Aımaqtar • 24 Qyrkúıek, 2019

«Sanaly urpaq» jumysqa kiristi

64 retkórsetildi

Statıstıkalyq málimet­terge júginetin bolsaq, Túrkistan oblysynda sy­baı­las jemqorlyqqa qatysty 2016 jyly – 209, 2017 jyly – 385, 2018 jyly – 109, 2019 jyldyń 7 aıynda 56 qylmystyq quqyq buzýshylyq tirkel­gen. Iаǵnı, jyldan-jylǵa óńirde qylmystyq fakti­ler azaıyp keledi. Bul kór­set­kishtiń tómen­deı túsýine Sybaılas jemqor­lyqqa qarsy is-qımyl agenttigi Túrkistan oblysy boıynsha departamenti júzege asyrǵan ıgi sharalar men bastamalardyń septigi tıeri anyq.

Jýyrda departamenttiń uıym­­­dastyrýymen ótken, óske­leń jas urpaqtyń ón boıyna adaldyq, parasattylyq, ádildik, senim qundylyqtaryn sińirýge jáne jas býynnyń rýhanı bolmysyn bekitip, sybaılas jemqorlyqqa qarsy mádenıetin qalyptastyrý maqsatyndaǵy «Adaldyq saǵaty» óńirdegi 903 mektep, 68 kolledj, 2 joǵa­ry oqý ornyn qamtydy.                

О́ńir­degi jalpy sany 50 myńǵa jýyq bilim alýshyny qamtyǵan shara­da qazaqtyń boıynda baǵzy­dan qalyptasqan adaldyq qundy­lyqtary, taǵylymǵa toly tarıh betterindegi ádildikti tý et­ken kemeńgerlerdiń týralyǵy keńinen áńgimelendi. Arnaıy ázirlengen beınerolık arqyly adaldyq – parasattylyqtyń eń bıik shyńy, ári adam boıyndaǵy eń asyl qasıet ekendigi jiti tú­sindirildi. Q.A.Iаsaýı atyn­­daǵy Halyqaralyq qa­zaq-túrik ýnı­versıtetiniń stý­dent­terine dáris oqyǵan agent­tiktiń Túrkistan oblysy boıynsha departamenti basshysy H.Kóshqalıev sybaılas jemqorlyqqa qarsy qarqyndy kúresý el saıasatynyń negizgi ba­sym baǵyttarynyń biri eken­digin atap ótti. «Jalpy, eli­miz­degi sybaılas jemqorlyq deń­geıin tómendetý baǵytynda ja­salyp jatqan pármendi sharalardy halyqaralyq uıymdar joǵary baǵalap otyr. Máselen, «Transparensı Interneshnl» reıtınginde Qazaqstan 31 upaı jınap, jemqorlyqtyń tó­mengi deńgeıi aımaǵyna kirdi. Bul Qazaqstannyń reıtıngte bolǵan barlyq ýaqytyndaǵy eń joǵary kórsetkish. Biz osy arqyly kórshiles Reseı, Ýkraına, Túrikmenstan, О́zbekstan jáne Qyrǵyzstannan joǵary bolyp otyrmyz. О́z kezeginde, agenttik bastamasymen búgingi kúni bilim oshaqtarynda jem­qorlyqqa qarsy mádenıetti qalyp­tastyrýǵa baǵyttalǵan birqatar júıeli jumystar jasalýda. Elimizdegi barlyq mektepterde «Adal ur­paq» erikti mektep klýbtary qu­rylǵan», dedi H.Kóshqalıev.

Jalpy adamgershilik jáne ulttyq qundylyqtar aıasynda óskeleń urpaqtyń boıyna sybaılas jemqorlyqqa qarsy mádenıetti qalyptastyrý jáne oǵan qarsy turýǵa daıyn tul­ǵalardy tárbıeleý negizgi maq­saty sanalatyn «Adal ur­paq» klýby 903 mektepte bar. Buǵan qosa, barlyq joǵary jáne kásiptik-tehnıkalyq bilim berý uıymdarynda sybaılas jem­qorlyq jaǵdaılaryn anyq­taý maqsatynda stýdentter ara­synda saýalnama júrgizý baǵy­tyndaǵy «Sanaly urpaq» jo­balyq keń­seleri ashylǵan. Naqtyraq aıtsaq, oblysta 28 bilim oshaǵynda «Sa­naly urpaq» keńseleri jumys isteýde.

Kúni keshe departamenttiń uıym­dastyrýymen Túrkistan qalasynda alǵash ret ótki­zil­gen «Kúzgi marafon» qaıy­rym­­dylyq sharasy da jas ur­paqty izgilikke, adaldyqqa, me­ıirimdilikke úndeıdi. «Meıi­rim­dilik úlgisi» aksııasy sheń­berinde ótken marafonǵa qatysýshylar erikti túrde 1000 teńge jáne odan joǵary qa­tysý jarnasyn tóleı otyryp, qaıyrymdylyq sharaǵa óz úles­terin qosty. Oblystyq polısııa departamentiniń basshysy, general Q.Dálbekov, ob­lystyq sottyń Azamattyq ister jónindegi sot alqasynyń tóraǵasy T.Bekimbetov jáne basqa da basshylar qatysqan marafon «Prezıdenttik mıl» dástúrli jeńilatletıkalyq júgirisi retinde 2400 metr qa­shyqtyqta ótkizilip, jarys je­ńim­pazdary kýbokpen jáne arnaıy júldelermen marapattaldy.

Uıymdastyrýshylardyń má­lim­deýinshe, marafonnan tús­ken 500 myń teńgege jýyq qarajat «Túrkistan joǵary me­­dısına» kolledjinde bilim alyp jatqan, áleýmettik jaǵ­daıy tómen otbasylardan shyq­­qan jastardyń birinshi jar­tyjyldyq oqý aqysyn tóleýge jumsalady. Osyndaı ıgi ister arqyly Sybaılas jem­qorlyqqa qarsy is-qımyl agenttigi Túr­kistan oblysy boıyn­sha de­partamenti jastardy adal­dyq­qa, qarapaıymdylyqqa, jaman ádetterden aýlaq bolýǵa, bilim men eńbekke umtylýǵa ún­deı otyryp, quqyqtary men bostandyqtaryn uǵyndyrýdy, jemqorlyqqa baılanysty quqyq buzýshylyqtyń aldyn alýdy maqsat etip otyr.

 

Túrkistan oblysy

Banner
Sońǵy jańalyqtar

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

«Eńbek» eleýsiz qaldy

Qoǵam • Búgin, 08:43

Robot-tehnıka úıirmeleri qajet pe?

Qazaqstan • Búgin, 08:26

Qurylysshylar nege ereýilge shyqty?

Qazaqstan • Búgin, 08:24

«Januıa» ortalyǵy jumysyn bastady

Qoǵam • Búgin, 08:22

Kedergisiz ómir syılaıdy

Qoǵam • Búgin, 08:22

Reformalar oza shabýdy kótermeıdi

Qoǵam • Búgin, 08:19

Azamattyq jaýapkershilik qajet

Qoǵam • Búgin, 08:16

Ashyq qoǵam aıshyqtary

Búgin, 08:14

Tazalyqtan aldyna jan salmaıtyn jurt

Qoǵam • Búgin, 08:08

Jaldamaly jumysshylar jalaqysy artty

Ekonomıka • Búgin, 08:05

Sheteldik taýarlar qymbattady

Ekonomıka • Búgin, 08:03

Ekonomıkalyq ósimniń kóleńke tusy

Ekonomıka • Búgin, 08:00

Baspana baǵasy nege kóterildi?

Qoǵam • Búgin, 07:58

Yntymaqtastyqtyń jańa kezeńi

Qazaqstan • Búgin, 07:52

Eń qysqa áńgime. Qanat Ábilqaıyr

Eń qysqa áńgime • Keshe

Eń qysqa áńgime. Arman Álmenbet

Eń qysqa áńgime • Keshe

Kúlki kerýeni № 2

Rýhanııat • Keshe

Qylqalamnyń ushynda – Qaraǵandy

Rýhanııat • Keshe

Uqsas jańalyqtar