Ekonomıka • 24 Qyrkúıek, 2019

Nesıe seriktestikterin FinTech-ke baǵyttasaq utylmaımyz

23 retkórsetildi

Apta basynda Almatyda ótken III Nesıe seriktestikteriniń forýmyna Qazaqstanda jumys isteıtin 215 seriktestiktiń ókilderi, Polshadan kelgen halyqaralyq konsýltanttar, Ulttyq banktiń, Qazaqstan qarjygerler qaýymdastyǵynyń, «QazAgro» holdınginiń, Agrarlyq nesıe korporasııasynyń ókilderi, sondaı-aq FinTech salasyndaǵy kompanııalar qatysty.

«Agrarlyq nesıe korporasııasy» AQ basqarýshy dırek­tory Sábıt Jaqsylyqov jınal­ǵan­dar­ǵa nesıe seriktestigi júıesi týraly aıtyp berdi. Onyń sózi­ne qaraǵanda, elimizdegi sharýa qojalyqtary birigip, ózin ózi qar­jy­landyrýy kerek. Sonda ıge­ri­letin jer kólemi ulǵaıyp, ortaq tabys molaıady. Ondaı jaǵ­daıda olardy kez kelgen qar­jy uıymy nesıelendiredi. Agrarlyq nesıelik korporasııa bergen málimet bo­ıynsha ótken jyly olardyń 92 paıy­zy nesıelendirilgen. Bul basta­manyń taǵy bir tıimdi tusy da osy eken. Eger shaǵyn sharýa qojalyqtary birikse, memleketke alaqan jaımaıdy. «Biz­diń aldy­myzǵa qoıylǵan mindet – aýyl­sharýa­­shylyq taýar óndirý­shi­le­riniń qarjy resýrs­taryna qol­je­timdiligin qamtamasyz etý», dedi S.Jaqsylyqov.

Bıyl Agrarlyq nesıe korporasııasy men nesıe seriktestikteri tutynýshylarǵa 90 mıllıard teńgeden astam qarjy beril­mek.

El ishinde kvazısektordyń nesıelen­di­rý paıyzy joǵary degen pikir jıi aıtylady. Mysa­ly, korporasııa usynǵan nesıe men nesıelik seriktestikter usynǵan nesıeniń paıyzdyq mólsherlemesinde ájep­tá­ýir alshaqtyq bar. Basqarýshy dırektor S.Jaqsylyqovpen áńgime barysynda túsingenimiz, olardyń nesıe sharty kásipkerlerdiń bárine birdeı qoljetimdi emes. Shart boıynsha árbir iri qara maldyń kem degende 2-3 gektardan jaıylymdyq jeri bolýy tıis. Mysaly, 10 bas mal úshin kem degende 20-30 gektar jaıylymdyq jer kerek. Bul talapqa saı kelmeseń, korporasııanyń tómen pa­ıyzben beretin nesıesinen aspandaǵy aı jýyq bolady. Al nesıelik seriktestikter ondaı talap qoımaıdy.

«Nesıelik seriktestikter qarjyny Agrar­lyq nesıe korporasııasynan 9,5%-ben alady da, shamamen 14%-ǵa beredi. Sonymen qatar nesıe jáne lızıng boıynsha memlekettik sýbsıdııaǵa da qol jetkize alady», dedi Sábıt Jaqsylyqov.

Agroónerkásiptik keshendegi nesıelik serik­testik qaýymdastyǵynyń tóraǵasy Almıra Saǵatovanyń aıtýynsha, nesıe­lik se­riktestik tek «Nesıelik serik­tes­tik týraly» zańmen ǵana rettelýde, al memleket ta­rapynan bul júıe ret­tel­meıdi eken. «Qarjy osyǵan deıin mem­leketten bólinip keldi. Qazirgi daǵ­darys jaǵdaıynda qarjy tabýdyń qosymsha kózderin qarastyryp jatyrmyz. Investor tartý úshin «nesıelik seriktestik týraly» zańǵa ózgertý engizý kerek», deıdi A.Saǵatova.

Qazir seriktestikter júıesin basqarý ádisi boıynsha Ulttyq bankpen kelissóz júrip jatyr eken. «Retteý qyzmetin memlekettik organdarǵa berý nemese ózdi­gi­nen retteletin uıymǵa nesıelik serik­testikterdi biriktirý týraly usynys bar. Aǵymdaǵy jaǵdaıda osy durysyraq, sebebi kórshiles Reseıde nesıelik serik­tes­­tikter ózdiginen retteletin uıym­dar arqyly tabysty damýda», deıdi A.Saǵatova.

Onyń aıtýynsha, ózdiginen retteletin uıym qurý naryqty «birkúndik nesıelik seriktestikterden» tazartýǵa, olardyń ju­my­­syn ońtaılandyrýǵa kómektesedi. Bul proses­siz nesıelik seriktestikti kapıtaldandyrý múmkin emes. «Nesıelik seriktestikter depo­zıt qabyldaıtyn bolsa, standarttar men normatıvter daıyndalýy qajet. Ony retteıtin bir organ bolýy kerek. FinTech qarjy uıymdaryna da jetti. Nesıelik seriktestikter de aldaǵy ýaqytta FinTech arqyly alǵa jyljıdy», – deıdi A.Saǵatova.

Aıtpaqshy, Reseıden kelgen Nesıe­lik kooperatıvter lıgasy, Keńes múshe­si Alekseı Stepanov ta osy pikirdi qol­daı­dy. Onyń aıtýynsha, dál qazirgideı shashyrańqy tirlikti reseılik nesıe serik­tes­tikteri de bastan keshken. «Nesıelik serik­testikterdiń irilenýi naryqty bir kún­dik seriktestikterden tazartady. Reseıdegi 3 myń seriktestiktiń 90 paıyzy iri kooperasııalarǵa birikti. Naryqtyń bul segmenti de qarjylyq aqparattyq tehnologııamen ıntegrasııalanyp jatyr. Tek iri kooperasııaǵa birikken serik­­testikter óz qatysýshylarynan de­po­­­zıtter qabyldaı alady. Bul pro­ses­­ti FinTech salasynan habary bar ma­man­dar­dyń qatysýynsyz júzege asyrý múmkin emes. Sizder kooperasııaǵa birigý týraly usynystan buryn qajetti mamandardy tartý jaıyn da oılastyra júrińizder», dep atap ótti A.Stepanov. Ol mundaı tehnolo­gııanyń artyqshylyǵy retinde aqshamen esep aıyrysý kezinde bolatyn qylmystardyń aldyn alatynyn aıtyp ótti. « Biz aqshasyz esep aıyrysý tehnologııasynyń tyń serpilis ekenin, bıznes ortalyqtar óte salmaqty qural ekenin bilemiz. FinTech qarjylandyrý segmentindegi jańa múmkindik bolsa, onyń áleýetin nege qoldanbaımyz? Bul nesıelik seriktestikterde nesıelendirý barysyn barynsha ońtaılandyryp, ishki táýekelderden týyndaıtyn qaýipti seıiltedi. Demek, endigi trend­ti – FinTech-ke baǵyttasaq, utylmaı­myz» dep sózin túıindedi Alekseı Stepanov.

Aıta ketý kerek, nesıelik serik­tes­tikter qazir Qazaqstanda jumys istep jatyr. Forýmǵa qatysqan, pikir bildirgen kásip­­­ker­ler onyń ózderi úshin tıimdi tus­ta­­ryna nazar aýdaryp otyr. Olardyń sharty boıynsha nesıe alý úshin aýdan ortalyǵyna barýdyń nemese qujattar toptamasyn daıyndaýdyń qajeti joq. О́ki­nishke qaraı, onyń tartymdylyǵy ázirge osy faktormen ǵana shekteledi.

 

ALMATY

 

Banner
Sońǵy jańalyqtar

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

«Eńbek» eleýsiz qaldy

Qoǵam • Búgin, 08:43

Robot-tehnıka úıirmeleri qajet pe?

Qazaqstan • Búgin, 08:26

Qurylysshylar nege ereýilge shyqty?

Qazaqstan • Búgin, 08:24

«Januıa» ortalyǵy jumysyn bastady

Qoǵam • Búgin, 08:22

Kedergisiz ómir syılaıdy

Qoǵam • Búgin, 08:22

Reformalar oza shabýdy kótermeıdi

Qoǵam • Búgin, 08:19

Azamattyq jaýapkershilik qajet

Qoǵam • Búgin, 08:16

Ashyq qoǵam aıshyqtary

Búgin, 08:14

Tazalyqtan aldyna jan salmaıtyn jurt

Qoǵam • Búgin, 08:08

Jaldamaly jumysshylar jalaqysy artty

Ekonomıka • Búgin, 08:05

Sheteldik taýarlar qymbattady

Ekonomıka • Búgin, 08:03

Ekonomıkalyq ósimniń kóleńke tusy

Ekonomıka • Búgin, 08:00

Baspana baǵasy nege kóterildi?

Qoǵam • Búgin, 07:58

Yntymaqtastyqtyń jańa kezeńi

Qazaqstan • Búgin, 07:52

Eń qysqa áńgime. Qanat Ábilqaıyr

Eń qysqa áńgime • Keshe

Eń qysqa áńgime. Arman Álmenbet

Eń qysqa áńgime • Keshe

Uqsas jańalyqtar