Bul málimetti valıýta naryǵyndaǵy eýronyń satylymyna taldaý jasaǵan Ranking.kz saraptamalyq agenttigi jarııalady.
«О́tken jylmen salystyrǵanda eýronyń satylymy 59 paıyzǵa artty. Byltyr bul sıpattaǵy valıýta aıyrbastaý operasııalary teńgeniń qatysynsyz ótken. Eýro satylymynyń artýy barlyq óńirde baıqalyp otyr», – delingen saıttyń aqparatynda.
Eýroodaq valıýtasy suranysqa ıe qalalardyń tizimin Almaty bastasa (109 mlrd teńge), Nur-Sultan qalasy 29,9 mlrd teńgemen ekinshi orynda tur. Úshinshi orynǵa 14,7 mlrd teńgemen Qaraǵandy oblys jaıǵasqan. Buǵan deıin atalmysh valıýtaǵa asa kóp suranys baıqalmaǵan Aqmola oblysynda eleýli ósim bar. Bul óńirde eýronyń satylymy ótken jylǵy kezeńmen salystyrǵanda 12,4 ese artyp, 3 mlrd teńgege jetken. El kóleminde eýroǵa degen eń tómengi suranys túrkistandyqtardyń úlesinde eken. Túrkistandyqtar ázirge AQSh dollaryna basymdyq berip otyr.
«Munda «taza satylym» arqyly 280,3 mln teńgeniń aıyrbasy júrgen. «Sońǵy 2 aıda eýro satylymy 40 mlrd teńgelik mejeden artyp otyr. Shilde aıyndaǵy eýronyń ortasha baǵamy 430,1 teńge boldy. Bul maýsym aıyna qaraǵanda 0,1 paıyzǵa arzan. Al 2018 jyldyń shildesimen salystyrǵanda 7,2 paıyzǵa qymbat», – dep jazady Ranking.kz.
ALMATY
