Bir apatadan astam merzimde qala mektepteriniń oqýshylary «Rýhanı jańǵyrý» jobalyq ofısiniń uıymdastyrýymen ekskýrsııalaryn jalǵastyratyn bolady. Alǵashqy ekskýrsııa oqýshylar úshin erekshe boldy.
Kartaǵa engen kıeli oryndardyń sany 15 jáne de onyń úsheýiniń respýblıkalyq mańyzy bar. Kúnine 125 bala osy joba boıynsha ózderi úshin qyzyqty saıahattar jasap, tanymdyq málimetter jınaıdy. Mundaı sharalar óz kezeginde balalardyń týǵan jerge degen súıispenshiligin arttyrýǵa múmkindik beredi. «Rýhanı jańǵyrý» jobalyq ofısiniń menedjeri Raýshan Qasymovanyń aıtýynsha, balalar alǵashqy saıasattarynan úlken ásermen oraldy.
Ásirese, Dinmuhamed Qonaevtaı tulǵanyń ómiri men qyzmetine qatysty derekter mektep oqýshylarynyń zor qyzyǵýshylyǵyn týǵyzdy. Olardy tulǵa oqyǵan kitaptardyń sany tańǵaldyrdy. Balalar sóredegi bes myń kitap pen jeke buıymdaryna qatysty suraqtaryn qoıyp, árbir jádigerdiń tarıhymen tanysty. Bul ekskýrsııaǵa oqýshylar árbir aýdannyń bilim basqarmalary arqyly jınaldy. Olardyń basym kópshiligi az qamtylǵan otbasylardyń balalary. Raýshan Qasymovanyń aıtýynsha, 25 qyrkúıekke deıin myńǵa jýyq balany qamtý josparlanyp otyr. Al aldaǵy ýaqytta bul kórsetkish 2-3 myńǵa jetkiziledi.
