Qazaqstan tarapynyń delegasııasyn saýda jáne ıntegrasııa vıse-mınıstri Janel Kýshýkova basqardy.
«О́zara saýda jasaý kezinde kedergilerdi joıýdy kózdeıtin Eýrazııalyq ekonomıkalyq odaqtyń ishki naryǵyn damytý eýrazııalyq ıntegrasııany damytý úshin sheshýshi aspekti jáne jumysymyzdyń negizgi ólshemsharty bolýy tıis. Bul rette ıntegrasııanyń odan ári damýy ekonomıkalyq quramdastyń prızmasy arqyly ótýi qajet», — dep atap ótti Janel Kýshýkova.
Strategııalyq baǵyttardyń jobasy ótken jyly jeltoqsanda qabyldanǵan Eýrazııalyq ekonomıkalyq odaq sheńberinde ıntegrasııalyq prosesterdiń odan ári damýy týraly deklarasııany iske asyrý úshin ázirlenip jatqanyn eske salamyz, ári ol aǵymdaǵy jyldyń sońyna deıin Joǵary Eýrazııalyq ekonomıkalyq odaqtyń qaraýyna usynylýy tıis.
Jalpy, Strategııalyq baǵyttardyń jobasy EAEO maqsattary men mindetterin iske asyrýǵa, onyń ishinde joǵary tehnologııalyq jáne ınnovasııalyq eýrazııalyq keńistikti qamtamasyz etý, múshe elderdiń ekonomıkasyn sıfrlyq transformasııalaý, iskerlik belsendilikti yntalandyrý jáne azamattardyń ómirinde pozıtıvti ózgeristerdi qamtamasyz etý úshin múshe elder qabyldanǵan mindettemelerdiń sózsiz oryndalýyn qamtamasyz etýge baǵdarlanǵan.
Keńestiń nátıjeleri boıynsha taraptar Strategııalyq baǵyttardyń jobasyn ázirleý boıynsha jumysty jandandyrý týraly ýaǵdalasty.
