Aımaqtar • 23 Qyrkúıek, 2019

Almatyda dáriger Nurtas Qazybaevqa eskertkish taqta ornatyldy

42 retkórsetildi

Bul aqparatty Almaty qalasy ákimdiginiń baspasóz qyzmeti taratty.

30 myń ota jasap, 5 myń adamnyń ómirin ajaldan arashalap qalǵan Nurtas Kákimjanuly osydan jeti jyl buryn, 2012 jyly  dúnıeden ótti.

San myń adamnyń ólimine arasha bolyp, talaı naýqasty aıaqqa turǵyzǵan arda azamat 53 jasynda bul ómirmen qoshtasyp ketti. Keýdeniń qýysyna jasyrynǵan judyryqtaı júrek óz jumysyn osy mezette toqtatty. Naızaǵaıdaı jarq etip, aspanda juldyz aqty. Bul 2012 jyldyń 5 tamyzy edi. Araǵa jeti jyl salyp baryp qolǵa alynǵan is-sharaǵa týystary, dostary jáne ony tanyp-bilgen azamattar qatysty.      

Eskertkish  Tólebaev kóshesinde ózi turǵan úıge qoıyldy.

Saltanatty ashylý rásimin Nurtas Qazybaevtyń jaqyn dosy, ǵalym Almaz Sharman ótkizdi.

«Bizdiń Nurtas óz zamanynyń úzdik hırýrgtarynyń biri bolǵan. Ony «halyq akademıgi» dep ataǵan. Onyń ómiri óte qysqa bolsa da, Nurtas artynan tamasha iz qaldyrdy. Áriptesterimizdiń arasynda biz ony daryndy hırýrg dep ataıtynbyz, emdelýshiler arasynda – «qoly altyn adam», al dostardyń arasynda – «jaqsylyq jarshysy», - deıdi Almaz Sharman.

Medısına ǵylymynyń kandıdaty, dosent, joǵary dárejeli dáriger-hırýrg Nurtas AQSh pen Shveısarııada tájıirbeden ótken hırýrg, ómiriniń sońyna deıin dárigerlik antyna adal boldy.  

Qazybaevtyń áriptesi Sergeı Shıllerdiń aıtýynsha, Nurtas Kákimjanuly týraly esteliktiń shegi joq. Ol medısına salasynyń úzdigi edi.

«Onyń bastaǵan kez kelgen isi tek jaqsylyqpen aıaqtalatyn» deıdi ol.

Nurtas Kákimjanulynyń jaqyn dosy Venera Nyǵmatýllına Nurtastyń ómiri ózgege jan jylýyn syılaýmen ótkenin, tipti otbasylyq otyrystarda telefonyn tastamaıtyn, óshirmeıtinin eske túsirdi.

«О́ıtkeni únemi naýqastarmen baılanysta bolyp, keńesin aıtyp otyratyn. Kásibıligi bir tóbe mundaı dárigerge óziminiń jáne jaqyndarymnyń densaýlyǵyn úlken senimmen tapsyra alatynmyn» deıdi Venera Nyǵmatýllına. 

Nurtas Kákimjanuly kópshilik «Sovmınka» dep atap ketken, qazirgi ortalyq klınıkalyq aýrýhanada 30 jyl jumys istegen. Innovasııalyq ádisterdi qoldanýdyń arqasynda birneshe joǵary profıldi bólimsheni de ashyp úlgeripti.

Nurtas Qazybaev 1958 jyly 27 qyrkúıekte Almaty qalasynda dúnıege kelgen. Násili qazaqqa Qazybaev tegi jaqsy tanys. Nurtas – belgili memleket qaıratkeri, jýrnalıst, jazýshy Kákimjan Qazybaevtyń uly. Anasy – elimizdiń eńbek sińirgen qaıratkeri, ulaǵatty ustaz Orynsha Qarabalına-Qazybaeva.

Nurtastyń esimi ataqty Nurtas Ońdasynovtyń qurmetine qoıylǵanyn ekiniń biri bile bermeıdi. Anasy ol jaıly estelikterinde bylaı deıdi: Orynsha apamyzdyń Nurtas dúnıege kelgen kezdi eske alyp, qaǵazǵa túsirgeni bar: «Áli esimde, 1958 jyl, qyrkúıektiń 26-sy. Kákeń Qostanaıdan issapardan keldi. Ol jyly egin bitik shyǵyp, respýblıka dıqanshylary alas uryp jatqan kez... Tańǵy astan keıin Kákeń qyzmetine ketti. Ol ketisimen mende tolǵaq bastaldy. Qaıyn sińlim Raıa aıaldamadaǵy telefonnan «Jedel járdem» shaqyrdy. Nurtasymnyń tolǵaǵy da, týýy da óte jeńil boldy. Kúndizgi saǵat 12-de perzenthanada balam ómirge keldi. Ákesi kelgende dárigerler súıinshi surap qýantypty. Sol kúni marqum joldastarymen tereze aldyna kelip, «dúnıege ul keldi» dep bári qýanyshtaryn ishke jasyra almaı, maqtana aıqaılap edi... Sonymen, perzenthanada on kún jatyp, úıge keldik. Úıge Baýyrjan Momyshulynyń báıbishesi Kákeńniń Jákeńi, Jamal apaı kelip, úı sharýashylyǵyn basqaryp ketti. «Qazir Baýkeń keledi, bárińe shaı qamyn jasap jatyrmyn» dep anamdaı qarsy alyp, balasynyń betip ashyp kórip: «Alla qalasa, úlken azamat bolady, Baýkeń kórimdigin beredi», - dedi. Sóıtkenshe Baýkeń de keldi. «Kórimdigi» dep 50 som berdi. Apaı: «Bala meniki», - degendikten 25 somyn apaıǵa berdim. Qalǵan 25 som ol kezde úlken aqsha edi, baıyp qaldyq. Keshke joldastar keldi. Úıimizge 50 adam syıdy. Balamyzǵa qoıylǵan atty qalpaqqa salyp aralastyryp, men tańdadym. Keıin «Sosıalıstik Qazaqstan» gazetiniń bas redaktory bolǵan, ómirden erte ozǵan Uzaq Baǵaevtyń qaǵazǵa jazǵan aty «Nurtas» eken. Sóıtip, ulymyzdyń aty Nurtas boldy. «Bir kezde Mınıstrler Keńesiniń tóraǵasy bolǵan, el azamaty Nurtas Ońdasynovtaı ataqty bolsyn» dep tilek tilendi. Sol tilek oryndaldy».

«Altyn qoldy hırýrg» atanyp ketken dárigerdiń memorıaldy taqtasy jazýshy-pýblısıst, qoǵam qaıratkeri, jýrnalıst,  ákesi Qazybaev Kákimjannyń qasyna ornatylypty.

 

ALMATY

Banner
Sońǵy jańalyqtar

Izgilik elshisi

Aımaqtar • Búgin, 17:38

Soltústik oblystarda boran bolýy múmkin

Qazaqstan • Búgin, 16:18

Kún energııasy Oralǵa jetti

Aımaqtar • Búgin, 15:46

«Aqyny aq Ertistiń – Qımadıden...»

Rýhanııat • Búgin, 12:46

Fýtbol: Makedonııamen teń oınadyq

Fýtbol • Búgin, 12:24

Kúlki kerýeni № 3

Rýhanııat • Búgin, 11:38

Eń qysqa áńgime. Jandos Júsipbek

Eń qysqa áńgime • Búgin, 11:32

Eń qysqa áńgime. О́mirjan Ábdihalyquly

Eń qysqa áńgime • Búgin, 11:29

Eń qysqa áńgime. Baýyrjan Babajanuly

Eń qysqa áńgime • Búgin, 11:24

Dala úni Almatyda bastalady

Rýhanııat • Búgin, 10:19

Tekti sózdiń tóresi Almatydan bastalady

Aımaqtar • Búgin, 10:11

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

Uqsas jańalyqtar