Aımaqtar • 25 Qyrkúıek, 2019

Jetistikke jeteleıtin joba

15 retkórsetildi

Az ýaqyttyń ishinde jańa kásip ıgerip, tipti jeke bıznes ashý ońaı ma? «Isker ana» jobasyna qatysýshylar bul saýalǵa «Árıne» dep jaýap beredi. Bıyl oblys ákimi Nurlan Noǵaevtyń bastamasymen osyndaı joba júzege asty. Jumyssyz, kóp balaly, jalǵyzbasty, múmkindigi shekteýli bala tárbıelep otyrǵan, az qamtylǵan otbasylardaǵy áıelder arasynda belsendi suranysqa ıe bolǵan jobaǵa qatysýshylardyń sany 600-den asqan. Onyń 280-i aýdan turǵyndary.

«Isker ana» áleýmettik bilim berý jobasy aıasynda áıelder tigin isi, aspaz, shashtaraz, vızaj, esepshi, aǵylshyn tili, kompıýterlik saýattylyq sekildi 10 túrli mamandyq boıynsha oqyp, sertıfıkat aldy. Kýrs barysynda túrli trenıngter ótkizilip, qatysýshylar áleýmettik jelilerdi maqsatty paıdalaný, jarnama ornalastyrý, onlaın-saýda júrgizý mashyqtaryn meńgerip, bıznes júrgizý negizderin oqydy. О́ńir basshysy joba bastalar aldynda kýrs bitirýshilerdiń bıznes-jobalaryn qarastyryp, óz isterin damytýǵa qajet qural-jabdyqtardy satyp alýǵa kómek kórsetiletinin aıtqan bolatyn. Osy baǵytta «Isker ana» jobasynyń I grant baı­qaýy uıymdastyryldy.

– Joba aıasynda arnaıy bilim alǵan áıel adamdardyń arasynan kásip bastaýǵa nıet bildirgeni, bıznes-jospar jasa­ǵandary grant baıqaýyna qatysty, – deıdi oblystyq ishki saıasat basqarmasynyń basshysy Jasulan Bısembıev. – Nátı­­jesinde oblys boıynsha 110 áıel adam grantqa ıe boldy. Olar­ǵa óz isterin bastaýlary úshin qajet qural-jabdyqtar berildi.

«Isker ana»-nyń biri – Inder aýdanynyń turǵyny Aıdana Temirǵalıeva. Jalǵyzbasty ana buǵan deıin mem­leketten alatyn járdemaqymen ǵana kúneltip kelgen. Endi jańa kásip meńgerip, aýy­lynda shaǵyn bıznes bas­taıdy. «Osyndaı múmkindik syılaǵan aımaq basshysyna rızashylyǵym sheksiz. Tegin kýrsqa qatysyp, dos­tar taptym, bilim kókjıegimdi keńittim, kóp nárse úı­rendim. Endi oqyǵandarymdy is júzinde kórsetý – maq­satym», deıdi.

Úı sharýasynda otyrǵan analardy kásipke oqytý utymdy sheshim bolǵanyn «Isker ana» jo­basyna qatysýshylardyń bo­la­shaqqa degen senimderinen de ań­ǵa­rý­ǵa bolady. Al senim – uly kúsh.

 

ATYRAÝ

 

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar