Parlament • 23 Qyrkúıek, 2019

Senatorlar zańnamaǵa agroónerkásiptik keshendi retteý máseleleri boıynsha túzetýlerdi qarady

37 ret kórsetildi

Parlament Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» zań jobasy qaraldy. Bul týraly Parlament Senatynyń baspasóz qyzmeti habarlady. 

Zań jobasynyń maqsaty agroónerkásiptik keshen salasyndaǵy memlekettik saıasattyń tıimdiligin arttyrý jáne Agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasynyń negizgi erejelerin iske asyrýdy qamtamasyz etý bolyp tabylady. Zań jobasymen 13 kodekske jáne 29 zańǵa ózgerister men tolyqtyrýlar engizý kózdelip otyr. Sonymen birge Qazaqstan Respýblıkasynyń zańnamasyn Eýrazııalyq ekonomıkalyq odaqtyń normatıvtik quqyqtyq aktilerine sáıkes keltirýge baǵyttalǵan ózgerister engiziledi.

Zań jobasynyń negizgi tujyrymdamalyq túzetýleri:

  • ósimdikterdi qorǵaý men olardyń karantıni, veterınarııalyq qaýipsizdikti qamtamasyz etý, sýmen qamtamasyz etý jáne ósimdikter men janýarlar álemin saqtaý men qorǵaý boıynsha;
  • agroónerkásiptik keshen salasyndaǵy memlekettik saıasattyń tıimdiligin arttyrý: bıýdjet qarajaty esebinen ósimdikterdi qorǵaý men olardyń karantıni jónindegi is-sharalardy tolyǵymen qarjylandyrýdan jer paıdalanýshylardyń jaýapkershiligin arttyrý maqsatynda fıtosanıtarııalyq is-sharalardy ótkizý úshin pestısıdterdi satyp alýǵa aýyl sharýashylyǵy taýarlary óndirýshilerine arnalǵan shyǵyndardy arzandatýǵa kóshý boıynsha;
  • astyq qabyldaý kásiporyndarynyń qyzmetindegi ákimshilik kedergilerdi, olardyń negizgi qyzmetimen baılanysty qosymsha qyzmetterdi kórsetýi bóligindegi kedergilerdi joıý boıynsha;
  • taýarlardyń Eýrazııalyq ekonomıkalyq odaqtyń kedendik shekarasy arqyly ótkizý pýnktterinde ǵana emes, sonymen birge zańnamamen belgilengen ózge de jerlerde ótýi kezindegi veterınarııalyq-karantındik, fıtosanıtarııalyq baqylaý boıynsha;
  • biryńǵaı talaptardy qarastyratyn sý sharýashylyǵy júıeleri men qurylystaryna kópfaktorlyq zerttep-qaraýdy júrgizý boıynsha;
  • balyqtardyń jáne basqa da sý janýarlarynyń aınalymyna ýaqtyly baqylaý jasap otyrý tetikterin endirý arqyly balyq jáne balyq ónimderiniń kóleńkeli aınalymynyń jolyn kesý boıynsha normalardy qarastyrady.

Sonymen birge zań jobasymen AО́K, jer qatynastary, orman sharýashylyǵy jáne janýarlar álemi salasyndaǵy zańnamany jetildirýge baǵyttalǵan birqatar túzetýler kózdelgen.

Zań jobasy Palatanyń qaraýyna jiberildi.

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar