Qazaqstan • 24 Qyrkúıek, 2019

Nıý-Iorkte jappaı densaýlyq saqtaý qyzmetimen qamtamasyz etýge arnalǵan saıası deklarasııa qabyldandy

187 ret kórsetildi

BUU-nyń  Nıý-Iorkte ótip jatqan 74-shi Bas Assambleıasy aıasynda Bas Assambleıanyń Tóraǵasynyń  jetekshilgimen «Jappaı densaýlyq saqtaý qyzmetterimen qamtamasyz etý: salaýatty álem qurý boıynsha birlesken kúsh-jiger» máselesi boıynsha joǵary deńgeıdegi otyrys ótti, onda Jappaı densaýlyq saqtaý qyzmetimen qamtýǵa arnalǵan Saıası deklarasııa qabyldandy. Bul týraly Densaýlyq saqtaý mınıstrliginiń baspasóz qyzmeti habarlady. 

Eljan Birtanov Nıý-Iorkte BUU Bas Assambleıasy aıasynda ótken saıd-ıventte «Jappaı densaýlyq saqtaý qyzmetterimen qamtamasyz etý jáne turaqty damýǵa  qol jetkizýge arnalǵan  medısınalyq-sanıtarlyq alǵashqy kómek» taqyrybynda baıandama jasady.

Is-sharany Densaýlyq saqtaý mınıstrligi AQSh-tyń  Densaýlyq saqtaý jáne áleýmettik qyzmet mınıstrligimen birlesip uıymdastyrdy. Jıynǵa álem elderinen júzden astam adam qatysty. Olardyń ishinde halyqaralyq uıymdardyń kóshbasshylary, BUU-ǵa múshe elderdiń densaýlyq saqtaý jáne syrtqy ister mınıstrleri, ǵalymdar, osy saladaǵy sarapshylar boldy.

Otyrysta DDSU bas dırektory Tedros Adhan Gebreıesýs, IýNISEF atqarýshy dırektory Genrıetta For, Halyqaralyq Elektr baılanysy odaǵynyń Bas hatshysy Chjao Hoýlın, AQSh Densaýlyq saqtaý jáne áleýmettik qyzmet mınıstri Aleks Azar jáne Dúnıejúzilik Banktiń Densaýlyq saqtaý, tamaqtaný jáne halyqty  qonystandyrý máseleleri jónindegi jahandyq sektorynyń dırektory Mýhammad Alı Pate sóz sóıledi.

«Búgin qabyldanǵan JDSQQ (jappaı densaýlyq saqtaý qyzmetimen qamtamyz etý) boıynsha jańa saıası deklarasııada MSAK adamdardyń dene jáne psıhıkalyq densaýlyǵyn, áleýmettik ál-aýqattyn  jaqsartatyn ınklıýzıvtik, tıimdi jáne pármendi tásil dep jazylǵan. Sonymen qatar, Almaty jáne Astana deklarasııasy boıynsha  MSAK jappaı densaýlyq saqtaý qyzmetterimen qamtamasyz etý  jáne turaqty damýdyń  irgetasy»,-dedi Eljan Birtanov.

Sonymen qatar mınıstr Qazaqstan Úkimeti úshin adamdardyń densaýlyǵy eń joǵary ulttyq qundylyq bolyp qala beretinin atap ótti. Qazaqstan Konstıtýsııasy barlyq azamattar men elimizge  kelýshilerge memleket qarjylandyratyn tegin medısınalyq kómekke kepildik beredi. JDSQQ (jappaı densaýlyq saqtaý qyzmetimen qamtamyz etý) qosymsha medısınalyq qyzmetter arqyly odan ári keńeıtý maqsatynda 2020 jyldyń qańtarynan bastap Mindetti áleýmettik medısınalyq saqtandyrý iske qosylady.

«Medısınalyq saqtandyrý reformasy medısınalyq kómektiń qoljetimdi bolýyna, sapasynyń jaqsarýyna yqpal etedi jáne halyqtyń densaýlyǵyna jumsaıtyn shyǵynyn  eki esege qysqartady. Osy reforma arqyly densaýlyqty nyǵaıtýǵa jáne aýrýlardy erte anyqtaýǵa múmkinldik týady, al azamattardyń óz densaýlyǵy úshin áleýmettik jaýapkershiligin arttyramyz dep úmittenemiz», - dedi Eljan Birtanov.

 

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar