Rýhanııat • 24 Qyrkúıek, 2019

Semeıde teatr toıy bastaldy

112 retkórsetildi

Alashtyń rýhanı astanasy atan­ǵan Semeı shaharynda 20 qyr­kúıekte áıgili aktrısa, Qazaqstannyń Halyq ártisi, Memlekettik syılyqtyń laýrea­ty Ámına О́mirzaqovanyń 100 jyl­­dyǵyna arnalǵan Qazaqstan drama teatrlarynyń HHVII res­pýb­­lıkalyq festıvali bastalyp ketti.

Mádenıet jáne sport mınıstrligi men oblys ákimdiginiń qoldaýymen ótip jatqan shara aıasynda elimizdiń 12 teatry 5 kún boıy ónerlerin pash etetin bolady. Aýqymdy mádenı sharany uıymdastyrýshylardyń biri Qazaqstan teatrlar qaýymdastyǵynyń vıse-prezıdenti, Qazaqstannyń eńbek sińirgen qaıratkeri Ashat Maemırovtiń aıtýynsha, mundaı respýblıkalyq fes­tıval Semeı topyraǵynda tuńǵysh ret uıymdastyrylyp otyr.

Festıvaldyń ashylý saltanaty Semeıdegi Abaı atyndaǵy drama teatrdyń aldynda ótip, sharaǵa kel­gen búkil teatr ujymdary, aty ańyz­ǵa aınalǵan Asanáli Áshimov, M­erýert О́tekeshova bastaǵan óner maıtalmandary qyzyl kilemmen júrip ótti. Mádenıet jáne sport mınıs­tr­li­­giniń Teatr jáne kınematografııa bas­­­qarmasynyń bas sarapshysy Gúl­náfıs Myrzasheva mınıstr Aqtoty Raıym­qulovanyń quttyqtaý hatyn oqyp berdi.

«Qymbatty baýyrlar, qandastar! Uly Abaı eli. Bul kıeli jerge biz táý etip, oń aıaǵymyzben attap kelemiz. О́t­kendi umytpaı, arǵydan kele jatqan dás­túrimizdi jalǵap, halyq­qa ónerimizdi pash etsek, bizdiń maqsatymyzdyń oryn­­­dal­ǵany. Ámına apamyzben birge júrdik, birge jumys istedik. Uly Shá­kenniń dosy edi. Ekeýi qatar otyrǵanda eldi kúlkige qarq qylatyn. Ámına – uly aktrısa. Ámına, Sábıra, Qadısha apalar, Sholpan, Bıken, Zámzágúl... Dúnıe­den osyndaı uly aktrısalarymyz ótken. Árqaısysy bir tóbe. Árqaı­sysyna festıval arnasaq artyq etpeıdi» dedi sharanyń ashylý saltanatynda sóz sóılegen KSRO Halyq ártisi, Memlekettik syılyqtyń laýreaty Asanáli Áshimov.

 

SEMEI

 

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar