Tabıǵı aglomerasııa: aýyl sharýashylyǵy taýar óndirýshileriniń áleýetin arttyrady

Ár aptanyń demalys kúnderi óz ónimin deldalsyz saýdalaǵan turǵyndar bir qýansa, arzan baǵada taýar alýshylardyń da kóńili bir kóterilip qaldy.

Jýyrda Shymkentte aýdan-qalalardyń aýyl sharýashylyǵy taýar óndirýshilerin qoldaý maqsatynda alǵash ret Túlkibas aýdanynyń aýyl sharýashylyǵy jáne qolóner sheberleriniń jármeńkesi ótkizildi. Atalǵan jármeńkede taýar óndirýshiler jalpy quny 3,5 mln teńgeni quraıtyn 13,7 tonna aýyl sharýashylyǵy ónimderin usyndy. Qajymuqan atyndaǵy ortalyq stadıonda ótken jármeńkeni qala ákimi Erlan Aıtahanov aralap,  ıgilikti bastamaǵa sáttilik tiledi.

«Biz Túrkistan oblysymen birlese otyryp, aýyl sharýashylyǵy ónimderiniń jármeńkesin uıymdastyrýdy qolǵa aldyq. Búgin bastama retinde Túlkibas aýdanynan kelgen ónimderdi qala turǵyndary men qonaqtaryna bazar narqynan 10-15 paıyzǵa tómen baǵada usynyp otyr. Syrttan aldyrǵansha oblystaǵy sharýalarǵa qoldaý kórsetip, ózimizdiń taza ónimderdi paıdalanǵanymyz durys. Túlkibas aýdanynyń almasy erekshe unaıdy», dedi shahar basshysy.

Qazirgi tańda eki óńirdiń birlesken aýyl sharýashylyq ónimderi jármeńkesiniń jalǵasy retinde Tólebı men Otyrar aýdandarynda taýar óndirýshileriniń birlesken aýyl sharýa­shylyǵy ónimderiniń jármeńkesi ótti.

Saýda alańyna 60-tan astam aýyl sha­rýashylyǵy taýar óndirýshileri qatysyp, jalpy quny 113 mln teńgeni quraıtyn 78 ton­na aýyl sharýashylyǵy ónimderi qala tur­ǵyn­daryna usynyldy. Atalǵan jármeńkede aýyl sharýashylyǵy ónimderi naryqtaǵy baǵadan 15-20 paıyzǵa deıin arzan saýdalandy.

Jármeńkege arnaıy kelgen qala ákimi Er­lan Aıtahanov azyq-túlik baǵasynyń negiz­siz ósýi­ne jol berilmeı, mun­daı jármeń­ke­lerdiń jıi ári úzdiksiz uıym­das-
­­ty­rylatynyna sen­dirdi. Son­daı-aq qala bas­shysy bir­lesip jasal­ǵan shara úshin Túrkistan obly­sy­nyń ákimi О́mirzaq Sh­ó­keev­ke óz alǵysyn jetkizdi.

Túrkistan oblysy­nyń eki aýdany shymkent­tik­terge et, sút ónimderimen qa­tar, kartop, kókónis, jemis-jıdek pen qaýyn-qar­byz, bolgar buryshy, qyza­naq, qııar men jemis shyry­nyn jáne qolóner buıym­dar­yn usyndy.

Sonymen qatar jármeńkege kelgen shahar turǵyndary men qonaqtary Shymkent qalasynyń Mádenıet basqarmasy jáne Tóle­bı men Otyrar ákimdikterimen bir­lese uıymdastyrǵan konserttik baǵdar­la­masyn máz-meıram bolyp tamashalady.

Atalǵan jármeńkeni uıymdastyrýdyń negizgi maqsaty – halyqty tıimdi baǵadaǵy qoljetimdi azyq-túlikpen qamtamasyz etý bolyp tabylady. Al aýyl sharýashylyǵy taýar óndirýshileri tikeleı ózderi ónimderin ótkizedi.

ShYMKENT