Qazaqstan • 24 Qyrkúıek, 2019

«QazMunaıGaz» jáne «Equinor» birlesken zertteý jumystaryn júrgizedi

70 retkórsetildi

«QazMunaıGaz» UK AQ Basqarma tóraǵasy Alık Aıdarbaev Equinor ASA kompanııasynyń barlaý boıynsha aǵa vıse-prezıdenti Tore Lozemen kezdesti.

Kezdesý barysynda qatysýshylar Qazaqstan men Norvegııanyń munaı-gaz salasyndaǵy seriktestiginiń mańyzyn atap ótti jáne keleshekte yqtımal jer qoınaýyn paıdalaný jóninde kelisimshartqa otyrý maqsatynda Qazaqstan Respýblıkasy aýmaǵyndaǵy keıbir munaı-gaz ýchaskelerinde birlesken zertteý jumystaryn júrgizýge ynta bildirdi. Soǵan oraı, qos kompanııa arasynda uzaq merzimdi jáne ózara tıimdi seriktestik aıasynda birlesken zertteýler jumystaryn júrgizý týraly kelisimge qol qoıyldy.

Qujatqa QMG Apparat basshysy – Damý jónindegi basqarýshy dırektor Dastan Abdýlǵafarov jáne Equinor barlaý boıynsha aǵa vıse-prezıdenti Tore Loze qol qoıdy. Kelisim Qazaqstan Respýblıkasy aýmaǵynda munaı-gaz ýchaskeleriniń kómirsýtekti áleýetin baǵalaý maqsatynda geologııalyq jáne geofızıkalyq izdestirý jumystaryn júrgizýdi kózdeıdi.

- Kelisim keleshekte ózara tıimdi seriktestiktiń negizi bolady dep senemiz. Qos kompanııa da Qazaqstanda barlaý jáne óndirý kelisimsharttary boıynsha Equinor-dyń strategııalyq seriktes retinde qatysýyn qarastyrýǵa daıyn, dedi A. Aıdarbaev.

 

 

Mańǵystaý oblysy

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar