Qazaqstan • 23 Qyrkúıek, 2019

Májilis tóraǵasy Belarýs Parlamenti О́kilder Palatasynyń spıkerimen kezdesti

8 ret kórsetildi

Májilis tóraǵasy Nurlan Nyǵmatýlın Belarýs Parlamenti О́kilder Palatasynyń spıkeri Vladımır Andreıchenkomen kezdesti dep habarlaıdy Májilistiń baspasóz qyzmeti.

Belrýs ókili elimizge «Úlken Eýrazııa: Dıalog. Senim. Seriktestik» dep atalatyn Eýrazııa elderi Parlamentteri spıkerleriniń 4-keńesine qatysý úshin arnaıy kelgen.

Májilis tóraǵasy óz alǵysyn jetkize otyryp, Belarýs – Qazaqstannyń mańyzdy saıası jáne saýda-ekonomıkalyq áriptesi ekenin, al qazaqstandyq-belarýstyq, sonyń ishinde, parlamentaralyq deńgeıde qarym-qatynas júıeli ári nátıjeli yntymaqtastyqtyń úlgisi ekenin aıtty.

О́z kezeginde Vladımır Andreıchenko Qazaqstannyń tek qana Erýazııa keńistiginde ǵana emes, jalpy beıbitshilikti, dostyqty, kelisimdi nyǵaıtýǵa zor úles qosqanyn aıtty.

О́kilder Palatasynyń spıkeri Qazaqstannyń Tuńǵysh Prezıdenti Nursultan Nazarbaevtyń, Qazaqstan Prezıdenti Qasym-Jomart Toqaevtyń jáne Belarýs Prezıdenti Aleksandar Lýkashenkonyń jaqyn qarym-qatynasta ekenin atap ótti.

Vladımır Andreıchenko, sondaı-aq, 4-keńes tabysty ótetinine senim bildirdi.

Májilis tóraǵasy eki eldiń qarym-qatynasy ekijaqty, sondaı-aq, ıntegrasııalyq birlestikter aıasynda múddeler toǵysymen tereńdeı beretindigine toqtaldy.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar