyn nesıege 44,7 mlrd teńge bólindi. 2019 jyldyń shildesinde 5 myń shaǵyn nesıege qosymsha 20 mlrd teńge bólindi.

2019 jylǵy 13 qyrkúıektegi jaǵdaı boıynsha respýblıkada 32,5 mlrd teńge ıgerilip, 450 mıkrokredıt berildi.

О́z kezeginde «Atameken» ulttyq kásipkerler palatasynyń basqarma tóraǵasy A. Myrzahmetov «Bastaý Bıznes» jobasyn úsh jyl ishinde iske asyrýdyń basty nátıjesi 20 myńnan astam jańa bıznes-jobalardyń iske qosylýy ekenin atap ótti. Bir aıta keterligi, joba bastalǵan kezde bolashaq kásipkerlerdi oqytý úshin bar bolǵany 80 synyp bolsa, qazir olardyń sany aýdandarda, monoqalalarda, oblys ortalyqtarynda jáne Nur-Sultan jáne Almaty qalalarynda — 252.

Úsh jyldyń ishinde 35 mlrd teńge somasyna nesıe berildi. Sonymen birge 50 mlrd teńgege ónim men qyzmet shyǵaryldy.

«Iske qosylǵan jobalardyń taldaýy kórsetkendeı, qoldaý sharalarynyń 1 teńgesine 1,8 teńgege ónim shyǵarylyp, qyzmet kórsetiledi», — dedi A. Myrzahmetov. 2019 jyly nesıe alýshylar 15 myń bıznes sýbektilerin ashady dep josparlanýda.

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar